| ||||||
| 人 逢喜事精神爽，噚日錦勝集團（794）掛牌，主席莊金洲拉隊到港交所（388）出席上市儀式，滿場飛同來賓及自己友拍照留念，好鬼風騷。之但係見到一班久 候嘅傳媒，莊主席即刻變咗怕醜仔，講咗對股價非常滿意、前景樂觀之後，就滾水淥腳想走人，好彩靚女公關拉佢返來，等華華好交差。路邊社消息話，莊主席唔慣 面對傳媒，前幾日已經惡補咗啲model answer，諗住噚日用，點知臨場忘記台詞。華華只好講句，希望在明天。 主席臨場忘記台詞 上 市儀式唔少得交換紀念品，從事紙製包裝產品生產嘅錦勝，送咗隻貼金紙嘅瓦楞紙牛牛畀港交所，價廉物美兼應節，但若果係預祝港交所晉身金牛股，咁就真係前路 遙遙。錦勝獲兩位策略股東玖龍紙業（2689）嘅張成飛，同理文造紙（2314）李文俊入股，兩位配角都冇到場恭賀，玖紙只派咗執董張元福做代表，李文俊 就搵細佬李文斌代兄現身。 | ||||||
| ||||||
| 創維數碼（751）噚日逆市上漲12.9%，除咗有五月份電視機銷售數據撐起股價，兼聽日審議截至今年3月底止全年業績外，不得不提另一「誘因」，就係坐監4年幾嘅集團創辦人兼大股東黃宏生提前出獄。 公司發通告講近況 創 維噚晚特登刊發通告，話從非正式渠道得悉，黃宏生已經喺上個禮拜六返到自己屋企，但係集團唔清楚詳情，亦未得到任何正式通知。另外創維揀正噚日午飯時間披 露五月份數據，電視機總銷量繼續受海外業務拖累，按年跌30%至46.5萬部，內地銷情越賣越好，平面電視銷量激增2.8倍，賣咗31.3萬部，保持倍數 增速，市佔率長居三甲之內，唔知係咪趁勢為黃宏生冲走衰氣呢？路邊社消息話，好多報道謠傳黃宏生幾時放監，為正視聽，決定披露佢嘅近況。出年係創維上市 10周年，適逢中央為振興經濟，推出「家電下鄉」同埋「以舊換新」等政策刺激內需，唔知黃宏生喺獄中有冇靜思良策，帶領創維步向下一個10年呢？李華華 [email protected] | ||||||
|
||||||
|
個市去到o依家 呢啲水位，唔知係咪已經炒到冇嘢好炒。平日冇咩郁動嘅現代美容（919）噚日都無端端勁升43%。咁啱公司同日宣佈拎到一個意大利美容產品品牌Jean Klebert嘅代理返嚟，4月先重出江湖做番主席嘅曾裕首次公開現身，華華梗係即刻問佢做咩股價係咁升啦！ 點知曾裕好鬼風趣咁話，股價反 應咁好可能係賀佢出山，兼且佢呢期搞緊抗衰老，專程染個紅色頭髮等自己睇落後生啲，所以人靚咗，搞到業績都靚咁話喎！現代美容早排先發咗盈喜，唔怪得曾主 席咁風騷啦！至於個新代理品牌Jean Klebert，曾裕話未來一年計劃開10間舖，主要喺香港，慢慢再喺其他東南亞地區發展。 李華華 |
||||||
|
||||||
|
喺內地經營大潤發大賣場嘅高鑫（6808），噚日首日招股，聽講國際配售部份已經夠飛兼超額。至於公開認購，就有超過兩億銀孖展認購。不過，唔知係咪見高鑫招股熱爆，所以「有心人」幫佢贈興。華華噚日收到料，話高鑫旗下主打嘅大潤發，喺上海間分店有炸彈。 有位「騰訊微博」師兄同華華講，「噚日晏晝兩點幾，上海嘉定區新郁路大潤發發生爆炸，具體傷亡唔知。聽聞係寄存箱內有小型爆炸裝置發生爆炸。係咪同IPO有關，咁就唔知喇」。 發言人：冇人傷亡 華 華心諗，咁大單嘢，電視新聞冇理由唔講。點知位師兄圖文並茂，有相為證。華華睇啲相，現場都唔算混亂，但就真係有公安拉晒封鎖線，全套裝備咁，單睇相真係 畀佢嚇一跳。於是即刻搵高鑫相關人士問問，發言人話，係發現有「可疑物品」，已經處理咗，冇人傷亡，就連財物損失都冇。至於，有冇發生爆炸，發言人就冇講 喇。 雖然整件事撲朔迷離，但若然事件冇造成傷亡，兼且高鑫上市後，股價可以炸到一飛冲天，對認購咗嘅股民嚟講，都不失為好事！ 李華華 |
||||||