中環在線：奧運開鑼煙花股升得燦爛
2008-08-08 AppleDaily
今 日奧運開鑼，內地股民噚日就曲線燒定煙花慶祝。大陸上市嘅瀏陽花炮，股價雖在早市回軟，但午後逆市升10%，升停板，全日成交1.36億人仔。華華上網搵 番資料，位於湖南省嘅瀏陽市，原來係「中國花炮之都」，產品仲揚威國際，唔使問，全市幾乎包辦晒奧運嘅煙花。
身為行業「龍頭」嘅瀏陽花炮，仲因為舊年業績 終於轉虧為盈，今年6月中除去等同「垃圾」嘅ST股標籤，認真巴閉。除咗燒煙花，勁賺廣告費嘅賽廸傳媒、有東道主優勢嘅北京旅遊、專門造奧運火炬嘅華帝股 份，股價噚日都相當標青，依次升10.04%、9.92%和9.45%。之不過，港人怕且都得個恨字，皆因冇得炒A股，由「體操王子」掌舵嘅李寧 （2331），臨陣腳軟，早市最多跌1.5蚊，收市仍跌4.92%或0.88蚊，報17蚊，該煨。