2010-9-14 AD
|
||||||
|
邊個係獅子銀行 滙豐控股（005）新主席繼續係城中熱話！喺英國博彩公司開出盤口之後，開始有滙豐前朝高層出口述捧熱門！前滙控行政總裁韋志誠（Keith Whitson），前幾日喺英國《每日電訊報》發表公開信，力撐新主席人選點都應該喺滙豐裏面揀蟀，而唔應該搵外人空降！亦即係話，睇韋Sir條心水Q， 係紀勤膽拖約翰桑頓囉！ 「等如將滙控前途做賭注」 韋Sir話，滙控向外招手搵個外人主席，等如將集團嘅前途做賭注 （gambling with the group's future），他老人家認為，滙控應該集中火力，喺內部搵個合適人選，事關o依家滙控管理層班子裏頭，不乏出類拔萃之輩，咁如果貿貿然將個主席位畀個條 件次一級嘅人去做，就會打擊獅子銀行內部士氣！Hmmmmm，巴克萊銀行個CEO約翰雅利剛剛婉拒出任滙控主席，韋SIR口中條件次一級嘅外人莫非係講緊 佢？ 講開又講，有接近主席招聘隊伍嘅消息爆料，話如果真係由內部提升嘅話，可能會喺呢兩個星期內公佈，至於話大熱門現任滙控CEO紀勤，大熱還大熱，有股東質疑由佢做主席會有損董事會嘅中立性，影響管業管治……咁大熱最後會唔會倒灶呢？不妨拭目以待。 李華華 |
||||||