|
||||||
|
兩年前，榮智健炒燶外滙，搞到中信泰富（267）前後欄都着晒火，兩年後嘅今日，當日走馬上任嘅救火隊長常振明，總算叫做將成檔嘢執番靚晒。是故噚日派成績表，常總勁有mood咁同大家分享佢營商之道，仲好似香港小姐卸任咁，同股東講出呢兩年嚟嘅感受！ 本 身係圍旗國手嘅常總話，佢做生意嘅理念，係將捉棋嘅策略融入當中，即係要充分了解競爭對手嘅性格同埋棋風，因為必須要知己知彼，咁先可以更上一層樓咁話 喎。佢仲話：「要成為優秀嘅圍棋手，唔單止要有直覺同埋悟性，仲要有分析能力同埋戰略技巧。」想做個成功嘅主席或者CEO，就要跟常總學嘢喇！ 咁上手留低嘅蘇州屎要佢執，佢呢兩年又係點樣硬食o架呢？（即係例如響股東會俾小股東面對面喪插）常總好坦白喺主席報告度話：「平心靜氣地聽取有時非常尖銳的批評，並不是一件容易的事……」字面解讀就係咁，心裏面嗰句，會唔會係「關我鬼事咩？」希望常總真係睇得開啦…… 李華華 |
||||||