優質股怎樣選? ckm001
http://hk.myblog.yahoo.com/jw!G9qPswuRGxoAjkVjcnY-/article?mid=34814
昨日講了一大堆理論，那麼實際上優質增長股應該怎樣選? 既然間公司能夠持續十年、廿年高增長，自然有其競爭優勢，公司可能是市場壟斷者，或是經營模式獨特，令競爭對手不易模仿，例如香港地有一千幾百個財經博 客，點解CKM001 BLOG最多人睇? 原來九成以上的網誌都係講短炒，只有少數講長線投資，而且我寫文章理論與實踐並重，東西易學易懂，照做就可以致富發達，而且本人學貫中西，無論是古今中外 文理史哲都略懂一二，試問有誰能夠模仿? 呢種競爭優勢，就係巴菲特所講嘅護城河(MOAT)，那麼怎樣套用這個概念於選股之上?例如巴菲特在80年代買可口可樂(KO)，當時百事可樂(PEP)正與可口可樂正面交戰，可口可樂的市佔率被百事一路蠶食，股價一路低迷，巴菲特看 準可口可樂的品牌優勢，到1988年止大手吸納了超過6%市值的可口可樂股票，之後可口可樂形象翻身，由1989-1999的十年間，連埋股息再投入，可 樂股價的複利增長達廿幾個百分點，即相等於十年十倍回報。香港隻中人壽更厲害，上市五年內，股價已經升值十倍，中人壽是國內壽險業的壟斷者，競爭優勢顯而 易見，持有呢隻國企股王真係實食無黐牙。你們又會問，中人壽係人都識，估值不便宜，咁有無那些未被人發現的十倍股? 要找千里馬當然要問伯樂，話明係伯樂，世間只有一個，如果呢門學問人人都懂，唔係個個都發達? 本人最有興趣發掘十倍股，這門技巧除了選錯機率高之外，你還要有耐性去守，就以我持有那隻阿里巴巴為例，明知間公司有齊千里馬的特質，就係因為國策出口轉 內需，而令阿里巴巴要重組業務，營利與股價亦受壓，誰有耐性花兩、三年時間等火鳳凰重生? 在股票市場賺大錢，實在是知易行難。另外，先實踐，後求解，這麼簡單的概念，現代人竟然不明白，真是沒你們辦法，我唯有明天再講。
Next Page