| ||||||
| 如 果閣下同時係中電信（728）同聯通（762）兩隻中資電訊股嘅小股東，相信噚日會幾難忘。兩間公司同日搞股東會，上晝11點中電信嗰壇個個高高興興，有 點心食之餘，仲每人拎走兩隻應節糉；下晝3點聯通股東會呢，不但冇嘢打包拎走，仲要唔夠點心食，搞到有股東投訴兼狂鬧記者，「好鬼㷫」收場！點解要鬧記 者？ 事緣有行家諗住影吓佢哋企喺枱邊呆等，好耐都未有第二輪點心嘅場面，點知就俾啲小股東鬧：「有嘢食你仲影，你有冇道德o架？」跟住啲說話仲難聽：「你 纜番個狗牌先好影」、「成班都係揸筆爛仔」、「全部都係乞兒」。咁小股東冇嘢食點解會同記者道德掛鈎？影一張現場花絮相又點會淪為乞兒呢？真係唔知！華華 敢講一句，逢親股東會小股東有乜唔likey間公司（最常見係唔夠蝦蛟燒賣），正常都係叫記者幫佢哋出頭影低佢。至於聯通呢一小撮咁另類嘅小股東，恕華華 見識少，真係前所未見。 | ||||||