📖 ZKIZ Archives

滬港一定通！ 南子文

來源: http://hkcitizensmedia.com/2014/10/31/%E6%BB%AC%E6%B8%AF%E4%B8%80%E5%AE%9A%E9%80%9A%EF%BC%81/

滬港通係10月27日宣佈正式誤點，唔少朋友立即話，今次死喇！阿爺真係發火，佔中一日搞唔掂，唔洗諗住通車！不過如果一路有睇南仔文章嘅朋友，會非常唔認同上述說法，因為滬港通嘅最大受益人係內地。

四中全會閉幕，萬字文嘅主題係「依法治國」，對投資者黎講，冇乜啟示。反而國務院陸續公布嘅鐵路、消費推進政策更值得跟進。現今習李政權、與早前胡溫及江朱政權最大不同之處在於夠嚴同鐵腕，將開放發展後嘅中國拉到另一個境界，亦係鄧小平最後欽點嘅繼任人。過去兩年，很多內地官員商人未能適應新玩法，粉粉中招落臺走佬。

20141023-71f77c408de72123_550x1300

去年內地有傳言，尚有以千萬計的罪民，等待著習李政權嘅審批，但一直未成事，相信係用來阻嚇其他人，多於抄家。講真抄家的行政成本也不低，但可以肯定嘅係，內地走錢嘅灰色位已被大大阻塞，要匯大額資金出國，成本比過去任何一個年代也高。

去到這個水平，習李建立功業嘅日子也到，因為內地資本改革嘅先天條件已出現。滬港通係第一步，然後相關官員及機構拿著這個合作方式，到世界各地推銷，就似推銷商鐵一樣。可以預期嘅係，內地盤算嘅係繼續引入全世界資本，但同十年前不同之處係，透過股市及金融市場，而不是早年嘅FDI，未來睇FDI投資中國股票嘅人註定係慢別人一步。

引入世界資本嘅好處係，建立一個更有率嘅金融市場，等內地A股唔會再係創業版當道，股民整係識「打新」，透過外資力量令內地市場成熟起來，係一件十至二十年才能完成的事。在依個大浪裡，內地A股會有很多機會，就似1980年至2000年嘅香港。就算唔炒A股都好，點都要諗下投資A50指數基金，或平保(2318)，這班車走了，不知道何時才有大升之趨勢。

 

 

 

 

PermaLink: https://articles.zkiz.com/?id=117346
Next Page
ZKIZ Archives @ 2019