📖 ZKIZ Archives

股海求生之道 實事求是 不頑固偏執 黃國英 (Alex Wong)

http://hk.myblog.yahoo.com/alexwongkwokying/article?mid=13491

「所求不智，萬苦之源。小心死心眼」－李天命先生。

股海如苦海，同樣無邊，唯「真實」二字，方為解脫之道 – 意謂實事求是，不頑固偏執。接受事實痛苦，確是進步的必經之路，但只有接受現實，才能斷事客觀、明透。

傳奇的投資者，絕對不會死心眼。索羅斯: 「我的優越之處，在於承認自己錯誤…這是我成功的秘密」(Where I do think I excel is in recognizing my mistakes..that is the secret to my success)。股神拍檔芒格:「發現問題要快，然後行動」 (Quickly identify mistakes and take action)。凡人總為傳奇，披上神的聖衣，永遠算無遺策。傳奇樂向凡人展示，只有神才永不犯錯，他們只是善於找出 -> 承認 -> 消除錯誤而矣。

 

成功的企業家，亦是殊途同歸，不頑固偏執，反善於多角度分析事情。同事近來在看，英國富豪占士堅(James Caan)的傳記The Real Deal: My Story from Brick Lane to Dragons’ Den，裏面一段，是為一例。占士阿爸，原籍巴基斯坦，1940年代為避戰亂，ABC都唔識，赤手空拳從流落英國打工。多年打拼，營商竟成小康，育有多兒，游刃有餘。占士天資聰敏，但反叛不欲繼承父業，中五會考前，寧願離家出走，闖蕩江湖。打滾多年，在獵頭界漸露頭角，決定自行創業。話說1986年時，英國經濟暢旺，各公司搶住請人，獵頭公司能醫不自醫，也因缺人，叫苦連天。占士人如其性，堅過石堅，奪將招兵，毫無窒礙，心生一計，想向其他獵頭公司推薦人材。占士行軍，其疾如風，立跟同事相量，組織攻勢。同事聽完此計，眼珠也差點跌出來，「咁即係行入麥當勞同個店長講，我有漢堡包想賣俾你!大佬呀，你真係怪人，獵頭界靠hunt人搵食，點可能反過0黎磅水俾你!」占士自信爆棚，立時反駁「但係我哋勁好多喔。」同事聽罷，差點吐血:「請你推薦D人，即係自己認衰仔。無可能啦，算吧啦!

占士身負富豪之魂，不破樓蘭誓不還: You know what? I’ll do it myself。拿起電話就cold call，當然就給罵到狗血淋頭，「係咪玩嘢呀!」苦戰六周無果，銳氣稍挫，但見慣大浪，事實擺在眼前，非如想像般容易。本可丁蟹上身，大罵而去，「D人唔識嘢啫，我先識嘢。」但占士實事求是，知道問題出自己身:「我的推銷手法有錯(I realized that I must have the wrong pitch) - 錯在傷人自尊」。心念一轉，嘗試代入對方的想法，假設某日，有人忽然sell自己同一服務，甚麼的內容才能打動自己，而不會抗拒。忽然靈台清明，答案浮現，立時拿起聽筒。

「聽住，好快講完，我有一件熟手嘅，三年經驗，一年開到十五萬英鎊嘅單，可以幫貴公司搵到五萬鎊盈利，推薦費六千，有無興趣？」六千博五萬，對方雙眼發光，問題迎刃而解。自此公司多了一門B2B生意，擴充加速，不在話下　－全賴不執於一己之偏見。

記曰：小器，難成大器。死心眼，死硬。近來宏利(945)暴挫不歇，又見升又讚，跌又讚的粉絲，看錯Ｎ次後，本著「今年的盈利，即是今年的盈利；今年的撥備，終是將來的盈利　－　點都賺０架啦，乜駛驚！」的精神，舊票剛彈，又開遠期(空頭？)支票。幾年來，股價三百幾跌到九十幾，也從無懷疑自己看錯。這可能已經超越了死心眼，到達了終極形態的瞎心眼了。

【洋蔥慎入】山地興《頑固》MV撼梁家輝14年只求不被淘汰

1 : GS(14)@2016-09-11 05:50:29

我身在，當時你，幻想的未來裏。你，當年幻想的自己，可是今天的模樣？



有一種頑固，叫陳振興。你，曾經有乜嘢夢想？生活迫人，太多嘢令我哋放低咗自己嘅夢。但其實，個夢未死，仲喺裏面。香港唯一一位嘅全職山地單車車手陳振興，就用咗14年時間，堅持佢嘅夢想。上個月完嘅里約奧運，阿興喺山地賽獲得第32名，冇獎牌。好多人都好睇小呢個名次，但其實喺奧運要「有名次」，本身已經得來不易。賽制、亞洲人同歐美人嘅體格分別，都令阿興未出車先輸一半。明知輸都去踩，為乜？香港單車隊沈金康教練就咁樣形容︰「這樣一個明明沒有希望的項目裏面，阿興還能夠堅持，只為了『不被淘汰』，整整花了14年。」



人生中，有乜嘢係你永遠不放棄？

孤獨嘅訓練，無人嘅山頭，你捱唔捱到14年？

做山地單車手，隨時踩到蜜蜂飛入口，針頭個嘴孖膶腸咁。

何謂「不被淘汰」？山地賽，也許同我哋人生一樣咁唔公平，你一出世係前排嘅上流社會，你已經有好大機會繼續留喺上流社會；你一出世係窮人，爬到上去嘅機會亦都唔大，奧運山地車越野賽亦都一樣。就以今年里約奧運山地車越野賽為例，比賽全程7個圈，49個車手參賽按UCI（國際單車聯盟）排名，分成7排起步，排名267位嘅阿興喺第6排出發。比賽中只要俾對手超前一圈、或者未能喺限時內到達checkpoint即被淘汰，阿興喺今次賽事入面，仲一度只差20秒就冇得留低，但係佢點都要衝埋落去，最後得到一個比上屆奧運更強嘅名次——第32名，阿興話：「好多人都會睇個結果，但其實踩單車唔一定要有獎項，唔一定係要有名利，最緊要真係開開心心。」只係為咗「有得留低」同開心享受過程，講就容易，又有幾多人真係做到？但阿興做得到，仲一做就堅持咗14年。希望大家都可以做到《頑固》歌詞中：「每當我遲疑~從不曾忘記~活在我心深處~那頑固的自己~~」呢一句，代表到阿興嘅同時，佢亦被深深撼動。



香港人心裏最頑固嘅係乜？

最後一轉里約奧運，山地興已經由純競賽心態，轉為學會享受比賽。唔好笑，踩車，唔係為咗開心嘅咩？

又斜、又顛簸，唔頑固，點會玩啲咁嘅嘢？

曾經征戰08年北京奧運及12年倫敦奧運，嚟到啱啱過去嘅里約奧運，轉眼間阿興已經係「三朝元老」。由京奧未能完成比賽，直至里奧笑住以第32名衝線，呢14年阿興捱過唔少苦：「咁多年嚟，孤獨都幾陪伴我。成個隊得我一個山地車運動員，每次練習個山都冇人。」除咗孤獨，就只有孤獨。「試過幾次，有啲蜜蜂﹑蚊飛入口，針到我變孖潤腸。」艱苦嘅訓練同埋孤獨，都阻唔到頑固嘅阿興。當人人都將焦點放去獎牌嘅時候，阿興自有佢嘅一套價值觀：「好多選手可能都係衝住獎牌，而我係冇機會攞獎牌，我為完成比賽，完成呢個理想。」講到種種辛酸，阿興保持住佢真摰嘅笑容，或者正如歌詞一樣「如果你~能預知這條路的陷阱~我想你~依然錯得很過癮。」《頑固》呢首歌，其實係叫我哋要對得住自己。



可能係山地興多年以來最型嘅一張相。

五月天《頑固》MV真實版，最有資格挑梁家輝機嘅，係陳振興。

佢，4歲嘅阿興，亦等於原裝《頑固》MV中嘅小太空人。我哋所有嘅夢，都係源於我哋心目中嘅「太空人」。(圖片由被訪者提供)

後記：記得拍攝前一晚落勁大雨，小記已開始擔心可能要取消，因為我哋需要上山及航拍。「越係有嘢唔順利，我就越會俾心機去做、越想做，我就係咁乞人憎！」熱血嘅導演哥哥唔知係想安慰我定鼓勵我，又或者兩樣都唔係，只係純粹X噏，但我聽完對眼真係好似漫畫咁出現咗兩團火。到咗拍攝嗰日，天氣依然冇好轉，繼續落雨，就連阿頭都話「天氣太差就算，唔好夾硬嚟。」不過，我哋冇放棄到，照去。熱血嘅導演哥哥﹑兩位攝影師﹑陳振興連埋我，一行五人冒住停吓又落吓嘅大雨，走上大帽山，打算拍阿興嘅踩車片段，點知上到去又大霧到拍唔到。結果我哋又變陣再去元朗拍攝，終於皇天不負有心人，雨同霧都冇晒，順利roll機。唔知大家係咪都畀陳振興嘅「頑固」所感染，我哋都「頑固」埋一份。落雨就等佢停，大霧就轉地方，經過今次採訪陳振興嘅故事，令我覺得其實每個人心中都有呢份「頑固」，只係我哋將佢放低咗。採訪：植詠珊(Cathy)編審、編導、剪接：Roy拍攝：Teddy、Neo




來源: http://hk.apple.nextmedia.com/entertainment/art/20160911/19767147

---

【洗邋遢】嚴測清潔劑去頑固油迹　煮婦推介真係得？

1 : GS(14)@2017-01-26 18:23:02

今次介紹的廚房清潔劑，除了一般洗廚具用途，還可以用作清廚房。



新年做飯當然開心，但說起洗碗碟就麻煩了！今天找來由煮日式料理，以至洗碗、洗廚房都有20年經驗的料理達人——龍哥，試試現時市面的清潔新產品：「它們分別為，不用洗潔清可洗碗的『納米綿』，只要加水就有砂粉、砂紙效果的『金剛砂』，搪瓷類及細緻廚具清潔專用的『椰子白』，及師奶們公認最強潔力『EXTRA CLEAN』。」



測試方法，是找來一隻特意燒燶的鑊，再分成四等份，然後分別以四種清潔用品，為它進行清潔，最後由龍哥評分：「第一樣是納米綿，使用時完全不用加入任何清潔劑，只要加一點點水就可以進行清潔了，感覺非常神奇；使用時的手感，有點似用擦子膠，一邊去除油污，一邊會擦出一粒粒的黑色油粒。如果問清潔效果，感覺是去除輕量油污還可以，面對頑強污垢，則作用不大，我覺得最多可以用作日常洗碗用途。」第二樣測試樣品是金剛砂，一樣是只需加入水份，就可以有清潔效果：「洗擦的聲音，有如用砂紙磨鑊一樣，而且要非常用力，相信普通家庭主婦，使用上會相當辛苦；但整體清潔效果不俗，但留意點是估計有機會損害廚具表面，一般家庭使用不太合適，相對如果用作清潔燒烤用品，我估可以輕易清除燒燶的蜜糖迹。」第三項測試用品，是潮媽們最愛的椰子白，網上不少人說用來清潔搪瓷廚具光滑的廚具，可不損廚具表面，但又有非常強力的清潔效果：「別看它像髮膏一般的狀態，清潔效果非常顯著！抹上一陣，鑊底的千年油污，真的被清出了一片！論清潔力及幼細度，我感覺都好滿意，而且味道還帶點潤膚膏的清香，同一般廚房清潔類產品好唔同。」最後一項測試清潔用品，是傳統煮婦推薦的EXTRA CLEAN：「好像沒有推薦錯，只是用了一點，已看見明顯的效果，而且潔力明顯比椰子白勝上一籌，不過留意點是使用時最好不要加水，清潔效果會更好，而且一樣有不損壞廚具表面的效果，傳統家庭主婦的智慧，真的不容輕視。」這次清潔測試，當然不會就此完結，話說廚房工作的人，大多喜愛用梳打粉作清潔廚房，所以在測試的終段，我們還以最傳統的方法，以一份梳打粉加一份鹽，在熱水溶解後，將這個燒燶鑊浸上5至10分鐘，看看清潔效果：「效果是有的，不過沒想像中厲害，而且亦及不上椰子白及EXTRA CLEAN的清潔效力。查詢
a. Bidlike（深水埗福華街175號福仁商場1樓17號舖）
b. InHouse（旺角西洋菜街51號友誠商業中心19樓）記者：朱崇德　攝影：鄧鴻欣、潘志恆2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily


納米綿$10四塊/a

納米綿的清潔效果一般，不時會甩出有如擦子膠的顆粒。

金剛砂$10/2塊/a


金剛砂清潔效果不俗，不過清潔位置有如用砂紙磨過一樣。

Palm Oil- White$99/b

Palm Oil- White或稱椰子白，清潔效果非常顯著，用布手套擦上一會，已明顯見到清出一大片油迹。


EXTRA CLEAN$90/a

EXTRA CLEAN感覺更不費力，去除油污能力是4款產品中最高的。

小蘇打$10（一般食品店有售）


小蘇打加鹽的潔力也不錯，不過相對專業的清潔用品，就稍顯遜色。



來源: http://hk.apple.nextmedia.com/su ... t/20170126/19908889

---