ZKIZ Archives


學者:葉劉最受威脅

1 : GS(14)@2016-07-06 07:43:14

【拆局】標榜中間路線的王維基,選擇於中產專業人士較多的港島區出征,勢令由七席減至六席的港島選情更見激烈。泛民與建制中人均指,王反梁理念與泛民一致、同時亦支持基建上馬及政改袋住先,相信兩邊吸票;有學者相信,王維基此次出戰,選情最直接受影響料是葉劉淑儀。



「王屬自由黨光譜」


雖則港島議席減少1席,但入場爭逐的政團有增無派。泛民至少7個團體或個人表態出戰;建制派有民建聯、工聯會及新民黨參選。而現時7席中,建制佔4席,但建制派已預期,新一屆或只能保3席,早前勸鍾樹根排在張國鈞後,就是免建制互相搶票令泛民得利。上屆葉劉僅以約3萬票當選,僅多於尾席工聯會王國興的約2.7萬票,敗選的自由黨劉健儀團隊則有1.7萬多票。若同樣反梁的自由黨支持王維基、而王成功吸引原屬葉劉的票源,或威脅葉劉冧莊之路。中大政治與行政學系副教授馬嶽指,據王維基政綱和政治立場,基本上可將他界定為「自由黨光譜」,「(王)講好多經濟發展、支持三跑、多項大型工程,又支持袋住先,呢個立場同泛民、年輕人嘅主流民意好有距離,但會有港島嘅中年人投佢票」。他相信王最直接威脅票源相近的葉劉,同時亦吸納少部份公民黨、民主黨的支持。另外,立法會前議員詹培忠坦言參選港島機會微,70歲的詹證實早前因中風,曾在深切治療部留醫兩周,暫時行動不便,「如果提名期前(16日)健步如飛,我就去報名:如果唔得,做人都唔好陀衰人,冇理由要人(選民)選個不良於行嘅議員」。但拒透露支持那位參選人。■記者許偉賢、陳雪玲





來源: http://hk.apple.nextmedia.com/news/art/20160705/19681965
PermaLink: https://articles.zkiz.com/?id=302491

朱太﹕欣賞葉劉最全面

1 : GS(14)@2017-03-03 00:43:23

【明報專訊】林鄭月娥成功入閘,成為特首候選人,其中一張提名票嚟自最近榮升成為香港女首富嘅朱太朱李月華。噚日朱太出席活動時少不免都要回應吓呢個問題,佢一開始就一視同仁咁話3名候選人都各有所長又各有所短,其中林太就全面啲;然後忽然話鋒一轉,話其實佢覺得最全面嘅係葉太(葉劉淑儀),但就好可惜葉太入唔到閘。咁小琴就唔明啦,點解朱太唔提名葉劉呢?

對於三名候選人,朱太就認為,林太做咗咁多年政務司長,可能佢對金融方面未必太熟悉,但就成立金融政策小組,所以覺得佢比較全面;又話曾生擔任官職多年,但就比較專注喺金融方面;胡國興雖然好叻,但就略欠全面。

咁朱太係咪會投番畀林太先?佢就笑住話仲有廿幾日先投票,會再參考三名候選人嘅政綱先再作決定咁話喎!

[小琴密語]


來源: http://www.mpfinance.com/fin/dai ... 2753&issue=20170302
PermaLink: https://articles.zkiz.com/?id=327210

Next Page

ZKIZ Archives @ 2019