ZKIZ Archives


下周二拍賣同阿仔先行視察郭老太紅磡灣睇地 李華華

2010-8-12  AD




 

新鴻基地產(016)上個月冇派人出手爭山頂聶歌信山塊豪宅地皮,令到唔少人跌晒眼鏡,原來佢哋係留銀彈另有用途,目標就係下個星期二拍賣嘅紅磡灣地皮!

華 華唔係亂講o架,噚日下畫,華華孖住攝影師哥哥,走去地皮隔離嘅海濱南岸,借人地屋企「高抄」影紅磡灣幅地皮,正當影完收哂機鬆人之際,離遠見到一大班 人,起碼十幾個,喺屋苑度行嚟行去,睇清楚原來係新地最高領導人郭老太,喺郭二少炳江、公司賣樓部同工程部一眾高層(黃植榮、周國賢同雷霆等)陪同下,實 地考察,應該係諗緊點樣起樓先至可以盡望維港靚景。

郭二少唔坐自己車走

不過由於當時嘅天氣唔係幾好,不時落住滂沱大雨,加埋 有雷暴警告,郭老太睇咗一陣就走先。至於郭二少,華華問佢「郭生係咪嚟睇地皮呀?」,佢只係笑笑口咁就行咗去,後尾華華走出屋苑門口等佢睇完先講,點知佢 居然唔坐自己泊係門口架私家車,走去同啲下屬一齊坐Van仔揚長而去,真係估佢唔到。

出動到太上老君微服出巡,可見新地係幾咁重視呢塊地,睇怕下個星期二就算有幾多個「潛水人」舉手,都阻唔到郭家奪心頭好呢!

李華華


PermaLink: https://articles.zkiz.com/?id=17375

中環在線:獄中爭產謝瑞麟告阿仔 李華華

2010-9-30  AD




 

爭產案華華見得 多,但獄中爭產比較少見。08年因為提供非法回佣及串謀詐騙,被判入獄3年幾嘅珠寶大王謝瑞麟,以個人身份,向高等法院入稟,要求向同樣坐緊監嘅仔仔謝達 峰,拎番上市公司謝瑞麟珠寶(417)嘅股份。入稟狀話,謝瑞麟指控謝達峰同埋佢控制嘅公司,違反信託責任,要求謝達峰將謝瑞麟珠寶股份,轉番晒俾謝瑞 麟。不過,究竟成件事詳情係點,入稟狀無講清楚。

白手興家嘅謝瑞麟,97年一場金融風暴,令佢嘅投資損失不菲,最後係2000年申請破產。 當時謝瑞麟持有上市公司嘅股權,因為私人債務問題,抵押俾瑞士聯合銀行,最後呢批股份輾轉落入謝瑞麟前任董事劉竹堅手中,跟住再由謝達峰買番。未知今次謝 瑞麟入稟告個仔,係咪同呢一件事有關。

李華華


PermaLink: https://articles.zkiz.com/?id=18340

中環在線謝瑞麟家和萬事興老竇唔再告阿仔 李華華


2010-11-30  AD




 

珠光寶氣大團圓結局!唔係講無記套劇,而係講謝瑞麟(417)兩父子恩怨錄!謝瑞麟噚日透過謝瑞麟珠寶出通告,話唔再告佢個仔仔謝達峰,兼唔附帶何條件咁話。雖然未知係咪真係父子情仇一朝了,但肯定謝家上下,包括做夾心人多年嘅新抱,謝瑞麟珠寶主席謝邱安儀最開心。

珠 寶大亨謝瑞麟兩父子嘅恩怨,講起真係幾峯迴路轉!早年阿仔爆老竇大鑊,話老頭子2008年非法提供回佣畀旅行社同虧空公款,最後搞到自己同阿爸同埋個高層 齊齊鋃鐺入獄,而老謝舊年底出冊後,又走去告坐緊監嘅阿仔,話佢趁自己破產嗰陣,侵吞抵押畀瑞士銀行嘅謝瑞麟珠寶股權……總之兩仔爺實行有你無我。

豪門恩怨反高潮

查 實豪門恩怨近呢幾年華華見唔少,新地(016)兄弟鬩牆、華懋千億爭產、新鮮熱辣仲有單南豐媽媽告南豐囡囡,老謝父子呢單,華華其實都係擔定凳仔等睇戲 咋,點知有和解呢個反高潮,證明塵世間冇嘢係拆唔掂嘅。總之,冇父子係冇隔夜仇嘅,始終血濃於水,家和萬事興,家衰「告」不停,希望老謝父子從此拍檔,將 盤生意做好,回饋吓班小股東啦!

李華華

[email protected]


PermaLink: https://articles.zkiz.com/?id=19854

阿仔將來做乜 人在中環

http://manincentral.blogspot.com/2011/07/blog-post_27.html

Banker朋友既囝囝同我屋企個光頭仔年紀相若,果日同佢一家人食飯,Banker朋友話:「CK,我對個仔其實冇乜期望啦,但求佢第日大個,千祈唔好好似我咁入Bank做就好啦!」

「好多後生仔都希望可以好似你咁做banker喎…」我話:「你搵咁多錢…」

「有代價架CK…」Banker朋友話:「返工返到冇晒朋友呀,仲有咁多politics,好過癮牙?」

我點了點頭,我明白朋友既意思,另一方面又有d唔認同。

上個禮拜大傷風,幫襯左街口果個醫生。

再對上一次睇醫生既時候,我記得佢同我吹水講起,佢個女就快入大學。咁我就好奇問阿醫生:「喂,你個女入U,揀左乜野科呀?」

「唉,激死我呀,叫極佢都唔聽!」醫生放低手上既聽筒:「叫左十幾年,叫佢千祈咪做醫生,到入U啦,死都話要揀醫科,我真係就快俾佢激死。」

「你個女讀書叻,醫科先收佢遮!」我索左索我個鼻:「你應該開心至係呀!而且做醫生受人尊重又搵到錢,冇乜唔好丫!」

「你講下笑好!」醫生不知幾咁激動:「我幫你睇個症,咪收你一百幾十!賺到幾多呀!你知唔知,讀果陣好辛苦架,實習果陣,d時間會搞到你咩朋友都冇呀!我聽到阿女話讀醫,我不知幾擔心佢會搞到嫁唔出呀。」

我又係點了點頭。有d同意又有d唔同意。

*****

我選擇做生意,不能否認既,係或多或少受到自己老豆既影響。將來光頭仔長大成人,可能都一樣好似我咁,幾十年受到我既「影響」,而選擇從商都未定。

問 心果句,我跟Banker朋友同街口醫生一樣,對自己個仔將來做返自己果一行,其實好有保留。因為作為一個行內人,你總係最清楚,風光既背後到底有幾多代 價。做老豆,大概唔會希望自己個仔,要承受自己曾經承受過既痛,不過我諗,現實社會總係你睇我好時,我又睇你好。到頭黎你果行難捱d,抑或我份工惡頂d, 好難比較既。

我明白做人父母,總希望阿仔阿女條路平平坦坦,搵唔搵到大錢,人生係咪好成功都唔緊要,最緊要係平平安安開開心心。不過,望係咁望,實際會變成點?人生始終係佢地既,我地能夠掌握到既,其實只係極少極少。

PermaLink: https://articles.zkiz.com/?id=26504

四年無見街上偶遇阿仔一拳打死老竇

1 : GS(14)@2016-07-09 06:46:54

澳洲布里斯本一名53歲父親被25歲兒子當街一拳擊昏,翌日在醫院不治身亡。英格利希(Mark English)周一下午被兒子摩根(Morgan)一拳打中嘴巴,然後臉部朝下倒臥街上。他隨即昏迷,女伴特爾弗(Varri Telfer)在救護車到達前,一直為他急救,但他送院翌日不治。摩根毆打父親後逃離現場,同日晚上被捕,最初被控嚴重傷害他人身體,但英格利希逝世後,警方周三稱會改控摩根非法襲擊導致死亡。警方指案發前,死者與兒子「簡短口頭交流」,然後摩根便出拳擊中父親。《布里斯本時報》報道,兩父子已四年沒有交談。摩根周二出庭時情緒激動,在犯人欄多次用頭撞向玻璃,並向坐在公眾席的一名婦人大叫「母親,我愛你」,她也回應道:「我也愛你。」英國《每日郵報》/澳洲《布里斯本時報》





來源: http://hk.apple.nextmedia.com/international/art/20160708/19686730
PermaLink: https://articles.zkiz.com/?id=303000

為阻警察拉阿仔老竇搶佩槍殺警

1 : GS(14)@2016-07-12 08:15:44

巴西一名男子為了阻止警察拘捕兒子,疑搶走警槍並開槍殺警,他之後亦被另一名警員擊斃。有人拍到當時情況,片段或會引起觀眾不安。案發在星期五晚,49歲德索薩(Ismael Pereira de Souza)的兒子在戈亞斯州(Goias)參與派對期間,兩名警察走近要求他把汽車音響的音量收細,但當警察離開時,他又再次把音量提高。警察於是試圖把他帶上警車,觸發雙方衝突。當時身穿黃色短褲的德索薩見狀後,便搶去其中一名警察的警槍。混亂間傳出多達15下槍聲,45歲警察席爾瓦(Uires Alves da Silva)中槍倒地,疑被德索薩近距離槍殺。另一名警察身上亦受槍傷,但在德索薩逃走時把他擊斃。德索薩的兒子腳部中槍,到醫院治療時被捕。警方正繼續調查案件。英國《每日郵報》





來源: http://hk.apple.nextmedia.com/international/art/20160712/19691597
PermaLink: https://articles.zkiz.com/?id=303401

大教壞細「做老翻」阿仔學老竇做強姦犯

1 : GS(14)@2016-07-14 08:09:42

英國一名年輕母親透露她曾被男友三度強暴,對方甚至吹噓自己這樣做是模仿強姦犯爸爸,「爸爸也曾做過,所以我現在這樣做。」住在樸次茅斯(Portsmouth)的21歲女子黑茲爾(Bethany Hazell)表示,她在15歲時認識了詹姆士(James Hunt),兩人交往半年左右,詹姆士便首次要求發生性行為,雖然她當時已經拒絕,但詹姆士仍然強暴她。詹姆士不理她的反抗將她按住,10個月後再重施故技令她懷孕。黑茲爾懷孕20周時,詹姆士在她家第三度強暴她,當時她的家人仍在樓下,她決定公開詹姆士的病態行為,稱:「他不會因自己所做的事而感到困擾,他會說:『噢,是的,爸爸也曾做過,所以我現在這樣做。』」詹姆士的爸爸亨特(Neil Hunt)現年47歲,2007年因強姦被判入獄12年,當時12歲的詹姆士透過報道得悉父親的審訊過程。黑茲爾過往與詹姆士一起時活在恐懼之中,深怕對方情緒失控會突然作出暴力行為,或者對年幼的女兒出手,她終於在2012年鼓起勇氣帶着女兒離開詹姆士,目前與家人養育女兒。她說:「看來他很對於自己與父親相似而感到驕傲,就像他認為這是一件很酷的事,令我作嘔,這真噁心。」詹姆士與黑茲爾分開後三個月,便向人吹噓自己曾三次襲擊女友以及另一名女生,被警方拘捕,於2013年因強姦而被判入獄8年。英國《每日郵報》





來源: http://hk.apple.nextmedia.com/international/art/20160714/19694485
PermaLink: https://articles.zkiz.com/?id=303667

阿仔係小鮮肉全家着阿葛潮牌做制服

1 : GS(14)@2016-08-07 01:48:20

葛民輝喺娛圈同潮界嘅地位有番咁上下,不過屋企人就收得好埋,而囝囝Jabez真係甚少現身。眾所周知阿葛後生嗰陣肥肥哋又cute cute哋,不過阿仔似乎就冇遺傳到呢啲基因,反而勁有「小鮮肉」feel,望落仲有幾分似古巨基!而日前阿葛一家三口非常之咁親子look,齊齊着住阿葛嘅潮牌出品,阿葛主理嘅潮牌郁啲都成千銀,睇嚟阿仔真係可以慳返唔少置裝費。阿葛亦都好錫囝囝,俾自己架Benz佢揸,自己就揸另一架七人車。話晒Jabez已21歲,揸Benz為老竇潮牌做生招牌喎,係型嘅!





來源: http://hk.apple.nextmedia.com/entertainment/art/20160804/19722075
PermaLink: https://articles.zkiz.com/?id=304478

泰山DIY食譜氹阿仔

1 : GS(14)@2016-09-03 23:28:58

泰山和朱薰昨日在鰂魚涌出席活動,二人即場下廚,泰山經常在家施展廚藝,最出色煮西餐,但對着兒子是個大考驗,他說:「佢好多嘢唔食,我自創pizza飯,但都唔食。」泰山太太則不斷試菜,他說:「佢係我最大白老鼠,而且會坦白,唔好食真係放低唔食。」而他平時會自創食譜,希望可以在將來出書,他還有拍片放於facebook上公諸同好。




來源: http://hk.apple.nextmedia.com/entertainment/art/20160903/19758108
PermaLink: https://articles.zkiz.com/?id=307353

與麥明詩戀情凍過水林作媽未見過阿仔咁愁?!

1 : GS(14)@2016-09-09 05:09:09

林作同麥明詩嘅戀情凍過水,林作嘅媽媽其實一直都好緊張囝囝嘅戀情,好似之前林作疑背女友作反向低胸索女「抄牌」,麥明詩回覆:「關係講信任,要管住嘅話冇意思。」林作曾在社交網留言:「大鑊!」之後林作畀《蘋果》影到同媽媽食飯,全程係咁畀媽媽「哦」,期間林作只可以乖乖地咁話:「係」、「知道」、「聽到」。又有指林媽媽已視麥明詩為準新抱,早前更豪擲6,500萬買入麥當勞道複式豪宅,準備兩口子新婚之用。最近林作同麥明詩關係極度不穩定,仲傳出分手好幾次,就連麥明詩都向朋友大呻,據知林媽媽周圍同朋友呻,話林作最近情緒極差、極低落。




來源: http://hk.apple.nextmedia.com/entertainment/art/20160908/19763590
PermaLink: https://articles.zkiz.com/?id=308192

Next Page

ZKIZ Archives @ 2019