| ||||||
| 專 注投資證券及非上市項目嘅亨亞（428），竟然有喺中環蘭桂坊賣香港牌啤酒。執行董事林兆榮（Andy）噚日自爆話，公司過去一直有沾手飲食業，03年就 入股呢隻由人手釀製嘅啤酒，喺香港仔工廠出品，夠晒地道，除咗落bar有得飲，仲可以喺小部份高檔超市買到。呢支香港牌啤酒，細支裝10蚊樓下，可惜生產 規模相當精品，每月營業額不足20萬，未必上到市噃。 近個半月賣股套7859萬 摸完杯底，講番亨亞啱啱公佈嘅上半年業績，正 好受惠市場好轉，半年多賺5.2倍。Andy話，由7月起至8月11日，公司又沽咗一堆包括昌興（803）同埋凱順能源（8203）等股票，淨袋 7858.85萬元，雖然賺咁多，但佢講明唔派特別息。亨亞o依家有成億現金喺手，兼且零借貸，佢話未來會繼續喺科技同資源類再搵心頭好，擇偶條件係對方 嘅市盈率唔過4倍，做強做大再安排上市套現咁話。 | ||||||