絕望地黑仔? 馬明入完冷宮 出返變炮灰
1 :
GS(14)@2016-12-17 23:54:34有種炮灰，叫馬國明。馬國明貴為大台小生，有樣又有觀眾緣，但係唔知點解大部份佢拍嘅劇都變為「炮灰」，原因咪就係因為佢黑仔囉。首先，何謂「炮灰」？唔係代表套劇唔收得，而係講緊播出時間撞正大型體育賽事，或者撞正長假期，又或者唔好彩喺頒獎禮之後先播；頒獎禮過後，就算套劇幾收得，都要捱多一年先有得俾觀眾投票，到時觀眾都可能唔記得咗啦，又有可能被其他勢頭更強嘅劇集蓋過。好喇，講番馬國明呢筆，其實o依家播出嘅劇集《流氓皇帝》早於兩年前已經拍好，但因為當時馬明扭計，同大台未傾好續約嘅事，導致《流》劇被抽起。本身大台高層講明會力捧馬明，不過因為未傾掂續約，所以第一次被抽起；後來，到高層點頭say Yes，仲安排拍劇集宣傳片。點知臨門一腳撻Q，大台轉捧王浩信，將該檔期改播Signal Wong處男擔正嘅《樓奴》。有指係因為高層都係覺得馬明「唔乖」，所以連宣傳片拍攝都取消埋。到o依家馬明乖乖同大台續約，之前被hold起放入倉底嘅劇集，終於可以重見天日，不過都係淪為「炮灰」。皆因本月18號(星期日)就係頒獎禮喇，得番3日時間，又邊谷得起喎。劇集可以重見天日，本身係一件開心事，不過網民對《流》劇好多負皮，戥馬明唔抵，網民覺得：「都係舊版好睇啲」，「要馬明做小醜」，「我都留意到馬明做親都係戇X仔，俾啲好角色佢啦」，「馬明呆」。雖然今次《流》劇做咗炮灰，不過馬明都唔使灰心嘅，喺雪櫃行番出嚟又係一條好漢啦！啱唔啱先？有曝光總好過冇曝光嘛，加上《流》劇播完後，馬明會有新劇《降魔的》接住播，觀眾又可以Keep住見佢個靚仔樣喇！
來源:
http://hk.apple.nextmedia.com/entertainment/art/20161217/19868365
苟姑娘拖男友晒鑽戒
1 :
GS(14)@2017-06-10 12:55:44■陸漢洋直言還會準備求婚戒指，令苟姑娘冧爆。
苟芸慧昨與陸漢洋以情侶身份出席中環四季酒店舉行的汽車發佈會，台上二人十指緊扣，苟姑娘狂晒陸漢洋送的家傳之寶戒指。苟姑娘給男友101分，陸漢洋即搶答女友1001分，認真骨痹。問收定情鑽戒的心情，苟姑娘說：「我係開心到唔識反應，唔係睇有幾貴重，係心思令我好感動。」他們更認定對方是終身伴侶，只是婚期未定，陸漢洋說：「大家事業上都有新起步，結婚有溝通、有picture，人物揀中咗，係時間同地點要考慮。我已經認定佢係終身伴侶，唔在乎曾經擁有，只望天長地久。」採訪：羅慧敏攝影：葉君海
來源:
http://hk.apple.nextmedia.com/entertainment/art/20170607/20046834
至索Body都會輸張曦雯被何雁詩搶混血男友？
1 :
GS(14)@2017-04-08 20:44:21鄭俊弘「瞞婚」事件繼續發酵，男方被網民鬧爆係賤男，一腳踏兩船；而新歡何雁詩又疑似做第三者，令鄭俊弘與未婚妻Beebs分手。昨日再有爆料，指何雁詩已經唔係第一次做小三，對上一個男朋友、日韓混血Wataru都係由「打機女神」12年華姐冠軍張曦雯手上搶番嚟。有指張曦雯同Wataru喺15年初相識，同Wataru約會過，何雁詩明知兩人關係，仲經常到Wataru嘅餐廳打躉食水煙，有硬撬張曦雯對象之嫌。昨日張曦雯接受傳媒訪問時煞有介事話﹕「我唔想再討論呢樣嘢，因為都唔關我事。我回應咗，但回應出嚟又唔係我想講嗰樣嘢，所以我寧願唔講，唔想大家誤會。」張曦雯承認識得Wataru，但兩人從未拍拖，佢話﹕「冇，冇，係識得。(俾何雁詩搶男友？)一定冇！(o依家同Wataru仲係咪朋友？)正常，唔係好好朋友，唔會有啲乜嘢。」
來源:
http://hk.apple.nextmedia.com/entertainment/art/20170408/19983941
翁靜晶女選健美小姐筋肉爆過18銅人
1 :
GS(14)@2016-09-02 05:49:39【銅皮鐵骨】■翁靜晶的27歲細女劉幸儀放棄做律師，從事健身教練，早前更參加健美比賽。
「養兒一百歲，長憂九十九」這句說話套用在翁靜晶身上最合適。翁靜晶的細女劉幸儀當年放棄做律師，從事健身教練，最近還在英國參加健美小姐競賽。身為媽媽的翁靜晶，見到愛女一身爆肌筋肉人look直言不懂欣賞，但為支持女兒仍會接受，她昨在電話中嘆氣：「好似一個少林寺18銅人咁嘅效果，我都唔係好認得係佢。」
翁靜晶與亡夫劉家良育有兩女兒，大女萬儀和細女幸儀都不負父母所望，完成法律學位；但女大女世界，各有自己的夢想，萬儀前年加入娛樂圈，幸儀則選擇做健身教練。翁靜晶昨在facebook貼上幸儀早前在英國參加健美小姐比賽的相片，幸儀亦有在Instagram狂晒爆肌筋肉相，除了被翁靜晶形容為「非洲古銅」的膚色，還有全身勁度十足的肌肉。
【筋肉背肌】■幸儀變成筋肉人，翁靜晶佩服女兒經過長時間的克制及操練。
【倒立練肌】■幸儀做倒立掌上壓，挑戰高難度。
■劉家良和翁靜晶的兩位女兒萬儀和幸儀，都不負父母所望完成法律學位。
腹肌人魚線絕美
相中幸儀穿三點式站在比賽台上，谷行背肌和晒紋身，另一張上身半裸的她以手及相機掩胸，腹肌與腰部線條都絕美，翁靜晶留言：「我將你帶到這世界上，但我並不擁有你的生命。這話是我的虎媽對我說的。那一回，我為了引起她的注意，在她面前吸煙，得到的是冷冷的回應。那時，我只是一個極之渴望母愛的孩子。然而到我做了母親，就領會了這話。小女兒放棄做律師，從事健身工作，最近還參加了健美小姐競賽，更曬成了非洲古銅。趁年輕，做自己喜歡的事，惟有是尊重和支持。我對青春無悔，也祝福每一位尋夢的年輕人。」
■幸儀穿晚裝裙，圓渾臀部仍不失女性美。
惜最後比賽落敗
翁靜晶昨在電話中指相片都是女兒傳給她看，她帶點無奈說：「好似一個少林寺18銅人咁嘅效果，係好黑囉，第一次收到張相，我話『我都唔係好認得係佢』。」她自認是傳統女性，覺得女人的美應該是「肥肥白白同有啲肉」，所以不懂欣賞女兒的健美身形：「或者係我老套啦，始終舊式人。今次post出嚟都係一個認同，我都覺得為佢驕傲嘅。可以好肯定一個人要練到一身銅皮鐵骨，要經過一個好長同克制經歷，我知道佢籌備咗幾個月，要節食同做好多運動，係一種毅力表現。我知道仲有運動公司搵佢拍廣告。」問幸儀有沒有得獎？翁靜晶說：「最後唔可以贏出，始終同外國女仔比賽，佢已經好叻。」採訪：嵐山
來源:
http://hk.apple.nextmedia.com/entertainment/art/20160902/19756940
郭鶴年用Fax溝通
1 :
GS(14)@2016-03-19 22:16:32百億郭家一向低調，郭燕光性格開朗，講到爸爸郭鶴年、家人，一樣大大方方，阿爸怎看堂堂千金小姐賣舊衫？她說：「爸爸其實唔明白，佢對technology同fashion都麻麻哋了解，佢而家都係冇email，亦冇SMS，佢都係留口訊、打電話，或者send fax畀秘書，等秘書用email通知我哋，佢對網上服裝冇乜概念，但好支持我做自己嘅選擇。」
■Yen早前去巴黎、米蘭時裝周睇騷、買貨，日日換潮look。
Yen早前去米蘭巴黎時裝周，買貨、搬貨，回程120kg行李幾個人搬，連手腕都扭傷，阿爸當然心痛。她指爸爸教路三招生意經：一）保重身體；二）請員工可靠重要過叻仔；三）想像壞人來了。知己知彼，更要想像最差，她說：「佢講，做任何生意，都要想像自己為最奸嘅customer、想害你間公司，有啲乜way to cheat，你要諗定先。」
來源:
http://hk.apple.nextmedia.com/entertainment/art/20160319/19535974
Next Page