ZKIZ Archives


中環在線:胡文新自爆合和放榜要擇日 李華華


2009-09-02  AD





 

噚 日華華同合和實業太子爺、聯席董事總經理胡文新食晏,講開合和系孖寶上個禮拜三(8月26日)公佈業績,同一日就精采咯,有超過30間上市公司齊齊放榜, 而且都唔係「二打六」,九倉、中信泰富、中海油、嘉里都係同日公佈業績,就連金管局總裁任志剛都揀嗰日同傳媒朋友嚟個臨別記招,搞到一眾財記三十幾度高溫 下,喺中環、金鐘頻頻撲撲。

日曆卡mark低好日

任總係咪想臨走測試吓自己嘅魅力,睇吓財記揀去見佢,定去各大上市公司業績 記招?華華唔知!噚日見到胡文新,就第一時間問佢係咪趁高興。點知佢第一時間拎張卡(上圖)出嚟話,「嗰日係好日,間間公司公佈業績都揀好日o架啦!」胡 文新咁後生都咁迷信,不過咁都唔重要,華華反而對佢拎住嗰張卡有興趣。嗰張睇落似一般日曆卡,但就mark晒顏色,胡文新話係公司風水師傅整嘅,方便搞活 動時擇吉日。但佢唔肯講邊位名師係合和御用嘅風水師傅?華華好奇,返到公司即刻查通勝,原來嗰日宜會友同交易,確實係好日喎!李華華 LiWaWa@AppleDaily.com



中環 在線 文新 自爆 爆合 合和 放榜 擇日 華華
PermaLink: https://articles.zkiz.com/?id=10846

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019