|
|||
|
幾位老友定期晚餐會因各人事忙，時間遷就唔到，停一個月之後，由財務A做東，原定去「香港會」吃西餐，但舉行前幾日，有人提出：「喂，香港會太斯文，不能高聲，不能聽電話，唔我地呢班人高談闊論，互相駁嘴。」財務A認為有道理，於是另找地方，適逢佢有位老友記在蘇豪區籌辦一間私房菜，由老友記位公子親自主理，開幕前想搵人試菜，於是財務A立即改地方。點知呢間私房菜因為未開業，門口冇招牌，左丁山、多嘴L、賓架S三人，不約而同，上到史丹頓街之後，左行右行，行到滿頭大汗，住地圖，都搵唔到私房菜所在地，果然同是蘇豪區大鄉里。但亦因此在史丹頓街行六七分鐘，見到成條街都係餐廳，幾乎間間滿座，以西人佔多數，華人靚女亦多。最後唯有打電話俾財務A，佢話落樓搵我地，唉，我地原來就係企在門口！ 上到一樓，一位世姪在場迎接，望真，咦有面善喎，財務A介紹話：「呢位公子M就係Ambrose位大仔。」唔怪得啦，Ambrose與我地相識多年，公子M一頭烏黑濃髮，有乃父之風，直情係生招牌。呢間小飯館做係fusion西餐，位於中環晚上之繁忙餐飲區，畀心機做落去，應有前途。 財務A帶來智利紅酒，多嘴L亦係飲酒尖嘴L，連聲讚抵飲，抵飲。財務A話：「教你地一個內地名詞，這瓶酒的性價比很高！」性價比？蘇豪區唔係灣仔酒吧區，暫時有酒無性，講乜價錢呀？財務A大笑：「你正式係港燦，內地同胞好有文化，飲我地港燦平酒，唔會面露不悅之色，只會講句：性價比不錯。性者，性能也，價者，價錢也，比者，比率也，明白冇？」唉，不如講英文，即係value for money，有智利紅酒的確係value for money。
常在內地行走飛機R就話：「內地同胞招待我地，叫聲夥計拿酒來，即係話拎我存酒出，夥計二話不說，就拿出三樽拉菲，對同胞講，拉菲先至係及格性價比！」內地人如此豪氣，我地當然遠遠不如，要學亦學唔，飲智利紅酒，有好高性價比 |
|||