ZKIZ Archives

另外美國政府公佈7 月份失業率仍維持在9.5%不變，稍低於市場預期的9.6%。但市場普遍認為，好多長時期失業的人，已經失去信心或者不願意再繼續尋找工作，脫離了就業市 場，再調查唔到，令失業率被人為縮小。勞工部報告顯示，7月份失業的美國人中有660萬人已失業6個月以上，約為總失業人數的45%，這是可能脫離就業市 場的長期失業者。摩根大通私有財務管理公司首席經濟學家Anthony Chan表示，「失業率沒有上升並不意味著勞工找到了工作，實際上他們已經放棄尋找工作。如果美國經濟形勢在改善的話，這種情況不會發生。」

經濟數據疲弱，美股早段反覆向下，杜指最多跌過160點，不過聯儲局將下周開會，投資者憧憬可能有新的刺激經濟增長措施出台。高盛話，由於國會抵制延長財政刺激政策，已將2011年美國增長預測由2.5%下調至1.9%。預計聯儲局將採取「新一輪非傳統貨幣放寬措施」來應對高失業，其中包括增加購買資產，在市場放水。

杜指午後見底回升，收市差不多收復全日失地，報10653點，只係微跌26點；標普500指數跌4點，收1122點，納指微跌5點，造2288點。杜指期貨指數最新報10605點，比現貨低水48點。美股連跌兩日，但跌幅輕微。全周計數就表現強勁。杜指及標普500指數都收高1.8%，納指亦升鰦1.5%。

港股美國預托證券個別發展。ADR港比指數收報21641點，比香港收市低38點。匯控收報82.42元，比香港收市低0.3%，中移動報82.6元，比香港收市高0.4%。

    網友問起止蝕止賺放走好股的問題，例如Fly仔話在1.7元時沽鰦越秀房地產(405) ，而家見佢3.65元，十分心痛。我今日想講一個概念:「每一個交易都是新交易」，要用買一隻新股的角度去衡量。

    大部份人買股好受自己手上持倉或曾買過一隻股票的經驗影響，買入一隻股票，並不是因為這一隻股票值得買，而是因為手上這隻股票的貨好貴，所以覺得而家更抵。以宏利(945) 為例，好多朋友而家想買，皆因他們手上有170元、150元一股的宏利，所以覺得109.5元一股宏利好抵，要多買。但我認為這種睇住自己個倉來買股的方法，不是合理的方法。

宏利這一插，係因為佢公布第二季蝕鰦24 億加元，比近年最衰的08年第四季蝕18.7億加元仲差，係99年上市以來最差的季度業績，業績跌幅遠超預期。你上次買宏利的時候，並無這個消息，所以情 況和你上次買入時不同，所以並不是你170元都買鰦，109.5元更抵。你要分析宏利造出咁差的業績，究竟是短暫性的虧損，還是有持續轉壞的可能? 你而家買佢這一個交易，係一個新交易，和過去交易完全不同。到底宏利現時的市價是否充份反映了未來負面發展。如果你分析後覺得隻股基礎好強，唔會再蝕，可 以買。如果你分析完之後覺得並不確定，或者唔識分析，唔知佢會唔會再虧蝕，就唔一定要買(我的習慣是輸錢的股票盡量不加注)，或者買都是「投機性買入」， 乜№叫「投機性買入」?第一等佢跌定少少才買，不要太急買，第二買入要定番10%定蝕，唔好唔止蝕又當長線，唔好第一注輸完大錢，第二注再輸大錢。

    Fly 仔話1.7元沽了越房，越房在08年10月插到低位1.2幾元，佢一兩個月前仲係2.5元，跟大市插得好急，當時係怕佢的貸款續唔到期，公司爆煲，基金掟 貨，插到阿媽都唔認得，但佢見完低位後好快就彈上，在08年11月左右再回落到1.5元後定住，跟住反覆向上。Fly仔無論在急跌下來時沽，或者在反彈時 沽，都無問題，在那種市況，金融海嘯唔知幾深，沽貨減風險，無可厚非，問題沽鰦點解無買番。剛才講有蝕本貨在手的人成日想加注，但這裏講的是有貨沽鰦就唔 想再買。

    我 記得有一個上市公司老闆，自己隻股在金融海嘯中跌到幾毫子時無增持，但海嘯過後升番到1個幾、2元佢去增持，人地問佢點解，佢話公司股價跌到幾毫子時，唔 知金融海嘯有幾深，的確有風險，所以唔買。到金融海嘯初定，睇到公司生意無問題，所以股價升番高少少都唔怕買。若是穩陣派，買股不在乎便宜，在乎安全。平 時唔買，貴鱓反而可以買。越房在09年第一季長期在2元以下，那時公司貸款已續了期，風險大降，好多機會俾Fly仔買番，可能貴過沽出價，但仍然值得買， 所以我覺得佢沽無問題，問題只是無當候機做一個新交易咁去持續觀察一隻自己沽鰦的好股，搵機去買番佢，其實睇宏利都可以用呢個角度去睇，140元的宏利， 會比110元的宏利安全。

陸羽仁