| ||||||
| 大浪西灣農地建 屋（或小型高爾夫球場）事件，首先由《南華早報》報導而起。現在在甚麼地方影相，十分容易，不少人日日帶住儍瓜數碼相機出街，用手機亦可拍攝video， 不比從前要影相，要預先有準備。網上又有Facebook、YouTube，影完直至上網，瞬即傳遍世界，莫講話Google Map嘅街頭攝影車可以洩漏私隱，任何一位人士都可以洩漏別人自以為係神秘嘅秘密。例如富豪在荒野挖地，以為無人知呀？其實隨時會俾一位意外而來嘅行山客 /遊客影咗相，交畀報館、網站，咁就通晒天。 餐飲Ｍ就有咁嘅經驗，佢某日中午時份在銅鑼灣揸車趕赴約會，因避車而幾乎衝上行人路，撞跌路邊一個垃圾桶，佢急忙停車，扶起，擺番正個垃圾桶，然後駕車而去，否則阻塞交通，導致後面塞車。 點 知十五分鐘之後，到咗餐廳，已經收到警署電話：「Ｍ先生，你在乜乜道揸車撞倒垃圾桶，冇報警噃？已有市民舉報你，仲有手機拍下過程，用電郵傳來畀我哋 睇！」餐廳Ｍ答：「阿Sir，趕住去約會啫，食完飯，立即到警署！」銅鑼灣到處有人群，都唔知邊一位隨街攝影，捕捉突發事件，餐飲Ｍ就啱啱在前後不夠一分 鐘之間，就被人攝入鏡頭。 警察就高興呀，不時會有意外收穫，一啲精心部署嘅犯罪事件可以偶然間被人影咗相而破案。難怪《經濟學人》上一期有 一篇文章講到電子科技進步，本以為方便各國間諜偷取情報，唔使好似辛康納利占士邦時代，好辛苦先至可以跟蹤、偷聽。但一個銅銀兩個面，用高科技嘅間諜，亦 最易俾反間諜人員追捕，因為但凡用過電腦，上網，手機，信用卡，就會留下「數碼行蹤」，好容易被人發現身在何方。唔用最新科技通訊，改為五十年代老方式， 在湖邊漫步，「意外」撞到某人，迅速遞交信封，得唔得呀？未必噃，點知湖邊樹木有無攝影裝置，將秘密會晤拍入鏡頭o架。見人時，為免暴露行蹤，拆去手機電 池得唔得呢？又未必，因為咁樣做會立即引起反間諜人員嘅懷疑。總之在電子世界，無論做間諜或普通人，通訊與行動有無限掣肘，難有私隱秘密可言。 | ||||||