|
||||||
|
雨傘運動，將香港撕裂成為藍、黃陣營。話不投機，親戚、好友都「冇面俾」。區麗莊，富三代，黃營前 鋒，曾是佔中義工。父親區宗傑，澳門政商界名人，深藍代表，前政協委員，曾參選澳門第一屆行政長官。本應是水溝油，怎知女兒考慮參選十一月的區議會選舉， 竟得父親首肯，在澳門豪宅，齊齊接受本刊專訪。當求同存異成為奢侈時，反叛女兒，幸有包容父親。黃撞藍，可以是和平綠。 從澳門港外碼頭搭的士前往區宅，司機一聽地址便道：「哦，主教山，你朋友係有錢人。」他說，澳門最有錢的人都住在主教山。車子拐上山頭，一幢幢神秘大宅 外，不時見到守衞站崗。在這裡，找屋子，是認人，不認門牌。「前面係何厚鏵，嗰邊係崔世安，呢間係何鴻燊，你講嗰個號碼……」兜了幾個圈，仍找不到門牌。 「我去區宗傑屋企。」「哦。」司機馬上掉頭：「冇錯，區宗傑喺嗰邊有間屋。」區宗傑親自應門，同港澳所有建制派一樣，他剛從北京參觀完大閱兵回來。偌大的 屋子，略顯冷清。區宗傑在澳門出生，是澳門人，區麗莊卻在香港出生長大，她強調：「香港先係我屋企。」並指大時大節才返澳門，身旁的父親即投訴：「佢間房 一年都瞓唔到五次。」 參選 區麗莊在一間香港基金公司任職銷售經理。今年五月，她與在雨傘運動期間認識的拍檔梁柏堅，成立社區組織「灣仔廣義」。「希望將民主理念帶入社區，聽取、集 結唔同嘅意見，由灣仔街坊去建設灣仔。」她表示，踩入社區，發現區議會在地區發展中扮演重要角色。於是，二人正積極考慮走前一步，參選十一月的區議會選 舉。女兒想從政，父親一開口便撐：「好贊成！為社會服務係好事。」即使女兒曾參與佔中、撐真普選也沒問題？區宗傑笑道：「屋企思想好開放，就好像台灣家 庭，有藍有綠，各適其適，有交流但睇法未必一致。」支持女兒，或者因為他亦有參選經驗，甚至比女兒更大膽。九八年，區宗傑決定參選澳門第一屆行政長官，更 將辦公室由香港遷至澳門。「○五年前，公司嘅香港業務係大過澳門。」滙業主要做投資銀行、保險等業務。區宗傑甚至早過何厚鏵報名，「我覺得國家需要我。當 時澳門社會混亂，黑社會當道，需要廉潔正義嘅人。」最後成為「陪跑」，相不相信有「欽點」？區宗傑聳一聳肩，承認輸在得不到中央的認同。 佔中 在父親眼中是一名「乖乖女」的區麗莊，指從小的教導，就是做一個正直的人，及為不公義發聲。她是遊行常客，反國教、撐港視，甚至撐李慧玲，笑指：「就快個 個星期都行。」佔中討論期間，她響應號召，成為金融界組別的中堅分子，開始拋頭露面。「到雨傘運動突然爆發，所有計劃都打亂晒，喺金鐘佔領區，見到有嘢就 幫手，原本預咗要洗廁所，都唔使。」區麗莊笑指，雨傘運動時，是她第一次在戶外紮營。其間，佔領區多次發生衝突，區宗傑指擔心一定有，但對這場運動，他並 沒有完全否定。「整件事，國家領導人對香港社會了解不透徹，聽建制派意見去做事，如果能對反對派民意有讓步會好啲。」曾參選行政長官的他，同意應該有開放 式選舉，「今次問題唔係一人一票，而是門檻太高，可以開放啲，咁有志為社會做事嘅人都可以去選。」不過，他指地方利益雖然要照顧，但不能忽略國情，以及要 得到中央的認同。 繼承者 區宗傑有三女一子，麗莊是大女，「爸爸最錫我。」她笑說，父親承認：「係最錫，第一個女吖嘛。」區麗莊在香港聖士提反女子中學讀到中三，便到英國升學，後 來考入倫敦大學國王學院臨床科學系，畢業後回澳門，加入家族經營的滙業銀行。典型的富三代，原本無風無浪。至○五年，公司突然捲入政治風波，被美國財政部 點名指控協助北韓洗黑錢，觸發銀行擠提，轟動港澳。同年，銀行被澳門政府接管，兩年後才歸還區宗傑。區麗莊在銀行陪父親度過艱苦的兩年，她指事件對家人打 擊很大：「不過我同細佬妹都已出來工作，最差都仲養得起父母。」當年多次呼寃的區宗傑，早已「睇化」，「嗰次係政治事件，十年來受到好多打擊、痛苦，但我 冇怨恨。」他堅持沒有洗黑錢，「如果唔係，我今日就唔係喺屋企同你做訪問，而係喺監獄。」受到美國制裁，銀行業務受限制，○七年，區麗莊決定離巢外闖。 「去睇吓外面嘅世界，學吓新嘢。」最後加入香港基金公司打工，重新認識這個自己長大的地方，同時一步步走進香港的民主圈子。女兒回港發展後有什麼轉變？區 宗傑笑說：「思想開放咗，敢作敢為咗！」不過，這次他肯站出來撐女兒，多少是因為女兒一個「承諾」，「佢話試過之後（參選），明年一月返來公司幫手。」會 否擔心出選後，因政治敏感，不能返回澳門。麗莊調皮道：「我男朋友（德國人）喺北京，我驚返唔到北京。」區宗傑插口：「佢會有分寸。」 不會撐着黃傘去選 區麗莊的拍檔梁柏堅，是一名商業活動攝影師，佔中期間，擔任糾察。擅長泰拳的他，在雨傘運動期間，主動擔任佔中三子的私人保鑣，陳健民指：「我行幾步路去 攞車，佢都堅持要陪我。」梁柏堅剛烈、轉數快；區麗莊溫和、知性；一個來自基層，一個富家女，一凹一凸，卻出奇地合拍。「廣義係狹義嘅相反，就好像我哋嘅 logo，五顏六色嘅七巧板，意思係容納地區不同嘅聲音。」梁柏堅解釋。對於二人考慮出選區議會，佔中三子出面支持。戴耀廷指雨傘運動後，香港的改革，不 再由政黨主導，灣仔廣義正是運動後出現的新形態。不過，佔中的經驗，既是資產亦是負累，區梁均指不會刻意拿佔中做宣傳。而陳健民更強調是次區選，將是一場 硬仗，「今次唔像○三年，佔領運動喺社會有好大爭議，唔好以為撐住把黃傘就會贏。」 撰文：黃菲菲攝影：鄭樹清攝錄：廖健昌[email protected] | ||||||