逾200億掃珍藏大劉遇一生最愛
1 :
GS(14)@2017-04-09 10:49:37■甘比蹺實大劉，欣賞他一生中最愛的名畫《Everything must go》。
【劉鑾雄講大劉】【連載系列之十一 買心頭好】劉鑾雄（大劉）在藝術界被評為全球十大收藏家之一，愛收藏藝術品、古董、珠寶及紅酒。他早於70年已活躍藝術買賣，日前受訪時透露當年導他成迷竟是一名髮型師：「佢以前喺大陸，未落嚟香港前係讀藝術品，見到我買好多架跑車。我試過使錢好癲，一個禮拜買五架法拉利。髮型師同我講，佢覺得好嘥，跑車會折舊，又要買保險，又要維修，叫我不如收藏藝術品、古董。」
■大劉的辦公室內擺放反映其人生哲理的對聯。
■大劉06年以1.35億元買入Andy Warhol名作《毛澤東》，震撼拍賣場。
反映人生哲理
歷年來，大劉已斥資超過200億買珠寶、名畫等心頭好，專攻拍賣會重點精品，不過當初亦經歷過被騙和托高價。收藏品中，有一些因切合他的人生哲理而購入，如在他華置的辦公室中，擺了一對「是非只在時勢，公道不在人心」的對聯，大劉表示：「根本冇公道，你勢強，人哋話你啱；你勢弱，明明你啱嘅，就話你唔啱！」
「好似相逢恨晚」
另一幅掛在牆壁、出自已故美國畫家Jean-Michel Basquiat、題為《Everything must go》的畫作更是大劉口中的「一生中至愛」，因與他第一間上市公司愛美高的英文名Evergo類同，大劉說：「廿幾年前，當時畫家未成名未死，買嗰時因為呢句說話『Everything must go』，純粹咁橋好似我叫人畫咁。最鍾意唔係佢價值，係佢嘅意義，嗰時見到佢好似相逢恨晚咁，好似見到個靚女，唔搵佢做女朋友唔得。買嗰時25萬美金，?家我諗5,000萬美金。」另外，大劉的紅酒收藏量驚人，但他不視作投資，並透露年輕時因愛開派對而狂買，至少花費10億以上。如果未飲用，估計已值60、70億。採訪：陳月媚攝影：陳俊強
【Timeline】手機用戶請按此，瀏覽「傳奇狙擊手劉鑾雄」:
http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」:
http://bit.ly/JosephLau
來源:
http://hk.apple.nextmedia.com/entertainment/art/20170409/19984295
【add】紅人主場：郭富城 無限挑戰
1 :
GS(14)@2016-11-17 11:30:43■Aaron出演真人騷不介意真面目上陣。
五十而知天命，上月底剛慶祝51歲生日的郭富城(Aaron)，順應的就是不斷挑戰自我的境界。月前完成十五場演唱會大玩高難度表演，接住去參加Formula E賽車，忙完演唱會與拍電影後，又騰出空檔破天荒作新嘗試出演真人騷，生日願望聽落大路卻其實百分百恰如其分：「有好多地方仲要去突破！」郭富城檔期緊密，今次好不容易趁他在東京出席Tod's時尚活動前的一個小時，極速拍攝加訪問，如常地影得快靚正。Aaron做事一絲不苟，蹺腳會令褲腳吊起，露到腳會說這樣不好看；坐下拍攝好像有點單調，他會說不如拿本書擺些甫士看看，小事尚且一板一眼，事業上的籌劃更是要看長遠。「目標唔係生日先去定，唔係今年做完就算，好多嘢係要計劃呢五年做乜，同時做演員同歌手，要諗點樣去長遠啲。好想去接唔同類型角色去試，我覺得仲有好多地方去突破，每一日都去學習、去生活，喺唔同時間去呈現角色都會有變化，好想去搵另一個自己。」
■Aaron自言很低調，並非想炫耀愛車。
Tod's棕色外套、皮鞋
尋夢真人騷
舞台上的王者、銀幕上入戲的Aaron都是觀眾粉絲多年來看到的他，但貼近現實一面的他，我們卻很少機會見到，最近Aaron就迎來新挑戰，接演內地真人騷《我們17歲》，「其實之前都推咗好多，對上一次做內地綜藝就係為《中國好舞蹈》做評判，係成就參賽舞者嘅夢想，但係今次就係整個節目成就我嘅夢想。除咗自己仲有五個男生，想去邊度旅行，大家一齊出發，喺過程尋找未完成嘅夢想。」據聞Aaron還會真面目上陣，他都做好心理準備，「最有趣就係好似documentary咁拍低我點生活，我唔介意真面目，好想透過拍攝去睇返自己。同埋有機會去識到新朋友，好似其中有孫楊同一位喜劇老師范明，大家都係唔同年紀背景。好似孫楊咁，佢喺游泳比賽嘅舞台上，係點面對嘅呢，對我嚟講去觀察去感受，都可以令我喺演戲上演繹得更複雜。」
■Aaron今年6月買入法拉利落場版Ferrari FXXK，他稱之為夢想號。
愛車好低調
Aaron愛好挑戰自我，看他熱衷參加賽車便知一二，「賽車係好個人嘅，你點去控制，點去同架車溝通，要留意自己有冇做錯乜嘢，係咪專注，係幾有趣。賽車可以拋開繁忙嘅工作、壓力。」Aaron愛賽車，更愛買靚車，他的收藏據估計價值過億，他卻表明看重的不是銀碼，「收藏車係我本身一個興趣，等於有女士鍾意收藏首飾，有男士收藏畫、藝術
Aaron每次駕辣跑同好友沈嘉偉、張智霖等出動都會引起哄動，不過他就強調自己好低調，「如果有機會嘅話，我都希望有一日可以將收藏同大家分享，不過正正我係一個好低調嘅人，只不過身邊有好多人談論，有時我會respect對方，同人哋去分享，而唔係自己想去炫耀，先去做呢件事。」
下一步導演
影帝級的郭富城近年屢試不同角色，最近在《天亮之前》就演一名賭徒，勇於嘗試的他又會否考慮執導演筒？「好多嘢都講timing，都會想去試，呢十幾年都不斷去累積經驗，都成日觀察留意，又會成日問導演同監製好多問題。不過都要遇到好劇本同時機，我好貪心好想電影係包羅萬有，一條橋之外點樣去包裝，成為有劇力嘅電影，如果我要拍，係唔會畀機會觀眾有廁所位。」
■今年4月在香港電影金像獎上憑《踏血尋梅》摘最佳男主角。
■最近在香港上映的《天亮之前》中演一名賭徒。
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20161117/19835945
認被朋友出賣成宮寬貴涉毒 宣佈引退
1 :
GS(14)@2016-12-10 13:30:11■成宮寬貴被《FRIDAY》連續兩期爆有毒癮，影響其大好事業。
■成宮被公開的疑似吸毒照，枱上有白色粉末。
現年34歲日本男星成宮寬貴傳來吸毒消息，備受困擾的他昨日下午透過Top Coat事務所宣佈退出藝能界，內容表示引退原因是自己造成，只怪被信任的朋友出賣，又被他人設計墮入陷阱，成宮寬貴雖在親筆文中未有提及到「毒品」字眼，但言語間卻指有關報道失實，他又稱難以表達目前心情及感到絕望，透露想盡快從藝能界消失，消息一出即令網民及圈中人震驚。17歲入行的成宮寬貴至今演過逾百部日劇及電影，02年夥拍仲間由紀惠、松本潤的人氣劇《我Miss係大佬》帶旺事業，可是上星期推出的日本雜誌《FRIDAY》，驚爆他染上毒癮。一位自稱是成宮朋友的爆料者向記者提供11月9日凌晨之偷拍照，當時成宮招待兩位朋友到家中作客，照片中見到成宮在枱上有所動作，枱上一包白色粉末被指是可卡因，內容指屋內還有其他毒品用來招呼朋友。報道出街後，成宮與Top Coat方面直斥報道內容失實，揚言會採取法律行動。日前成宮為證清白，曾驗尿進行藥物測試，事務所指本周三已得出結果呈陰性，怎料昨日推出新一期《FRIDAY》表示仍有足夠證據在手，當中包括成宮談到吸毒術語的最新聲帶，爆料人大特寫拍下屋內的一包白色粉末，指成宮用24K匙羹來享用毒品，更熟練地捲起一千日圓紙幣吸毒。
■成宮寬貴憑02年日劇《我Miss係大佬》走紅演藝界。
代言廣告即抽起
成宮捲入吸毒風波後，日前已有消息指朝日電視台新劇《就活家族》，已決定將他飛起。昨日下午，Top Coat再發聲明表示成宮已接受調查及驗毒，但仍難以客觀地否定吸毒指控，公司對成宮堅持引退感到可惜。另一方面，成宮代言的牙膏產品廣告，昨午亦已被抽起。撰文：哥羅
來源:
http://hk.apple.nextmedia.com/entertainment/art/20161210/19860461
朱孝天認領證娶韓雯雯
1 :
GS(14)@2016-03-17 14:52:50■朱孝天稱將分別在兩岸舉行婚宴。台灣《蘋果日報》
台灣男星朱孝天去年6月被爆與內地女星韓雯雯拍拖，昨日有傳二人已在中國瀋陽領證結婚；與此同時，台灣《蘋果》則接獲讀者爆相爆料，影到朱孝天和韓雯雯拍拖遊泰國預支蜜月。昨日泰國時間中午12時許、即香港時間昨早11時，穿便服的朱孝天和韓雯雯現身曼谷機場，當時二人正準備過海關，一臉疲態的朱孝天，更獲韓雯雯按摩肩膊。
■朱孝天昨日被台灣粉絲發現與女友韓雯雯現身泰國。
稍後朱孝天透過經理人解釋：「只是提交領證申請，今年內會選一個好日子正式領證。」他表示將在兩岸舉行婚宴，他更瘦身10公斤，做個靚仔新郎。朱孝天指韓雯雯冇懷孕，由於兩岸聯姻十分複雜，他沒想到剛剛提交證件，就被偷拍爆料，他的舊F4隊友都分別送上祝福。朱孝天曾與楊謹華、李冰冰、林熙蕾、吳亞馨等傳緋聞，情史豐富。撰文：陳以晴
來源:
http://hk.apple.nextmedia.com/entertainment/art/20160317/19532420
Next Page