電話騙案
據說，在深夜12點的時候，用電話按上00000000這個號碼，將會被接駁到……
好奇的小炳一心試試。
電話居然接通，然後，卻聽到了一段電話錄音：＂廣東話請按1字；英語請按2字；普通話請按3字；潮州話請按4字；客家話請按5字；閩南話請按6字……＂
小炳想也不想，就按了1。
於是，又傳來另一段語音：＂想撞鬼，請按1字；想聽鬼聲，請按2字；想畀鬼迷，請按3字；想死請按4字；想聽鬼古請按5字……＂
＂妖，煩唔煩呀？＂小炳說罷，隨手就按了1。
可惜，跟著仍是另一段語音：＂想見男鬼，請按1字；想見女鬼，按2字；想見不男不女鬼，請按3字。＂
小炳想了想，按了2。
再是語音：＂長髮女鬼請按1；短髮女鬼請按2；沒頭髮女鬼按3……＂
＂唔係嘛，咁都有？＂小炳再按1，一邊心想：＂唔長頭髮o既女鬼，仲係女鬼嚟o既咩？＂
再是語音：＂請選擇女鬼死法：自殺死o既請按1；被殺死o既請按2；意外死o既請按3；自然死亡o既按4……＂
＂Shit！係咪仲玩呀？＂小炳一咬牙，再按1。
仍是語音：＂吊頸死o既請按1；服毒死o既請按2；跳樓死o既按3；燒炭死o既按4……＂
＂真係超煩呀！＂小炳看看電話，幾乎都已弄得快沒電了，心煩之下，忍不住惱火大叫：＂XYZ吖！求Q其乜鬼都好啦！再係咁我就唔Z同你玩嘞！＂隨手又按了個號碼。
這次傳來的，卻再也不是叫他選12345的語音，而是一陣陰森詭笑聲：＂太好啦，我就係等緊你呢句咋！嗱，係你話架……請你而家擰轉身睇吓，係咪乜野鬼都嚟Q齊晒？＂
小炳聞言立即渾身都僵硬了，下一剎那，他只感到四周開始籠罩住一層越來越凜冽的陰寒之氣，漸漸更把自己重重地包圍……