| ||||||
| 四十九歲的高碧志，中三未畢業便 投身社會，當過冷氣學徒、廚房打雜，套用他的說話，真的是「草根過地底泥。」 想不到卻被他誤打誤撞，三十年前跑到電腦生產商HP做信差；隨 着HP在香港業務興起，其職位亦三級跳，升至物流部主管。 ○二年HP與Compaq合併，他毅然食肥雞餐引退，與友人合資創辦電腦維修公 司，年賺千萬元。不過，他的草根習性仍舊未改，滿嘴粗口不特止，甚至連電腦也不懂，每日嘻嘻哈哈混日子……高碧志檔案 49歲 未婚 76 年 中三畢業做冷氣學徒 80年 加入HP當信差 02年 HP與Compaq合併，申請辭職 03年 與拍檔開辦電腦維修公司E. C. Fix 與高碧志首次見面，第一句便是被他粗口問候，「塞車遲咗！×！（下刪百字）」聽得記者汗顏，高碧 志隨即笑笑口打圓場，「咪×咁認真啦，咁認真死好×多細胞o架。」 他每句說話，都大量加插XYZ，記者惟恐本刊被評為不良刊物，打後才全數 刪減。惟他對講粗口不以為然，「麻甩佬傾偈，講幾句粗口咪當點綴囉。」 執死雞工種 實在難以想像，這名自稱「粗口橫飛口水 佬」，是本港一家有二百多名員工的電腦維修公司老闆，主力替HP及三星等大型IT企業接外判訂單。高碧志擁有自己的車隊，上門將損壞產品送返其維修中心， 翻新或維修過後，再送回客人手上。他笑笑口用「執死雞」來形容這工作，「大企業不嬲視物流、維修等部門為雞肋，唔單只賺唔到錢，仲要請人返嚟管理，所以近 年好興外判，我都係執死雞咋。」不過，這隻「死雞」原來啖啖肉，他自爆公司每年賺八位數字，但隨後又改口，「寫七位數字好喇，咪寫到我賺咁多，費事俾人眼 紅！」 他雖貴為IT公司老闆，但其實連電腦也不大識用，打一份文件，亦要助手幫忙才懂得儲存。個性豪邁的他，甚至將日常運作全交予下屬打 理，每日睡至日上三竿，才施施然返公司。記者約他訪問，他指日子任揀，條件是下午三點後才可進行，「我份人十級懶，每日都係返公司坐陣就閃人，冇三點都唔 好搵我。」 高碧志認為講粗口不等於沒修養，同樣理由，懶人管理法也有優點，皆因與其半桶水管理，倒不如做最熟那瓣。他的強項是接客應酬，故 此賺來一個啤酒肚和大班朋友，「我好相信出門靠朋友呢句話，因為而家我最大嘅客人，正正就係我前僱主HP。」 HP高層是麻雀腳 高 碧志未創業前，曾在電腦生產商HP工作二十二年，由最低級的信差做起，直至○二年HP與Compaq合併，他才辭職自立門戶。不過在HP內，至今仍有不少 老臣子與他熟稔，「我到而家仲記得見工當日，我著件花襯衫短褲見工，門口接待員仲以為我打劫添。」幸好他在眾多應徵者之中，唯一有車牌，才順利獲聘。 八 十年代初，HP剛在香港發展業務，主力生產計數機及為企業搞電子工程，並不為港人熟悉。高碧志笑謂勢估不到，HP後來成為首屈一指的大牌子。但當時年少無 知的他，每日返工當「落街玩」，放工便和同事打牌、揼骨兼飲酒。連前HP中國區副總裁紀治興，也指高碧志貪玩識食的形象，在HP內無人不知，「我同 Tommy（高碧志）同期入HP由低做起，當時佢只係一個信差，但公司上下冇人唔識佢，連總經理放工都約佢打牌，講玩冇人夠佢叻。」 爆大企 業山頭主義 聽得死黨的「贈言」，高碧志笑笑口反指對方做事一絲不苟，根本不懂享受人生，「紀生（紀治興）咁埋頭苦幹，一日做足十幾個鐘，抵 佢由技術員升做副總裁，不過佢忙到連飯都冇得食，換轉係我咁辛苦，死咗好耐啦。」 他指正正因為自己打工沒鬥心，造就有大批朋友，故能一直在 HP內順風順水，「以前有人問我，點解升職永遠都會有我份，其實打工就係咁，總之我平時搞掂啲嘢，老闆有事响身邊就得啦。好似我當信差，上司要我哋送多少 少嘢，其他人就牙痛咁聲。但我覺得平時做多少少，到你犯錯時，上司點都心軟放過你。」連一直取笑他的紀治興，亦大讚他「唔怕蝕底」，「雖然Tommy平時 做嘢出七分力，但有麻煩搵佢，佢又一定幫到你。」 正因平時懶懶閒，讓高碧志冷眼旁觀，看出大企業內充斥着山頭主義。他憶述當年在HP便因懂 得走位，做信差也可扮大牌，「好多合約訂單都要經我哋手送出，如果遲一日半日送出去，單幾百萬生意分分鐘冇咗，班銷售員又唔係我阿頭，所以個個都買我哋 怕。」 他謂現今不少跨國IT企業，名義上雖由地區總裁做領袖，但實情各部門主管只向總公司問責，例如Samsung便分作家電、手機及電腦 用品三個部門，每當不同的部門主管使用存倉或物流等公共資源時，公司便會向對方收取成本，定價甚至高於市價一成。 故此，近年有不少主管不願 再受掣肘，寧願幫襯收費較平宜的外判公司，於是他便想出將物流、維修及存倉合二為一，「大企業架構複雜，每個部門都要孭返自己盤數，有事上嚟搵鬼理你，例 如我有個客有批貨要存倉，但內部倉務部話人手唔夠，加班就要佢加錢。因此我定位好清晰：雖然唔係對方嘅員工，但對方有命令，永遠唔say no。」 讀 足九年大學 ○二年，HP與Compaq兩大電腦巨企合併，公司傳出裁員潮，當時已是物流部主管的他，認為「裁走未必唔好，留低亦需勇氣」， 故毅然請辭，即使一眾高層也沒法挽留他，「當時紀生越洋打電話返香港，話要留個位俾我，但我對人事部講：大佬！咪玩啦，我等咗呢隻肥雞好耐喇！」 對 工作廿多年的公司毫不留戀，竟原來是「懶」作怪，他笑說：「當時以我學歷，主管位已經到頂，做落去就要進修，玩自己咩？」他謂自幼一提起讀書便怕怕，從前 上司多次提拔他，但條件是要惡補英文，他寧願放棄升職亦不肯接受，「我每次升職都同上司講，唔好搞我喇，升職又要我做多啲嘢。」 其實他在 HP工作期間，亦曾試過修讀外國大學與理工合辦的遙距課程，不過一讀便是九年才畢業。高碧志笑着解釋，讀「長命書」竟是為慳錢，「當年我晚晚揼骨打牌使晒 啲錢，所以讀書係一個超平嘅慳錢方法，唔想打牌就話要去番學。」 話雖如此，他亦不諱言讀書後認識的雀友比原先更多，至今不少同學仔更變成他 的客仔，「當時絕對估唔到，讀書最大嘅收穫就係識到一大班好朋友，我足足識咗四期嘅畢業生，佢哋而家唔係高層都係中層，响公司都有一定影響力，所以而家好 多訂單，都係呢班師兄弟彈返嚟。」 結婚乃唯一死穴 無論說話行為都豪邁非常的高碧志，惟提起結婚生子便耍手擰頭，表示不想多 提，四十九歲的他雖然有一名拍拖多年的女朋友，但至今仍沒有打算結婚，「而家咪幾好，婚唔一定要結嘅。」說畢他又鬼鬼馬馬說：「生仔？咁咪晚晚要好辛 苦？」 | ||||||