大陸飯碗緊要鍾漢良鬼祟返台灣慰妻
1 :
GS(14)@2016-12-30 02:58:07來自香港嘅「不老男神」鍾漢良，多年前已被爆佢同台灣嘅造型師謝易樺(Rita)結婚，兼生咗一個女，但佢就一直避談，去年鍾漢良喺泰國同李敏鎬拍攝《賞金獵人》時，就有大陸傳媒就影到佢老婆帶住阿女去咗泰國探班兼同佢慶祝生日。昨日大陸傳媒「全明星探」又再影到鍾漢良飛返台灣，陪愛妻同囡囡做冬。近年鍾漢良都長駐大陸拍戲賺人仔養家。冬至當日，鍾漢良見冇通告，即刻低調飛往台灣，翌日清早就見到素顏鍾太同街坊look嘅鍾漢良現身台灣嘅寓所，仲見到謝易樺親自用鎖匙開門出入。之後鍾太將車泊喺門外嘅停車位，繼而再折返入屋，再捧住一大堆衫，仲拉住一個行李篋，原來呢啲行李都係鍾漢良嘅。未幾「全副武裝」嘅鍾漢良終於出現，戴住cap帽、口罩、長褸，唔知佢係怕凍定係驚人認到。鍾漢良一現身即上車離開，直駛至其位於台灣嘅公司，甫落車就一支箭衝入去，由得妻子一個人將行李攞入公司，但之後兩公婆都係一齊走嘅。平安夜當日，鍾漢良就要飛返大陸工作，未能陪伴妻女過聖誕。搵食艱難…
來源:
http://hk.apple.nextmedia.com/entertainment/art/20161229/19880328