| ||||||
| 俾花旗國證監會 狀告嘅高盛，終於做番場好戲！根據佢哋呈交畀證監嘅文件，今年頭一季，佢哋總共賺咗97.4億美金（差不多成760億港銀），旗下交易員無蝕過一毫子，拉 勻計，每個trader平均每日賺2500萬美金（即係差唔多兩億港紙）。喺63個交易日裏面，有35日仲係單日贏超過1億美金。 華爾街有 史以嚟無一間行試過咁威，可以話係攻無不克、戰無不勝！條數靚成咁，唔怪得主席兼CEO布蘭克費恩（Lloyd Blankfein），前幾日響股東會咁夠薑話無諗住落台，仲得到95%小股東力撐。睇怕真係可以學「古惑仔」揸弗人伊麪唱返句「來忘掉錯對、來懷念過 去」嘞! 隨時要賠78億安家費 之不過呢頭威威，個頭就即刻要認低威！高盛響另一份呈交畀證監嘅文件話，佢哋可能因為銷售債務 抵押證券（CDO）而會俾更多股東控告，仲會有監管機構同其他機關鍥而不捨咁啄住。「市場消息」又好配合咁話，證監告高盛涉嫌誤導投資者買CDO單嘢，佢 哋o依家諗緊同證監和解，而且會承認銷售過程中有「人為疏忽」或「行政失當」呢啲罪狀，畀番10億美金（約78億港元）安家費算數。以高盛一個 trader一日都賺2500萬美金，40日就可以搞點條數。呢班華爾街大鱷，勁過香港蠱惑仔好多，點只戰無不勝，直頭係隻手遮天啦！ 黃光 裕快判決陳曉三笑置之 人哋花旗國有世紀大騙案，我哋祖國嚟嚟去去都係啲特大貪案，好多時最後仲係不了了之！好似國美電器（493）大股東兼 前主席黃光裕單官司，擾攘咗超過一年，兩個幾星期前終於肯開審做大龍鳳。審訊拖咗三日，o依家都未知幾時判，華華噚日見到自稱係黃光裕「同事、朋友兼競爭 對手」嘅現任國美主席陳曉，自然要問個究竟。陳總只係話，相信案件嘅進程唔會太慢，應該好快就有判決，咁佢會唔會考慮去聽判「實扑」前主席呢？陳總突然哈 哈哈大笑三聲就當答咗，然後急急腳閃人，人哋一笑置之，陳總三笑唔知有無含意呢？ 股東彈起鞠躬嚇呆希慎高層 小股東識得維權之 後，股東會呼天搶地時而有之，但凡事可能真係有例外。噚日希慎（014）股東會投完票後，一位着恤衫、打領帶、頭戴牛仔帽嘅股東，突然彈起身，十分虔誠咁 將右手放喺胸前，向台上管理層鞠躬致謝。 佢仲用英文話：「一年之後，好開心可以再遇到幾位，去年對公司表現非常非常滿意，我代表全部的股東 感謝各位。真的非常開心。」唔知係咪太突然，一時間台上管理層O晒嘴，最後由老薑鍾逸傑爵士回番一句「Thank you very much」，先令牛仔坐低。咁牛仔到底咩料？舊年究竟買咗幾多希慎？賺咗幾多？先搞到佢咁感激流涕呢？牛仔無理華華就撇咗，唔通……牛仔係姓利嘅？ 謝 佩蘭速撇獅王過友邦管退休金 獅王回歸未必個個頂得住？響滙豐櫈都未坐暖嘅亞太區個人理財業務財富管理業務主管Bonnie謝佩蘭，原來已經 靜雞雞投向友邦保險嘅懷抱，接替Peter Crewe顧培德，做友邦退休金高級副總裁以及友邦信託CEO，即係管晒友邦退休金同埋友邦信託一切日常營運，以Bonnie個底咁厚（曾經做過香港宏利 財富管理業務部副總裁，再加埋獅子行嘅工作經驗），強積金呢瓣，碎料喇！ 電郵：[email protected] | ||||||