來源: http://parisvalueinvesting.blogspot.hk/2015/07/blog-post_28.html
＂先聲明，以下內容可能會引致部分人士情緒不安＂
昨天傳來一代香港價值投資人Tony Measor 早上5時離世消息，終年82歲。
Tony Measor 和他的徒弟林小陽都是我非常欣賞和學習的對象。
雖然二君都是價值派，但在我欣賞的股票操手名單中，其實亦有不是用價值投資法。
因為多年的交易經驗令我體會到，在股票市場博奕中，落場做交易的心理質素較技術層面更重要，而很多投機好手，都俱這方面優秀特質並很值得我們學習
有些即使未能承受失敗的心理壓力的一時豪傑，例如最近大陸期貨好手劉強（網名逍遙劉強），因為本輪股災中在高位滿倉做多期指和配資買股票，破產輸掉性命，但只要是用錢下註自己的信念者，都可算得上是真英雄，一條值得致敬的誠實好漢子。
彼得林奇說，你不會因為無買的股票上升而虧錢。也即使說你用把口話、個心想乜都是Bull Shit，市場係計閣下的下註。
但奇就奇在總有奇人在大跌市後說自己老早看到熊市，但你又唔見佢沽空的能人，如果咁都算叻咁一生唔買股票的朋友就次次都避過大跌市自動當選股神了。
每次聽到D唔知自己噏乜的奇人異士，筆者都會非常興奮，因為這些以＂捕捉交易時間＂為目標的交易對手大多是蠢蛋。雖然呢班友都是只係塘邊鶴吹水唔敢落場的狗熊，不過佢地都會幫我制造很多佢既豬朋友或信徒的對手，讓我多了好多賺錢機會。
其實道理好簡單，真正用腦的投資人只關心用乜價位去買的好似蒲公英花生植咁不停自動係咁生錢既資產，買入後呢D野係一D都唔需要你理。
好似我隻建行為例，上年第一季買，A股只係4個幾人仔，計埋約港幣5元，我即使放埋一邊，佢自動在2013年至14年賺到港幣1．10，2014年買居然可以分到之前一年既錢，2014年365天我又係乜都無埋，佢又係度日日生錢生多1．13元出來分比我，
連我今年上半年度在溫哥華休假，佢一樣係度不停生錢，我又係乜都無做過。
我見到建行跌到6．3真係想笑，呢個世界邊有人咁蠢，用埋D乜鬼數浪方法去計呢條小學一年班的數學問題，5元＋1．10+1．13＝？
咁淺的數學都計唔掂還有什麼可說呢？
交易方面：
昨天買入小量海通證券。
工作坊方面：
已經報名1／8工作坊朋友（唔係22／8那組）記得帶一支筆，今個星期六、下午1時半準時到灣仔駱克道3號，小童群益會607室。唔好攪錯地點和時間！！