韓圜滙價跌至兩年低位韓國團淡季也爆滿
1 :
GS(14)@2015-03-13 08:42:55
■韓圜匯價創兩年低位，令韓國化妝品來貨價亦下跌。黎樹雄攝
【本報訊】環球央行連環放水，令美元獨強。反映美元兌一籃子貨幣匯價走勢的美匯指數，昨日升抵一百至十二年新高水平，與美元掛鈎的港元變相升值。韓圜匯價昨創兩年低位，每百港元兌一萬四千六百韓圜。受惠韓圜持續下挫，韓國復活節團團費按年減價2%，全線爆滿，復活節過後淡季團亦爆滿；而近年受追捧的韓國水果，過去半年累積減幅達兩成，若韓圜持續下跌，夏季當造巨峰提子等或再減價一成。 繼日圓兌港元創七年新低後，南韓央行昨日意外跟隨其他央行減息四分一厘，至一點七五厘的歷史低位，韓圜應聲下跌，兌每美元曾見一千一百三十六韓圜，跌0.36%，兌每百港元曾見一萬四千六百韓圜。港人遊韓更抵玩，旅遊業議會昨公佈下月四日至六日出發的復活節團費，總幹事董耀中指，因日圓及韓圜持續下跌，復活節團最熱賣是日本、韓國團，迄今復活節正日出發已全線爆滿，「插針都插唔入」。
日本五天團費加11%
日本則因航機緊張，當地酒店房價又被搶高，日本本州五天團的加幅11%至八千四百九十九元；韓國五天團團費錄則得減幅2%售四千一百九十九元，「日圓同韓圜都係跌，但今年多咗好多航空公司飛韓國，機位多咗，團費平咗，比日本抵玩」。康泰旅行社企業傳訊經理方慧儀表示，復活節團以韓國最熱賣，其次是日本，下月一日至七日出發韓國團不但全線爆滿，更爆至復活節過後的旅遊淡季，「復活節爆唔在講，客人更早到三月初已報名復活過後嘅淡季團，韓圜跌，機位又多啲，團費比去年平好多」。方續稱，復活節後最快出發、仍有位的韓國首爾賞花團，資料顯示四月十一日成團出發，團費二千八百元，去年同日出發團費三千三百元，便宜了五百元，減幅一成五。
■受惠於韓圜持續下挫，大批市民報團赴韓。陳奕釗攝
水果價格料減兩成
韓圜持續下跌，近年受港人追捧的韓國水果過去半年累積減幅達兩成，永富鮮果專門店董事陳錦輝指出，日本三.一一事件後，港人開始轉購韓國水果，近年日圓及韓圜齊跌，但韓國水果價格維持較日本水果平三成，「韓國蘋果半年前每個賣三十幾蚊，
韓圜跌 貪靚女士掃平貨
1 :
GS(14)@2017-01-11 04:40:59【明報專訊】經歷完11月嘅「黑色星期五」同埋12月嘅聖誕節，小琴個荷包已經遍體鱗傷，諗住今個月可以唞唞，點知韓國間化妝品集團AmorePacific，竟然靜靜雞喺上星期將香港旗下「雪花秀」同「Laneige」超過280種產品減價，減幅由3%到35%不等。咁啫係減幾多？舉個例子，Laneige「水凝潔膚泡沫」就由200蚊勁減去到130蚊，而雪花秀「順行潔顏泡沫」亦都由300蚊減到去230蚊，連好hit嘅雙色唇膏都榜上有名，各位女士係咪好想即刻衝去門店掃貨呢？
不過各位唔使急，今次AmorePacific香港並唔係新春限量減價，要大家喺幾日內迫餐懵搶平貨，而係一次過嘅減價，無期限。
小琴都好疑惑，乜香港零售市道真係咁差，要咁樣減價嚟搶客？非也非也。AmorePacific香港市務總監鄭載歡就話，其實集團不嬲都有檢視香港產品嘅定價，適逢近月韓圜不斷貶值，令兩地嘅產品價格有差距，所以香港就減價去貼近番韓國嘅售價，啫係不用分得咁細，大家都一樣平啦。咦，咁以後去韓國大家咪可以騰空多啲位去囤其他貨囉？
email:
[email protected]
[小琴密語]
來源:
http://www.mpfinance.com/fin/dai ... 4603&issue=20170111