碩士生棄做工程師跟詹sir驗樓
1 :
GS(14)@2017-05-18 01:09:10■陳智康（左）兩年來跟隨詹sir驗收超過2,000個單位。 王子俊攝
【本報訊】驗樓可能是未來很吃香的行業，畢竟粥多僧少。驗樓行頭窄，入得行來搵客難，需時累積口碑。陳智康「康仔」，雖則掛住碩士銜頭，將來可以走進註冊工程師之路，但覺得驗樓吃香，兩年前追隨詹sir，入行驗樓，對月入逾兩萬元感滿意，直言：「想做第二個詹sir!」詹濟南出道十多年，人稱「詹sir」，因開班授徒教驗樓。多年來門生不少，陳智康是四大弟子之一。康仔修畢城市大學建造工程及管理工學士課程後搵工，覺得驗樓可接觸不同樓宇的質素與設計，遇到問題又可掌握改善方法。適逢詹sir招聘，邊學邊做。康仔稱：「詹sir喺呢行係龍頭，比較出名，所以選擇跟佢。而且佢有自己一套獨立標準，不會因為不同發展商而改變。」期間再修讀建築管理理學碩士課程，現已畢業。詹sir覺得：「有啲屈就佢，因為好多揸住呢個學歷，兩、三年後已經可以做註冊工程師或測量師。」工程師不做，走去驗樓，他認為：「驗樓比工程師或測量師較為罕有。（覺得吃香?）係。」入行兩年，朝九晚六，天天驗五、六個單位，兩年來跟詹sir早出晚歸，驗收超過2,000個單位。且他覺得收入不錯，坦言月薪超過兩萬元，比起其他同期畢業同學算好，「最少唔使OT!」他稱：「嚟緊驗樓都會係想行嘅一條路！(你想做第二個阿詹？)係。」職訓局（VTC）現提供「樓宇診斷及檢驗專業證書」以及「樓宇修護管理專業證書」，均於今年7月開學，上課時數均為105小時，約半年完成，學費由1.26萬元至1.27萬元。兩者均納入資歷名冊，資歷級別為4。同屬資歷名冊級別4的學科，例如護理學、飛機維修工程等高級文憑。此外，香港專上教育學院亦有這種文憑，課程100小時，歷時約4個月，學費1.98萬元，考試合格成績及出席率達70%以上可獲證書。
來源:
http://hk.apple.nextmedia.com/financeestate/art/20170517/20023587