ZKIZ Archives


中環在線:廁紙被質疑含菌福和:又唔係吞落肚 李華華

2010-7-13  AD





 

自己嘅產品俾人 投訴,死撐就梗o架喇。而啲廁紙俾人投訴咗幾次含菌量超標嘅福和(923),佢哋班管理層,簡直可以同空肚食早餐嘅金句天王爭一日之長短!

有 「再造紙大王」美譽嘅福和主席梁契權話「廢紙始終係廢紙,唔係木槳紙,你又唔係用嚟吞落肚,咁每一樣產品都有佢嘅壽命,你存放得耐,撿出嚟嘅含菌量肯定就 高喇!」高管亦力撐,其中一個連卡片都唔肯畀記者嘅高層話:「個別案例唔好小題大做,打低咗福和,都搵唔到其他競爭對手嚟代替,對市場唔係一件好事,福和 喺回收高級紙方面嘅地位,係冇人可以有得爭!」

更重要係「福和樹大招風,媒體報紙一定會收到好多投訴,話福和啲產品含菌量超標,但好多都係 同行競爭引發嘅……出錯一定有,但總體唔會有好多傷害!」

綜合兩位嘅講法,呢單即係俾行家屈或者毀謗喇!係咪應該搵律師搞搞佢呢?By the way,廁紙有好多用途,而細菌亦唔係一定經個口而入到身體,呢啲其實係好普通嘅衞生常識嚟噃!



PermaLink: https://articles.zkiz.com/?id=16701

冇廁紙的gimcrack

【短片:Emily Online】伙林作拍片大玩「冇廁紙」 胡官:實情有無人信你架? (20:00)

特首參選人林鄭月娥的「原來便利店是沒有廁紙賣」經歷成了選戰熱門花邊話題,大律師林作在fb貼出和另一參選人胡國興的一唱一和對答片段,林作手拿一籃類似餐廳用的紙巾,說:「攞返去當廁紙,用晒吖麻,無廁紙」,胡國興就說:「你要小心啲喎,咁樣無乜人信架咋」。

短片一開始,胡國興對拿着一籃紙巾的林作說:「你都係姓林架喎,你攞住呢啲(紙巾)做咩?」林作說要拿回去當廁紙,因為家中無廁紙,又急需要用。胡官質疑那些紙巾是用餐時使用的,又說:「你噚日實情係唔係喺屋企架?有無人信你架?」林作說,知道自己「冇乜透明度,又唔太令人信任,但冇畀人捉到就算啦,放過我一次啦」。

林作亦在片段中留言指「我愛胡官」,並標籤了「演技比我好」。
(23/1/2017明報即時新聞)

不只一個人問我, 你同胡官有仇咩, 成日批評佢? 我豈敢又那有資格跟大官有仇, 上面這篇報導, 正好用來闡釋一下批評他的因由。

法律普及化的今天, 法官不再高高在上, 就算高級的司法人員亦然。不過, 法官在社會裏之所以地位尊崇, 是跟他們的工作性質及背後代表的制度有必然關係。市民對法官的形像、儀容、言談舉止也有一定的期望。爛仔、無賴、小學雞的立法會議員, 大家見怪不怪, 如果是法官, 相信沒有人會接納這種表現的。

用冇廁紙事件來抽水, 我想知胡官在sell甚麼? Gimmick? 扮梁醒波? 爭取年輕一輩的認受和支持? 大佬, 選特首喎, 唔係選idol, 唔係玩pantomine喎。這gimmick根本是gimcrack。為乜搞個爛gag出來?

我不否認對法官搞政治存有偏見, 既然是偏見就未必有令人信服的理由。要講理由, 我就一定講到幾個。法官參選特首, 連陪跑也稱不上, 配角也不是, 那種層次就像為疑犯安排認人手續裏的戲子。商界不要你, 建制派不要你, 共產黨不要你, 連法律界都不要你。(Alan Leong上星期不是說爛橙之中他寧願揀曾俊華, 是否表示胡官不單只不是好橙, 而且是爛橙也不如, 否則使乜揀爛橙?) 胡官最近講《基本法》相關的課題, 應該正經的卻表述得一蹋糊塗, 不正經嚴肅的就十分投入。心水清的市民可能會疑惑, 乜啲咁高級嘅法官, 都係好似維園阿伯西裝版咋, 會唔會有點丟法官架呢?
PermaLink: https://articles.zkiz.com/?id=233504

內地人上水掃日用品 洗頭水廁紙平深圳三成

1 : GS(14)@2010-11-15 22:11:11

http://hk.apple.nextmedia.com/te ... 104&art_id=14662682
名牌手袋、化妝品和名錶一直被稱為內地客來港搶購的「老三件」,但近日內地客來港掃貨,已由貴價的老三件走向日常生活必需品,這全因內地物價飆升,加上人民幣升值,令香港不少日用品售價比內地便宜一大截,吸引大批珠三角居民每日像蝗蟲般從深圳湧來香港,其中上水更變身內地人購物天堂,非常熱鬧。

距離港鐵站只有五分鐘步程的上水龍琛路龍豐花園,附近有五、六間大型藥房,門口都堆起一棟棟的廁紙、洗頭水及各種護膚品,小小藥房便請了四、五名員工專門負責拆箱搬貨,連在門口執紙皮的阿嬸都忙個不停,店內則擠滿來掃貨的內地客排隊等待付款。


據藥房職員表示,早期藥油最受歡迎,其次是奶粉和紙尿片,現在連洗頭水、護膚品、消毒藥水和廁紙都成了搶手貨。「以前 100蚊港紙兌 107蚊人民幣,香港人就排隊過關返深圳吃喝玩樂;家人民幣 85蚊兌 100蚊港紙,即係買乜都打八五折」。該名職員說:「淨係滙水差價都賺咗先啦。」
記者將上水藥房的日用品價格,與深圳人人樂超級市場的貨品對比,發現兩者部份貨品的價錢竟相差一大截,例如沙宣護髮素深圳售 75.9人民幣( 89.2港元),上水藥房賣 59港元,香港平三分一;一排五支裝的益力多,深圳賣 8.8人民幣( 10.3港元),上水只賣 8元,相差 2.3元。其他如洗面奶或奶粉的價錢也可相差達三成之多(見表)。
據一些內地客表示,香港生果品種多且新鮮,價錢比內地便宜,特別是蘋果和提子比內地平六成以上,可惜生果被海關發現會沒收,因此只能偷偷帶小量。
上水一個大型商場的客戶服務部職員稱,內地人買高檔貨多會出市區,但日用品則在上水買,可免長途攜帶勞累;商場遂推出購物滿 400元送上水至皇崗口岸車票優惠,雖然只值 14.5元,但內地客心理上仍覺有着數,所以吸引不少客人在商場消費。
水貨客活躍絡繹不絕

內地通脹勁升,也養肥了水貨客。被形容為水客賓虛的港鐵上水站對開的彩園路,現時場面更墟冚,各路水客圍在一起拆包裝及分貨的檔位有數十個;水貨仍以奶粉為主流,其次是紙尿片、手機、紅酒,連高級凍肉也有。
由於水客太多,水客拉車仔排隊入港鐵站的場面鮮有間斷;一名水客透露,拖車仔的水客多是家庭主婦,帶日用品走一轉可賺 50元;男人則多帶電子產品或風險稍高的手機等,收入視乎數量而定,一般走一轉可賺 100元。
2 : GS(14)@2010-11-15 22:11:25

掃貨深圳客大讚平靚正
2010年11月15日

一卷廁紙,深圳賣 3.5元(港幣,下同),香港僅售 2.5元;深圳如今連洗頭水都賣得比香港貴,有深圳人說:「如果樣樣嘢喺深圳買,就吃力多了。」
深圳人李先生和太太、胞妹前日已是本月第二次來港掃日用品,這次主力買護膚品、牙膏及益力多,李先生粗略計算,同樣貨品若在深圳買起碼要多花 200元,他說:「除咗慳錢,最重要係啲貨質量有保證。」
「薯片一次買 10包」

李先生謂兩年前開始專程來港購買日用品,他說:「以前多數買護膚品、藥油;舊年開始連朱古力、餅乾、牙膏牙刷、鬚刨都過嚟買。」李先生續說:「日本出嘅巨浪大切薯片,深圳賣 23.3元,香港只賣 9.9元,相差 13元多,平時唔捨得買,但落香港一次就會買 10包。」
擁有深圳戶籍的成都人小王夫婦,半年前開始到上水掃日用品。小王謂以前是買奶粉給兒子,每次來港花 2,400元掃 12罐,一次可省近 480元;現時人民幣升值,每次掃貨更可慳達 600元,夠一家人一個月的米油鹽開支。
3 : abbychau(1)@2010-11-18 16:47:15

香港物價咁低,工時咁長,好快就爭得過大陸smiley
4 : GS(14)@2010-11-19 11:57:18

3樓提及
香港物價咁低,工時咁長,好快就爭得過大陸smiley


人仔好使...
PermaLink: https://articles.zkiz.com/?id=271589

屎尿廁紙都係武器北韓垃圾彈襲南韓

1 : GS(14)@2016-02-04 17:23:58

為報復南韓恢復巨型揚聲器心戰廣播喊話,北韓由上月起,向南韓投放「垃圾氦氣球」,入面放有大量煙頭和用過的廁紙,相當噁心。南韓自上月初起在邊境恢復心戰廣播,包括播放K-Pop歌曲擾亂北韓軍心,以懲罰北韓進行核試。北韓於是決定進行反報復,向南韓投放氦氣球,氣球放有呼籲停止心戰廣播,甚至誹謗南韓總統朴槿惠的宣傳單張。南韓有軍方消息人士周一透露,北韓的報復行動由上月12日開始,氦氣球進入南韓邊境後便會引爆,宣傳單張散落一地。但近日不少氦氣球都沒有引爆,直接降落地面,壓壞民居水箱和汽車,警方到場檢查,竟發現部份氦氣球放入煙頭和廁紙,一度引起生化武器疑雲,幸好經檢驗後證實虛驚一場。南韓國防部估計,北韓利用氦氣球,已向南韓派發近100萬張宣傳單張。英國《每日郵報》





來源: http://hk.apple.nextmedia.com/international/art/20160204/19478903
PermaLink: https://articles.zkiz.com/?id=295265

鄧兆尊孖女伴買廁紙

1 : GS(14)@2016-02-08 03:00:12

■前晚鄧兆尊抽住兩大條廁紙現身灣仔。








【灣仔】粵劇名伶新馬師曾過咗身都有成19年,但幾個仔女同遺孀洪金梅(祥嫂)依然為咗家產經常互罵,舊年年尾雙方互轟,祥嫂仲爆鄧兆尊有三個女友,除咗車厘子、Carmen,仲有一個係揼骨識返嚟。記者前晚就喺灣仔發現兆尊同一個極可能係祥嫂口中嘅第三個女友喇!前晚約8點幾,兆尊抽住兩大條廁紙同個短髮中年女伴有講有笑,兩人之後經過一個已經收檔嘅報攤,仲夾硬叫老闆娘做埋佢哋生意,不過兆尊同老闆娘明顯好熟絡,全程有講有笑,買完嘢兆尊就同女伴一齊行咗去灣仔菲林明道一座大廈上樓喇!採訪、攝影:徐錦池





來源: http://hk.apple.nextmedia.com/entertainment/art/20160205/19479987
PermaLink: https://articles.zkiz.com/?id=295410

唔用廁紙洗頭水超級環保媽年慳10幾萬

1 : GS(14)@2016-02-15 02:19:37

英國東薩塞克斯郡一名環保媽媽放棄使用廁紙、牙膏及洗頭水,又透過將房出租、自己種菜、在家中安裝太陽能板等,一年下來成功節省1.1萬英鎊(約12.4萬港元)。兩子之母莫里森(Zoe Morrison)為令家人過綠色生活,去年開始停用洗頭水、改用梳打粉刷牙,甚至曾停用廁紙一個月,改用清洗代替。她表示:「我真的喜歡用梳打粉刷牙,雖然用後我要去補牙,但我懷疑是牙醫過份細心。我覺得牙齒更乾淨了。」莫里森續道:「我嘗試一系列的洗頭水代替品,我一個月沒用洗頭水,換來其他人羨慕的秀髮。」她嚴格恪守環保原則,不會讓兩名兒子用洗頭水,而且他們的玩具都是從慈善商店或免費回收途徑得來。莫里森說她節省的金錢之多,令她能夠放棄工作,換來更多時間照顧家庭:「我對環保真的非常熱心,因為那不單對地球好,而且對你的銀包好。」英國《每日鏡報》





來源: http://hk.apple.nextmedia.com/international/art/20160214/19490824
PermaLink: https://articles.zkiz.com/?id=295894

自成一格:廁紙貴過銀紙的國度

1 : GS(14)@2016-05-21 18:23:58

「打劫!咪郁!拎晒你身上嘅廁紙出來!」你以為睇緊cult片?現實情況比cult片來得荒謬。講緊嘅係委內瑞拉,自從油價從100美元回落後,委內瑞拉的超級通脹就更加失控。除了廁紙外,其他日常用品包括食物、藥物、甚至避孕套等入口貨品通通缺貨,排足幾個鐘都有機會空手而回,城內兵荒馬亂,周圍有人搶鹽、搶米甚至搶洗頭水。去年委內瑞拉的經濟收縮已經達到5.7%,通脹飆升至180%,為全球通脹最高的國家。據國際貨幣基金組織(IMF)估計,2016年委內瑞拉的通脹有機會達720%!一年前1美元可以兌換約82玻利瓦爾,今日黑市價1美元換1075玻利瓦爾,加上物價急漲,搞到廁紙仲貴過銀紙。更荒謬在後頭,為了慳電,總統馬杜羅下令公務員一周工作兩天,上周末亦延長了經濟緊急狀態60日,並指責是美國煽動政變。雖然今年油價從低位每桶30美元已反彈至近50美元,但對委內瑞拉而言,要達到財政收支平衡,油價起碼要回升至110美元,認真難過登天。委內瑞拉癱瘓性經濟衰退將整個國家推到崖邊,政變一觸即發,這隻黑天鵝不能不防。越野兔本欄逢周五刊出





來源: http://hk.apple.nextmedia.com/financeestate/art/20160520/19619345
PermaLink: https://articles.zkiz.com/?id=300803

【吾通吾識】雪櫃異味好惡頂?一卷廁紙變救星!

1 : GS(14)@2016-06-21 07:38:52

廚房清潔問題確令人頭痛,原來只要稍動腦筋,就能將問題迎刃而解。每次打開雪櫃,不時會有陣陣異味撲鼻而來。除了坊間建議將半邊檸檬放在雪櫃內吸異味外,其實廁紙也是一個很好的吸味劑。只要將一卷廁紙放入雪櫃,它就能慢慢吸走雪櫃內的異味,每月將廁紙換走。而換走的廁紙無需浪費,它亦可用來抹走枱或地上的污物,絕對能物盡其用。廚房去水渠傳來異味,許多人都會放入漂白水等清潔劑,其實自可將無用的柚子皮、柑皮或橙皮切成小粒,放入湯鍋中加上煮沸。撈出果皮後,趁熱將水倒入去水渠。這方法不單可除去異味,還能清走日積月累的油污。廚房廁所的金屬水龍頭不時有水漬或污穢,用過硬的清潔物洗刷或會造成花痕。其實當煮薯仔時,可將無用的薯仔皮輕擦水龍頭,水龍頭表面即光潔如新,還不留痕跡。廚房砧板長期使用,或會留有菜肉殘渣,隨時成為家居清潔隱患。有一個方法可能徹底清潔砧板。首先在砧板表面灑上一勺鹽,然後用濕海棉擦拭板表面。用水沖洗後,再用1:2的白醋和水混合物噴灑在砧板面,放在通風的地方吹乾就無問題。綜合報道





來源: http://hk.apple.nextmedia.com/international/art/20160621/19663405
PermaLink: https://articles.zkiz.com/?id=302353

特朗普新競選標誌「TP」被嘲代表廁紙

1 : GS(14)@2016-07-17 16:01:32

【總統提名戰】美國共和黨準總統候選人特朗普(Donald Trump)宣佈副手人選是印第安納州州長彭斯(Mike Pence)後,隨即公佈兩人的競選標誌(圖),旋即引起網民嘲笑。新標誌採用類似美國國旗圖案,左方有兩人姓氏的首個字母,當中「T」字插進了「P」字內,網民指意淫與性行為有關,設計師海史密斯也戲稱:「很清楚,特朗普想成為主導一方。」網民亦指TP也是廁紙(Toilet Paper)的英文簡稱。彭斯被黨內批評在反對同志平權中搖擺不定。他當印州州長曾簽署法案,讓商戶可拒絕向同性戀者提供服務,並在全國電視節目中揚言不會修法,但被州內大型企業施壓後屈服,簽署修訂法案,被質疑是否有擺平黨內各派系的能力。美聯社/《華盛頓郵報》/路透社





來源: http://hk.apple.nextmedia.com/international/art/20160717/19698416
PermaLink: https://articles.zkiz.com/?id=304047

操盤手札記:廁紙好賺大行畀讚

1 : GS(14)@2016-09-09 05:05:32

北水勢滔滔!港股通連續6個交易日,日日有近40億至50億元淨流入,舊年4月大時代以來最強。港股現時係資金市,後市難測,因為資金市對基本因素要求唔大,尤其今次由北水帶動,北水點炒A股有辦你睇!外資大戶追捧新興市場,亦惠及港股。恒指連升4日後,昨日稍事回氣,微跌45點或0.2%,收23741。喺大媽、大戶簇擁下,中線料反覆偏好。股王騰訊(700)前日再破頂,市值打入全球十大唔再講,就連中型股、小型股都被帶旺,紛紛破頂,同日就有過百隻股份創52周新高,當中有兩隻係紙業股——晨鳴紙業(1812)和理文造紙(2314),後者實創9年新高,昨更賈其餘勇,即市再破頂!理文係內地包裝紙龍頭之一,上月派中期成績表,雖然收入按年減少3.8%至83.7億元,但純利按年增長27.7%至14.3億元創新高;兼且毛利率按年增加2.6個百分點至23.2%,交到差!拆開嚟睇,包裝紙、木漿收入減少,但衞生紙收入卻增加3.8倍!集團2014年拓展衞生紙業務,舊年4條生產線全面投產,舊年第四季更推出自家品牌「亨奇」。新業務起步,已嘗到甜頭,勢成盈利增長引擎。相對行內龍頭如恒安(1044)、維達(3331),集團擁有成本優勢,皆因原料竹漿、發電、運輸,都係自給自足。阿爺強調去產能、講環保標準,造紙業亦唔例外,出現汰弱留強。理文嘅包裝紙利潤由舊年年底每噸423元升到538元,衞生紙更好賺,每噸達654元。本周初,細摩再出報告讚理文嘅廁紙業務能為集團增值;又指集團係內地第二大牛卡紙生產商,預期行業下季供不應求,因而維持「增持」評級兼上調目標價。截至6月底,集團流動資產佔總資產26%,現金及銀行存款達14.2億元,加上附屬早前取得40億元銀團貸款,水頭充足。睇走勢圖,呈現杯柄形向上突破,昨收6.53元,10天線升穿20天線,出現黃金交叉,料回氣後有力再上。割柑人本欄逢周四刊出




來源: http://hk.apple.nextmedia.com/financeestate/art/20160908/19763639
PermaLink: https://articles.zkiz.com/?id=308145

Next Page

ZKIZ Archives @ 2019