邱淑貞三女冧上山
1 :
GS(14)@2017-05-18 02:08:20■邱淑貞三女與契媽上山詩鈉慶祝母親節。互聯網圖片
上山詩鈉前日母親節連走兩場，早在下午已跟三個契女，即邱淑貞的大女沈月、二女沈日跟細女沈晨聚會。三個契女圍着上山合照，?得她非常開心，上山更在Ig大晒溫馨照，焦點少不免又會放在亭亭玉立的沈月身上，舉手投足極有明星風範，二女沈日亦開始滲出少女味，而被指最似媽咪的細女沈晨，亦遺傳了媽咪尖尖的下巴。上山當晚跟Hilary兩母女，加上跟表弟張智霖、袁詠儀及囝囝張慕童一家三口搞了個母親節飯局，張媽媽跟舅父曹查理亦有出席。撰文：李森
來源:
http://hk.apple.nextmedia.com/entertainment/art/20170516/20022390
中山美穗復仇 肉搏舊愛仔
1 :
GS(14)@2016-07-17 16:01:46■在最新的預告片中，龍星涼欲咀嘴中山美穗。
日本影后中山美穗當年憑美貌與氣質迷盡亞洲觀眾，她跟肥仔音樂人澀谷慶一郎的姊弟戀已經玩完，回歸日劇界接拍懸疑情慾劇《賢者之愛》，美穗更會打破道德枷鎖，勾引初戀情人的兒子來展開復仇大計。現年46歲的中山美穗前年接拍NHK日劇《柏拉圖》，同年她宣佈與前夫辻仁成結束12年婚姻，原來當時美穗秘密搭上同住法國的音樂人澀谷慶一郎，放棄兒子的撫養權全情發展姊弟戀，不過去年底分手後她即回流日本，並首次接演舞台劇紀念入行30周年。美穗早前與舊拍檔吉田榮作傳出緋聞，然而兩人未有進一步發展，目前她只寄情工作，WOWOW電視台宣佈起用美穗主演下月開播的新劇《賢者之愛》，故事乃改編自直木賞作家山田詠美同名小說，美穗飾演任職文藝雜誌編輯的女主角，受到昔日好姊妹搶走其初戀男友的打擊，她花上20年時間搭上舊情人的兒子，與23歲男星龍星涼演繹一段母子戀，繼而利用小鮮肉男友向其父母報仇，該劇已在上月底開鏡，劇中將有美穗與龍星涼的情慾場面，電視台已公開兩人只用布裹身的宣傳照及預告片，美穗自言新劇令她的情感上帶來不少刺激。
胞妹剝衫價1億日圓
美穗於90年代走紅時，帶挈親生妹妹中山忍以15歲之齡加入藝能界，曾夥拍李連杰合演港產片《精武英雄》，可惜中山忍的星運不及家姐順利，日前她受訪透露多年來受到家姐名氣影響，一直只被形容為「美穗妹妹」，令她十分難受。43歲的中山忍更自爆，曾有出版社斟她接拍全裸寫真，更出價1億日圓（約750萬港元），中山忍卻不為所動，未有走上脫星之路。撰文：哥羅
■中山忍自爆獲出版社開價1億日圓全裸拍寫真。
■美穗（左）與胞妹中山忍感情深厚。
來源:
http://hk.apple.nextmedia.com/entertainment/art/20160717/19697895
吳佩慈紀曉波陪子女 嘉年華氹氹轉
1 :
GS(14)@2017-01-26 07:44:00■吳佩慈和紀曉波日前陪一對仔女去嘉年華，一家四口齊齊坐旋轉木馬。
【中環】台灣九頭身女星吳佩慈甘做未婚媽媽，為內地百億富商紀曉波誕下一對子女，至今仍未登記結婚做人妻，囡囡小蕊蕊（Hillary）已兩歲，囝囝漢斯（Hans）亦一歲大，日前一家四口到中環AIA嘉年華享受家庭樂，全程由四名身高6呎的保鑣護駕，十分架勢。身披粉紅外套的吳佩慈和小蕊蕊着母女裝，肥嘟嘟的小蕊蕊紮了馬尾，跟媽咪一樣留了長頭髮好可愛，吳佩慈不知是否怕被認出，表現比較酷，而其中一名黑衫保鑣更為老闆娘孭Boy Chanel名牌手袋，而紀曉波就好錫一對仔女，尤其是對「前世情人」Hillary更加錫到燶，不但買雪糕?囡囡開心，更抱着囡囡周圍玩，掟完公仔再去睇迪士尼主題4D動畫，節目豐富。
【買雪糕】■紀曉波對女兒愛錫有加，買雪糕?囡囡開心。
【推BB車】■吳佩慈蹺起雙手，由紀曉波負責推BB車。
【拖住走】■吳佩慈和紀曉波離場時，拖手行返四季酒店。
玩機動扶囡囡
之後吳佩慈一家四口去玩旋轉木馬，身材高䠷的吳佩慈坐在木馬上單手扶柱，另一隻手就扶囡囡騎的木馬從旁保護，至於紀曉波則攬着囝囝一齊騎，十分溫馨。大約下午5時許，一對子女玩到攰坐雙人BB車休息，最初紀曉波親自推BB車，不過期間手機響，紀曉波忙於傾電話，交由保鑣負責服侍小主人，而紀曉波傾完電話之後，就跟吳佩慈手拖手行返四季酒店。雖然紀曉波未給吳佩慈名份，但一直都很照顧女友，去年底他以吳佩慈名義入股怡益控股，當時股值約3億港元，吳佩慈已成為億萬富婆。採訪、攝影：徐錦池、畢紹基
來源:
http://hk.apple.nextmedia.com/entertainment/art/20170124/19906526
楊埕嫌龐景峰幼稚分手
1 :
GS(14)@2017-05-07 15:29:05龐景峰前女友、「翻版栢芝」楊埕前晚在中環出席攝影展，楊埕早前在facebook呻寂寞，她昨直認與龐景峰於上月初分手，已沒聯絡：「大概4月10號，因為工作而嗌交，覺得大家都唔係好識得體諒大家，所以覺得我要走。」問到分手原因是否因她形象性感令對方不悅？她表示：「唔係，做嘢各有各做，我哋做嘢見嘅人唔同，又唔係咁認識，唔好畀咁多意見。」
龐景峰 資料圖片
楊埕表示二人雖多次離合，但今次不會復合：「我覺得佢有啲小朋友，大家都相處咗幾年，去過好多地方都好開心，不過唔想再一齊。暫時唔諗拍拖，都係單身先，事業為重。」採訪、攝影：盧妹
來源:
http://hk.apple.nextmedia.com/entertainment/art/20170507/20013020
賣保險 教做戲 53歲江華再現：睇我唔使睇張家輝
1 :
GS(14)@2015-06-18 14:31:392015-06-18 NM
○九年開始消失幕前的江華，一度因為受腰傷困擾而患上抑鬱症，要老婆麥潔文教唱歌孭起頭家；停工五年，已完全康復的他除了轉投保險業，更收生開班教人做戲。週日（十四日），身形起格的江華膠手套配波褲，chok住洗車，劉華mix張家輝，唔到你唔服！被迫搬屋
幾乎絕跡娛樂圈的江華，近年偶然被傳媒撞到，鏡頭下的他總是游手好閒行街飲茶，在沙頭角凹下村隱居五年，最近被業主逼遷，好頭痛。「條村唔大，江華成家住咗呢度五年，八千蚊租住地下嗰層，聽講兩個月前業主話要收番層樓嚟賣，唔知點解只係收佢嗰層，二、三樓租客可以繼續住。」有村民透露。住開有感情，江華雖然唔想搬，但業主態度強硬，唯有在村內另覓租盤。「呢度租盤其實唔多，江華睇中棟新起嘅，周圍問緊人租唔租幾錢租，不過未有答覆，但就算租都唔慌平。」村民說。上星期三（六月十日），本刊在尖沙咀海港城見到已經復工做保險的江華，對於被逼遷，他表現勞氣，「問業主囉，唔好問我！」
自比張家輝
星期日（十四日）上午九時，本刊到凹下村搵江華，只見他戴住膠手套、波褲人字拖襯頭箍，洗車洗到大汗疊細汗，白tee濕透，現出一嚿嚿肌肉！五十三有此狀態，fit！壹：壹週刊江：江華壹：好劉德華呀！江：嘩，舊唔舊啲呀呢句？真係失望！其實有啲渲染，呢個話似嗰個話似，耳濡目染，加咗印象分落去。壹：咁係劉德華似你囉！江：嗱，呢句說話啱聽喇，哈哈哈！壹：點樣keep到咁fit？騷個body睇吓！江：傻o架咩？要俾廣告費o架大佬，幾十歲人唔能夠隨隨便便，留番喺電影度啦，睇我唔使睇張家輝，哈哈哈！
兩車共用車牌
江華洗車期間，記者留意到他兩部私家車竟然共用同一個車牌。壹：你好鍾意呢個車牌？江：因為呢個牌太耐喇，嗰陣年少無知，無知嚟自呢個係我生日號碼，而家有乜所謂，咩都一樣，但係用開咪繼續用囉，係咁解。壹：不過你兩部車用同一個車牌喎！江：其實銀色架Jaguar我冇郁o架，因為冇俾牌費，未換番個牌啫！
收生睇緣分
過去五年，江華停工養病，生活只能食老本，只靠老婆麥潔文教唱歌、登台、開演唱會賺錢撐起頭家。復工後，江華表現積極，轉行做保險經紀外，還會開班收生教演技。「啱嘅就會教，好隨緣嗰種，我唔係話好似學校咁招生，覺得佢係可以嘅先會收，要睇時間。」投身保險業已經三個月，對於工作，江華聲言順其自然。「我唔會刻意叫人買保險，我只會做朋友，買唔買係其次。啲人以為搵到錢先叫成功，我人生觀唔係咁，食得幾多著得幾多？俾晒啲錢你又點？」江華說。
走下坡
有「翻版劉華」之稱的江華，86年參加亞洲電視藝員訓練班入行，曾是亞視台柱，拍劇外，89年亦憑電影《但願人長久》奪得香港電影金像獎「最佳新演員」獎。96年，江華轉投無綫開始為人注意，第一部大台劇《西遊記》創44點高收視，03年再憑《九五至尊》和《楚漢驕雄》攀上事業高峰後，便離開大台返內地拍劇，可惜發展不如理想，04至09年間，只拍過《新聊齋——畫皮》、《風塵三俠之紅拂女》及《跟紅頂白大三元》三套劇集，其間更因腰患困擾和事業走下坡而患上抑鬱，自此全面停工，消失幕前。
中佬熱
男人易keep！53歲江華有型有款外，唔少娛圈半百中佬都冇乜走樣，有條件繼續撈！
邵仲衡51歲95年離開大台外闖，01年與圈外女友Wendy結婚後，正式退出幕前，專心經營車房和內地賽車中介人生意。今年4月無綫重播神劇《大時代》，「大佬孝」邵仲衡人氣忽然爆升，商演活動一個接一個，令他快賺過百萬。曾在美國柏克萊大學讀政治策略的他，因夠膽識，被網民熱捧：「『袋住先』我唔鍾意，篩選咗先俾我揀，我有得揀一定唔係咁揀。」
林俊賢54歲曾是80年代當紅小生之一，96年退出幕前從商，兩度因炒股輸身家仍成功翻身，現時是證券行及製作公司老闆。去年復出拍電影《最佳嫌疑人》，今年再為應采兒做監製的網劇《天才在左瘋子在右》客串一角過戲癮，除了一頭銀髮的他，並無走樣。
吳岱融55歲87年加入大台後，憑《絕代雙驕》、《邊城浪子》等大熱劇迅速上位。90年代初，吳岱融因在亞視宣傳個人唱片被無綫雪藏及解約，之後拍過三級片，其後轉戰內地拍劇，並任職國內民企顧問。最近被無綫邀回巢救亡的他，自信爆燈：「好多外國劇都唔用年輕小生，反而用四、五十歲演員做男主角，因為佢哋有人生閱歷，演戲會更有味道。」
華欣慶祝生日有驚無險李璧琦遇爆炸 急報平安
1 :
GS(14)@2016-08-13 14:59:41■為免親友擔心，身在華欣的李璧琦昨日在微博報平安。
港人熱愛旅遊勝地泰國華欣前日和昨日發生連環爆炸，事件中有人死傷。原來李璧琦在爆炸事件發生時，正身在華欣慶祝38歲生日。李璧琦昨日凌晨於微博上載一段吹蠟燭慶祝生日的短片，留言謂：「我的連續農曆＋新曆，48小時超長生日，完美結局！感謝各位的祝福，愛你們。」
■李璧琦前日在華欣慶祝38歲生日，當地竟發生連環爆炸事件。
職員交代事件
由於華欣前晚和昨日上午發生連環爆炸，李璧琦為免親友擔心，於是在昨早於微博留言報平安：「感謝各方好友關心問候，感謝天父我在華欣很平安！請繼續為死傷者及家人禱告，願安慰臨到他們，Amen。」李璧琦今次入住Sheraton Hua Hin Pranburi Villas，記者昨日致電慰問時，她透過WhatsApp表示收到朋友短訊才知道爆炸事件發生。李璧琦說：「酒店內很peaceful，只見朋友短訊才知道新聞已經報道，當時有點愕然。」問到目前華欣情況，李璧琦說：「今朝酒店經理特別同我講件事同下晝出車安排，所以好放心。因為發生爆炸嘅地點係華欣市中心，而我住嘅酒店距離爆炸地點有25分鐘嘅車程，咁我都冇出過去，所以好平安。」
■李璧琦指下榻的酒店跟爆炸地點相距25分鐘車程。互聯網圖片
改路避開現場
李璧琦續說：「噚日泰國新政府個演說講明要穩定性同安全性，可能咁引發咗一啲人嘅不滿。其實我今日會離開華欣，有同司機傾過，今日會改用另一條路去曼谷，唔會經過噚日發生事嘅地方，曼谷之前都發生事，相信會加強保安，唔會再有事發生。」採訪：何慧斯
來源:
http://hk.apple.nextmedia.com/entertainment/art/20160813/19733992
周汶錡：生女係Perfect
1 :
GS(14)@2016-11-25 07:36:48■周汶錡昨穿上鬆身裙遮肚。
周汶錡（Kathy）去年7月跟法籍老公Julien Lepeu誕下Jacques之後，前日宣佈再度懷孕，昨日Kathy在中環置地廣場出席聖誕裝置啟動禮，她穿上鬆身黑色連身裙及5吋高踭鞋現身。問到會否帶囝囝看聖誕裝飾？她說：「囝囝好鍾意郁得嘅嘢，佢見到啲波波呀，又咁多動物，佢一定會好鍾意。」懷胎五個月的Kathy被問到是陀仔還是女？她說：「我想保持神秘感，上次Jacques都照錯，要再check吓先。」想不想湊一個好字？她說：「生女係perfect，不過仔女都冇所謂，老公話覺得我唔止生兩個。」不過她表示生三個是極限，並指今胎是有計劃。採訪：盧妹攝影：沈健程
來源:
http://hk.apple.nextmedia.com/entertainment/art/20161125/19844660
Next Page