ZKIZ Archives


三隻股票簡評 - 2698, 2678, 811 精工窮人

http://hk.myblog.yahoo.com/Seiko-Investor/article?mid=538

正如Mr Buffett兄咁講,我一向怕人多既地方。所以對於3X倍PE既 "高增長" 內需股一向都無興趣。人越少既地方,受注意程度越低,而出現錯價既情況或投資機會亦較高。

當然,呢D只係個人癖好,如果閣下仍然鍾情於3X倍PE "高增長"股既,亦可以唔駛睇下面既東西。

以投資公司概念去計,3X倍PE要公司盈利每年有25%增長,十年後先回本。但事實上,強於可口可樂亦未必能達到此目標。若然當中有任何風吹草動,高增長不再,小股東就只好自求多福。

難得今天有點時間,打下最近買入及注意的三隻股票之簡評。

2698

1.) 世界最大棉紗紡織廠。用棉量全國第一。而且生產技術也大幅領先其實競爭對手。龍頭中既龍頭~

2.) 09年度世界著名品牌500強之一。係國內講起棉紗紡織,無人唔識魏橋。基本上魏橋已經算得上一個品牌,亦係大規模紡織生產既代表,產品質量亦絕對數一數二。

3.) 不少外國及國內大型製衣企業都係2698客仔。LEVIS, 德永佳, 伊藤忠,丸紅, 日棉,etc。做得日本仔長期供應商,亦反証產品質量一定有番咁上下。

4.) 唔少人會覺得紡織行業式微。但事實上金融海潚後已經有唔少紡織公司執左。加上呀爺大刀闊斧打擊落後產能,製衣同零售內需增加,行業氣氛其實並不如外界想像中差,亦做成紡織行業被錯誤標籤為垃圾級別,個別企業出現被過份低估的情況。

5.) 國內既製衣同衣服銷售行業持續發展,亦開始有意識地注重產品質量。而身位行業龍頭既魏橋自然有所得益。今年大家都咬定棉花價格大升會對魏橋產品既毛利造成傷害,誰不知魏橋既棉紗產品毛利就唱反調升足一倍有多。(7% --> 15.7%)

足証佢有議價能力,亦可以將成本轉嫁比客戶,棉紗出廠價格升幅甚至比棉花更高。近來棉花既價格亦開始穩定,預計上升空間有限。2698存貨周轉改進亦反証公司效率及產品需求正在回復。

6.) 公司管理不錯。而且懂得善用資源。紡織業要用到蒸氣,於是集團自資起熱能發電廠,一方面供蒸氣,另一方面提供廉價電力。到調整完成再注入2698,亦同 2698簽左買電協議,只要2698有多餘電力,集團既其他子公司如魏橋鋁業就會同2698買電。使得2698在主業不理想時,亦可以出售多餘電力,令公 司現金流同盈利得到保證。

當時好多人覺得熱能發電廠30億做價太貴,係母公司搵笨。但事實就係2698近5年已由發電收番超過16億盈利,都已經唔計當中帶黎既經濟效益。熱 能發電廠既使用年期為20年,仲成14-15年玩。回本絕對不成問題。反而最後應該有賺添~~而當公司處於逆境時熱能發電廠就可以係一個好好既盈利平衡 器,正如人地玩對沖一樣。(2008年及2009年已經係一個好例子)。

7.) (營運現金流 + 投資現金流 - 利息) 由06年以來皆為正數。現金亦不斷累積。而2698亦已開始減債,可進一步減低利息開支。

8.) 經過早年既瘋狂投資後,近年既投資步履已減慢,進入穩步發展階段。目前只集中更換舊機器及升級個別落後生產線。預計資本支出會慢慢減少及逐漸平穩。年初時,2698估計今年資本支出約為14億人民幣。估計2698會慢慢成為一部"現金生產器"。

9.) 而集團最近傳上市既鋁業其實亦係以熱能發電廠引申出黎。短短幾年已經做到咁大。亦係集團管理層能力既反証。

10.) 2698自上市時已交到第二代既張小姐手中,而張老先生亦已經放手。以公司過去幾年既業務睇黎,交接算得上成功。

11.) 公司近年派息比率穩定。

12.) 股本自2006年後已無變動。

13.) 上半年既盈利同已達06年的9成水平。由2003年起,公司下半年既盈利約為上半年的1.4倍,打個九折計1.3倍。假設下半年增長速度持平,則全年盈利 約為12.5億人民幣。每股盈利為1.21。即使現時已升至6.27元,現價只為5倍PE,收益率為5.7%,PB只有0.45倍。ROE亦可回升至 10%水平。(如果計PE X PB = 2.26,低到嚇親。但個人並不主張用PE X PB,因為過份地注重了價格的元素,而且對公司效率有反智效果。)

PE比以往歷年最低水平的6倍多還要低。(不計2008及2009年非常時期,而2005-2007年平均PE為8倍,平均收益率不足4%。)而 05/06及06/07年財政年度周最高價為12.8元,最低價亦有8.6元,07年大牛市間更曾升至19.5元。以半年盈利計已超過05年同期,進一步 引證現價仍然便宜。

14.) 如過多兩三年回升至2007年水平,則現價PE只有3.X倍。8倍PE可見$13.4,現價收益率都有8%。(而2698既回復概念另一個好處係,因為佢已經有足夠既產能,唔需要點增產亦可以應付訂單增加。)

 

2678

而2678係2698既半個行家,不過針對做特種棉紗,唔算競爭力對手。但由於2678產品特別,毛利同售價較高,因此效率亦相當利害,增長速度亦 快。但由於企業處於增長期,資本開支會比2698大。加上負債水平相若,估計減債可能較少。現價為2010年7.X倍PE及3倍PB。估計派息與上年的3 成水平一樣。收益率約為5-6%。2678亦已於越南設廠,減低營運成本。

尚算不俗,行業同樣處於增長期,己放入觀察名單。

而下面兩篇有關2678既研究文章亦寫得很好~可以參考。

http://realblog.zkiz.com/lanhai008/14863

http://realblog.zkiz.com/lanhai008/14867

 

811

811則為書業大亨。0負債,手持大量現金,背後係四川政府。年中收購了上游的出版行業供應商,出版業入門檻極高,往往要有政府背景,加上811既 中盤,零售,網上業務,教科書訂閱及現時已逐漸成形既全國性供書供應鏈有潛力形成壟斷性優勢,而年中既垂直收購更可帶來更好既成本效益。

預計收購完成後每年只少可增加1.3億盈利,出版業務於下半年開始入帳。2010年PE為10倍。但收益率高達8%。PB則約為1倍,ROE約10%。唯一憂慮係以往派息特別息佔大多數。未來派息水平可能有變。

從台灣的大中盤發展看811的書業供應鏈。

http://www.sino.gov.tw/show_issue.php?id=200859705082c.txt&table=0&cur_page=1&distype=text

利益申報,小弟持有2698 及811~~

 

幾篇2698剪報

http://www.21cbh.com/HTML/2010-8-17/zOMDAwMDE5MjQzOQ.html

http://big5.ce.cn/gate/big5/intl.ce.cn/zgysj/201002/10/t20100210_20949403.shtml

http://www.cncotton.com/fzjw/fzdt/gnfz/fzqy/200804/t20080411_154433.html

http://big5.cri.cn/gate/big5/gb.cri.cn/27824/2010/06/21/3245s2893053.htm

張士平老先生訪問一則

http://www.zjtex.org/new/news/ReadNews.asp?NewsID=10


三隻 股票 簡評 2698 2678 811 精工 窮人
PermaLink: https://articles.zkiz.com/?id=18357

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019