2010-7-15 AD
| ||||||
| 金山能源 （663）現任主席王大勇今年2月坐正之後，話明全力將公司打造成超級煤炭企業，做唔做到，o依家仲未知，但佢組班嘅能力就真係不容忽視！噚日公司又再引 入猛人、前國家領導人華國鋒第二仔蘇斌做非執行董事。 無搞錯，華國鋒個仔真係姓蘇！因為華國鋒原本姓蘇名鑄，1938年參加革命嗰陣先至改 名！咁華國鋒應該都唔使點介紹，蘇斌又有幾猛呢?佢本身搞煤炭行業搞咗好多年，曾經做過中國煤炭暨焦炭投資基金聯席主席，仲係香港能源礦聯合會名譽會長。 其 實響蘇斌之前，金山已經猛人如雲，3月份引入咗神華集團前董事長陳必亭、前網通高級副總裁張長勝等做顧問；兩個董事王同田同埋李儀，分別係前神華集團煤炭 運銷公司副總經理同前山西焦煤集團副董事長，市值不足30億嘅上市公司有咁嘅人馬，如無作為，睇怕都應該打pat pat！ 李華華 | ||||||