| ||||||
| 大 陸民企頻頻出手到國外東併西購，連香港的連鎖店也不放過；在國內有一千家分店的蘇寧電器，以兩億元收購「鋪王」鄧成波（波叔）旗下的鐳射影音，並打算以鐳 射品牌大刀闊斧在香港開分店，勢頭好比國美○三年前來港搶灘一樣。在本港炒鋪逾四十年，身經百戰的波叔，又豈會計錯數，蘇寧買鐳射這單交易，波叔才是贏 家。 上週三，蘇寧電器公布收購香港鐳射，包括以三千五百萬收購鐳射品牌、業務及其網絡，並以一億八千萬元收購其存貨及資產，交易預計在今年三月底前完成。 鐳 射的老闆是在香港持有逾八十個鋪位，市值近百億的「鋪王」鄧成波，年前市傳他以三億元向賣相機起家的唐氏兄弟唐志強及唐志榮購入鐳射股份，故是次交易被外 界定為「蝕讓」。為此，負責打理鐳射，波叔的五子鄧耀昇向本刊澄清說：「其實我哋係二億買番嚟，所以只可以話平手。但幾年來嘅租金收入，我哋已經賺咗。」 一名專做鋪位買賣的炒家指出：「以波叔嘅實力又唔使賤賣鐳射，不過佢一個鋪轉手都賺一千幾百萬，每年租金收入都過億，使咩咁辛苦搞鐳射。」 鐳射幫手養鋪 ○ 四年時，波叔因財困而把一手湊大的旺角電腦廣場，以近四億元售予大鴻輝，波叔一直耿耿於懷，想把前身為倫敦酒樓的超級數碼廣場搞旺，而鐳射這品牌甚有號召 力，他深信鐳射會受惠於自由行，另一方面可「整靚」旗下的鋪位，鄧耀昇說：「我哋買佢番嚟嘅時候，佢得十五間鋪，我哋嘅目標係開到二十五間。而開多呢十 間，當中有超過一半都係租用老闆（其父波叔）旗下的物業，所以已經淨賺租金。」今年只有廿三歲，在美國讀書的鄧耀昇說得非常坦白：「個租金仲要貴過市價百 分之十，鐳射租番自己鋪，始終有彈性，又可以減少條街或者個商場嘅空置率。我哋除咗租鋪位俾鐳射，老闆喺街上仲有好多廣告位，都租埋俾鐳射。你向街外人 租，一年都要交幾千萬租啦，不如租用自己嗰啲，互惠互利啫。如果做靚咗個位，轉租俾其他人，租金都可以升幅多啲。」 現時西洋菜街已經成為影 音街，每當有鐳射、百老滙等開鋪，都會刺激街鋪的呎價租金，西洋菜街在三、四年間，租金已上升超過一倍，單是○九年已升了兩成。如波叔於○六年初，以二千 零六十萬元購入山東街星際城市地下十三號B鋪，面積約四十呎，呎價五十一萬元，一度成為鋪王。波叔連同其持有的十三號A鋪，逾九千呎的地牢鋪，以五十多萬 月租予泰林。但泰林於○八年十一月結業，並欠租金三個月，波叔隨即以八十五萬租予鐳射作二個月短期租約，再於去年一月以月租九十萬元轉租予卓悅化妝品，令 該鋪位呎租兩個月間升值六成。 奉旨租用波叔鋪位 鐳射乃波叔替鋪頭升值的「好幫手」，雖然易手予蘇寧，波叔卻將會繼續受惠。於九○年由國內商人張近東創立的蘇寧電器，現主售家電和數碼產品，於○四年在深圳證券交易所上市。現時，全國擁一千家連鎖店，去年全國營業額達一千億人民幣，過去的六月更收購了日本老牌電器企業 LaOX。蘇寧公布，希望搶佔香港百分之二十五的市場佔有率，企圖打破百老滙、豐澤等壟斷地位。而據鐳射的行政總裁譚學昌稱，鐳射的市場佔有率為百分之二十。 蘇 寧與波叔協議日後在香港開鋪，會租用波叔的鋪位，鄧耀昇說時數口精明：「佢哋嘅目標係喺香港開夠五十間，宜家已經有二十五間，即係仲會開多二十五間，當佢 只同我哋租十二間，都有成千萬租金；而且佢哋嘅目標係開多間旗艦店，面積會比較大，佢哋嚟香港都要搵鋪，我哋又要搵人租鋪，今次係好好嘅協同效應。」事實 上，於○八年十一月結業的泰林，在結業前亦曾找過蘇寧充當白武士，但遭拒絕，鄧耀昇說：「喺香港做零售，你唔識到啲地產商爭鋪無得做，我哋有好多鋪，所以 佢會肯同我哋合作。」 據鄧耀昇指，他們與蘇寧電器的合作是基於一次巧合：「佢想租我哋喺波斯富街的二萬呎鋪位，就直接搵咗老闆傾，傾傾吓佢 知道老闆有嚿鐳射，覺得可以直頭買咗佢囉。」蘇寧收購鐳射後，除了暫定租用波叔於波斯富街的二萬呎鋪位外，亦已承諾會租用波叔於油麻地的超級數碼廣場和旺 角的星際城市作其中之一間旗艦店。 超級數碼廣場，是波叔於○六年向好友陳茂發購入，條件是於商場收入穩定後才會購入，其間波叔每月繳交租金 一百一十萬元，先做其二房東，「佢哋係老友，先可以攞到呢個條件。」一名地產代理說。波叔於○八年在上址開設鐳射旗艦店，並打算引入其他電子電器商戶，改 造成電腦廣場，但由於出租率仍然低，二、三樓由鐳射租來賣家具充撐場面，亦無改善，故交易遲遲未完成，至去年年中波叔知悉蘇寧打算租用，才落實三億元成 交。不過租予蘇寧的租金多少就未確實，「咁一定唔會貴過市價嘅。」鄧耀昇說。 行頭競爭大毛利低 所謂猛虎不及地頭蟲，波叔肯把鐳射「割愛」，自然是有數得計，早於九七年樓市高峰期，波叔就曾打算把其成功地產上市，他在九六、九七年間在市場大手掃之物業，金額達七十多億元，但一個金融風暴殺到，波叔慘變負資產，上市大計無奈取消，故波叔於○六年收購鐳射，一直被市場指他藉鐳射來圓上市夢。不過，鄧耀昇亦坦承做落發覺競爭非常大、毛利又低：「雖然一年有十三億，不過係營業額，毛利平均只有百分之十二，扣埋百分之四租金、百分之四人工，淨番百分之四仲要睇你點使。當中包括每年廣告費又幾百萬，行政費又幾百萬。」 在香港家電影音業賺錢非易事，有大型電器連鎖店的經理指 出，行家公布的營業額數目亦有「煲大」之嫌：「佢哋（鐳射）話自己有十三億營業額，但其實毛利大概得百分之十，扣埋人工、租金、雜費等，廿幾間分店先賺幾 百萬。其他行家都差唔多，尤其係旺角鋪超貴租，要賺到個租都唔容易。」他指，如店鋪設在大型商場，零售商更要向商場支付一筆租金以外的額外費用，大約是每 月營業額的百分之三。 至於代理食水亦深，「其實個定價好簡單，同代理商八折入貨，再俾個最低定價我哋，我哋唔可以低過呢個價賣嘢，否則代理唔會供貨俾我哋。如果賣家庭電器、影音等，毛利都做到百分之十至十五，但手提電話同電腦嘅毛利只有百分之四至八，想賺多啲都難！」該名經理大呻生意難做。 鋪王穩袋租金 眼 見蘇寧大舉進軍香港市場搵食，這名電器零售商就「潑冷水」說：「蘇寧喺國內雖然有自己嘅供應商，佢話引進更多大陸品牌，但香港人唔鍾意買大陸品牌，大陸人 嚟香港就係為咗買外國進口貨。雖然部分電器都係內地製造，但始終喺香港就會經過晒檢測，相對安全。唔會嚟到香港都仲喺蘇寧買嘢，所以蘇寧未必有優勢。」 以國美為例，○三年為了在市場企穩，更以大特賣作招徠，如「四百元一部康佳電視」、「八元一個國產熨斗」，但發展依然緩慢，花了三年多才開了十多間分店， 埋單計數更蝕了數億元。老闆黃光裕更因經濟犯罪，現仍在北京扣查。 不過蘇寧與國美不同之處是，國美中國與香港是沒有關連，自由行即使在香港 買電器，壞了也不可拿到國美中國維修。相反，蘇寧吸取國美失敗經驗，客人在香港買貨後可拿回任何一間作保養、維修，對於蘇寧來說，鐳射只是作為廣告宣傳之 效。雖然蘇寧能否崛起仍然成謎，但波叔卻能「金蟬脫殼」，更在「合作伙伴」身上穩賺千萬租金。 | ||||||