2015-07-09 NM
收樓手法，無法無天﹗本刊早前報導位於銅鑼灣的快樂大廈，出現收樓怪招。收樓公司將大量已收購單位 搭棚拆窗，一旦狂風大雨，便導致大廈其他單位出現水浸。報導出街後，有恃無恐，招數再加碼。其中一個空置單位，上週四離奇地「無關水掣」，引發大水浸，留 下未走的商鋪小業主，根本不能做生意。
上週四下午，快樂大廈七樓、一個已被收購，人去樓空的空置單位，廁所中一條接駁食水管的膠水喉，突然「水長流」。本來無人住的單位，應該無水無電，但偏偏 水喉猛噴水。流出來的水已令該單位水浸，再從門口一直向下、流落樓下單位。在一樓經營美甲店的張小姐說：「我四點開始，發覺樓梯濕晒，仲以為洗樓梯，之後 見到鋪頭牆身都有啲濕，先知上面單位漏水。我擔心牆裡的電線受影響會引發火警。我已經掃咗好多水走，不過仲有好多。」直至晚上七時，她懷疑事出有因，故決 定報警。記者來到該單位，發現鎖門的鐵鏈鬆開，從外向內望，一片凌亂，並且被水淹蓋。四名警察到場後，嘗試進入該單位關掉水掣，但擾攘約十分鐘，才發現該 水管並無開關掣。最後一樓的髮型屋老闆阿健，提議上天台將該單位的總水掣關上，事件才暫告一段落。警員表示會找業主（即收樓公司）了解，將事件記錄在案就 離去。
拆窗陰謀
快樂大廈座落銅鑼灣波斯富街的黃金地段，早已成為收樓集團的目標。收樓公司早已派人進入大廈管理委員會，三個月前更把已收回的單位拆窗，下雨天時樓下商戶 根本做不到生意，在一樓經營髮型屋的業主阿健說：「佢哋一次過將廿幾個單位同時搭棚拆窗，又一直無安番個窗。早輪又紅雨又黑雨，樓上拆窗的單位同時水浸， 水好似百川匯海咁從樓梯湧下。我間鋪浸晒，我做唔到生意，逼我賣鋪。」但收樓公司開價八百萬，他認為要三千五百萬才合理。執業律師兼立法會議員涂謹申，一 ○年已經向政府提出，收樓公司拖延大廈維修保養，令大廈出現滲水影響住客。到今天問題依舊，因為收樓公司不是明刀明槍塞鑰匙孔、淋紅油，故難以從刑事方向 解決，「好似今次事件，警察只可以幫你關水掣。若果去屋宇署投訴，佢唔會考慮係針對收樓嘅違法個案，你要慢慢排隊。」他指業主可從民事起訴，「但你要有能 力請律師出禁制令。」另一做法，就是找專業人士提供證據，顯示水浸的問題嚴重，影響樓宇結構安全，要求政府發出強制維修令，否則把單位釘契。但作為小業 主，只怕收樓公司到時又有「過牆梯」。