| ||||||
| 喺內地電訊業打滾超過45年嘅教父級人馬石萃鳴，噚日宣佈唔做中信1616（1883）主席，改任高級顧問，係佢10年以來第3次辭任高管職位。 今次一別，同5年前離開聯通（762）一樣，例牌俾人追問感受。石萃鳴話自97年以來，先後帶領中移動（941）、聯通，同中信1616嚟香港上市，而最開心又最辛苦嘅往事，就係參與中移動掛牌，話晒係第一間央企，由冇到有。呢個答案絕對係5年不變，頂多係加咗間公司名。 華華發覺，石總今次似乎冇乜離愁別緒，佢話自己行年69，係時候退休。至於接任人，就係步入花甲之年（60歲）嘅原副主席辛悅江。 想當年，石總離開聯通後，即刻獲中信泰富（267）主席榮智健誠邀加盟。對於友人流年不利，石總唔願多講，淨係話有關心過榮董，相信好快冇事。 | ||||||
| ||||||
| 陪 伴中芯國際（981）度過9年寒冬嘅王陽元，噚日辭任董事長兼獨立非執行董事，原因係作為一個資深科學家，佢希望有更多時間專注研究同埋教學。之不過，佢 仍然會掛住中芯榮譽董事長同首席科學顧問兩個銜頭。查實王陽元年屆74歲，退落嚟做自己喜歡嘅事亦好應該，佢喺半導體行業打滾咗超過40年，地位崇高，若 果佢再執教鞭，發掘更加多人才畀中芯，拉 差距，咁樣公司或者可以快啲扭虧為盈，唔使搞到上市以嚟一路坐艇嘅小股東失望嘛！ 上海市政協常委接棒 至於接替董事長一職嘅係獨立非執董江上舟，比王陽元後生12年，o依家係上海市政協常委，唔知會唔會幫中芯手，帶嚟更多關懷同照料呢？ | ||||||