|
||||||
|
尖沙嘴廣東道名 店林立，已經成為內地自遊行來港必到嘅朝聖之地。大業主九倉（004）、華置（127）甚至英皇國際（163）都有舖喺嗰頭。不過，亦有一啲單幢物業係由 鮮為人知嘅老牌家族揸住，廣東道嘅業主，真係卧虎藏龍。好似上個禮拜狂加Omega八成租嘅廣東道12號松鳳商業大廈，業主係一個叫馬松深（圖）嘅低調潮 州富豪，佢係一位紡織業廠家，喺香港同大陸都有廠房，沙田區仲有一間叫「馬松深中學」，馬生響香港除咗有個自住單位同幾層工廈外，最值錢就係呢幢松鳳商業 大廈。華華問番啲經紀老友，呢幢物業前身係一幢舊樓，馬松深響1962年用咗20萬銀買入後，喺1999年左右重建成為商廈，咁佢就響自己同太太姚鳳個名 各取一字嚟名命呢幢新廈。老友話，馬生只曾響大廈落成前去地盤視察過，但起好之後由命名到招租，到十幾年後嘅今日，大家都已經冇見過佢，低調到你唔信！ 咁呢幢樓今時今日大約值幾銀呢？有估值師老友估計，市值約莫係20億，咁即係比當年買入價升值近1萬倍…… |
||||||