📖 ZKIZ Archives

周日名牌 第三代掌門人梁馨蘭：將紅 A舊情懷浮上面

1 : GS(14)@2011-02-20 11:12:12

http://hk.apple.nextmedia.com/te ... 307&art_id=14992797

六、七十年代，一個紅 A水桶，是成年人的好幫手；一個紅 A書篋，是小朋友的上學玩伴。生產紅 A品牌的星光實業，由梁知行創辦至今已逾 60載，今天第三代掌門人梁馨蘭準備接手，要為香港人的集體回憶添多點聲音，不但存在大家的懷念中，更「要浮上面，延續落去。」
記者：黃碧珊　攝影：程志遠



「跌唔爛、踏唔扁，可以當凳仔坐，落雨都唔怕入水。」相信不少「 80前」都應該聽過這句紅 A書篋廣告句語。星光實業業務拓展總監梁馨蘭說：「前面嗰三句係家姐親身試過，後面嗰句『落雨唔入水』，我諗真係有人試過先至寫。」
與姊成御用測試員


紅 A可說伴着梁馨蘭成長，「凡有新產品，會喺屋企出現先，將紅 A個 showroom搬返屋企，基本上一般家品全部都係。」兒時她跟姊姊是紅 A產品的「御用測試員」，「試過將筲箕做軚盤，扮的士司機玩。」
產品當玩具，公司則是遊樂場，「阿媽為咗要睇住我，放學後要喺公司做功課。」至於梁馨蘭第一份工亦理所當然是家族生意，「阿媽唔鍾意我暑假瞓到黃朝白晏，問我想唔想賺零用錢，喺公司做暑期工，所以我喺呢度留低好多腳毛。」
雖然一心想看看外面的世界，但大學畢業正值沙士，找工不易，梁馨蘭在星光工作一年，但「細個時任性，介意人哋用框架睇我」，所以之後轉職公關及展覽項目經理，「任何事都要自己落手落腳，做展覽要周圍走，喺德國一陣又要飛北京，試過四日無瞓，睇到好多人嘅嘴臉。」終於一天，鳥倦知還，「有一日，阿媽打嚟問，『最近又去邊度？不如返嚟睇吓？』衡量過乜嘢時候喺乜崗位，咁就返咗嚟。」
梁氏家族一向低調，梁馨蘭一些朋友都不知她是「紅 A後人」，直至初中時，家中辦白事，在報章刊登訃聞，老師才知道她的「身份」。對於同輩朋友，「到家都唔會刻意講，問到做緊乜嘢，都係一句『幫屋企手』，即使係好熟嘅朋友，可能識咗十幾二十年先知，好少掛喺口邊。」
母電召返家族生意


身份要保持低調，品牌卻要響噹噹，去年梁馨蘭設計購物網站，大賣巴士廣告，又找代言人，「嘗試做多啲 noise， create more attention on the brand」。
紅 A產品滿載香港人的集體回憶，「制水時，個 brand比較 well known，當時無乜其他塑膠廠，個個都嚟搶水桶，搶到無晒，要全部停工 concentrate造水桶。」逾 60年歷史的品牌，在時代洪流衝擊下，雖未有褪色，但名字卻藏在舊情懷內。梁馨蘭由少不更事，到今天負責家族生意的業務拓展，她已定下目標，「希望將品牌迎合 next generation，唔好只係一個懷念，要浮上面，延續落去。」
紅 A大事表

1949年　成立星光刷廠
1952年　推出紅 A品牌
1957年　成立星光實業
60年代　香港制水，推出 6加侖水桶
60年代　生產仿水晶產品、圓凳等
70年代　推出垃圾桶、鏟、紙籮清潔系列，及書篋
80年代　增加工業及醫療用品
90年代　香港爆發禽流感，政府購買 3萬個雞籠
2010年　成立紅 A購物網
爺爺心思縝密有諗頭

「紅 A」這個名字的由來，梁馨蘭起初也不曉得，但經向父母查詢後，終得知答案，「當時牙刷牌子叫 ACE，保留 ACE嘅『 A』字。 A字排最頭，表示最好，加上紅色好意頭。」原來，紅 A是源自刷子，話說梁馨蘭祖父梁知行在上海開刷子廠，「 40年代尾，爺爺搬咗嚟香港，繼續刷廠生意。」由於 50年代，生活水平不高，一般家庭負擔不起貴價玻璃產品，價錢便宜的塑膠家庭用品深受普羅大眾歡迎，於是一直製造塑膠刷的星光實業，便開拓塑膠用品市場。
放大圖片
圖冊記錄紅 A昔日剪報（右圖）及參加工展會照片（圖）。

圖冊記錄紅 A昔日剪報（右圖）及參加工展會照片（圖）。


梁馨蘭對祖父敬仰之情，訪問期間溢於言表，「爺爺好勁」彷彿成為她的口頭禪。在談及塑膠燈具時，她說：「佩服阿爺嗰時嘅諗法，從圖、設計，到成個 finished product全部自己造仲有技術。」
翻開放於星光實業會議室的多本巨大記錄冊，每一本都編輯整齊，從 50年代開始，按年份將各地廣告及剪報，包括越南、泰國、美加等海外地區報章，有系統地分類，每張均寫上刊登日期及報章名稱，「我唔知邊個整理，但（祖父）有心先會叫人咁做。」
作為本地品牌，紅 A從 50年代開始參加工展會，有關照片亦分類存放在相簿，「每年攤位嘅設計都唔同，見過有兩層、有水池、有 booth layout，從無到有嘅相，唔知佢（祖父）諗緊乜嘢。如果家咁整，唔知要幾多錢。」不過，由於近年工展會性質改變，紅 A並未參與。
最希望擁有書篋


紅 A經典產品繁多，由細玩紅 A玩到大的梁馨蘭說，現在最希望擁有書篋，「書篋係因為十個行入嚟呢間房嘅，十個都會問你有冇（出售），但我好慚愧話我真係冇。讀書時唔興用，所以冇用過，想 keep as collection。」
經典書篋，現時有 3個放在星光實業的會議室，珍而重之鎖於櫃內。除了書篋，她還想擁有折射閃亮的水晶杯、托盤、杯碟等。
有人喜歡趕潮流，有人卻喜愛儲舊物。紅 A在不同年代均有經典產品，如水桶、漏斗形圓凳等。梁馨蘭回歸後，開設了紅 A購物網站，並在網站內設「懷舊特區」出售舊產品，「係『友情客串』，喺呢幢大廈（廠房）執嘢時搵到。」
懷舊產品饗知音

由於大部份模具與機器不能配合，所以未能再生產，賣一件少一件。雖然是名副其實的「限量產品」，但梁馨蘭並沒有特別將價錢標高，大部份只售數十元。
此外，梁馨蘭計劃來一招「舊瓶新酒」，用舊模及機器生產限量版產品，頭炮仿水晶燈，限售 100盞，雖未定價，但相信一般人可以接受，「曾經喺中環見過仿水晶燈標價 3000蚊，但我做嘅目的唔係賺大錢， 100盞可以賺到幾多？」
太子女講求快靚正

讀書時期梁馨蘭在母親零用錢「引誘」下，到星光做暑期工，看着這段歷史的員工蕭榮光說，「之前唔知佢係邊個，只係見有個細路女喺度做，後來先知佢原來係太子女。」
蕭榮光現是星光營業部助理經理，與「太子女」亦師亦友，梁馨蘭笑說「佢嗰陣有『恰』我。」至於怎樣被恰？他倆沒有詳談，但蕭榮光卻突然問：「你（記者）要唔要佢細個時喺工廠啲核突相吖？」
老臣子：兩代都平易近人

現時蕭榮光與「太子女」合作無間，負責接洽生意及處理客戶來電，梁馨蘭笑說，「若街客打嚟嘅電話，要畀蕭生處理，已經好大件事。」曾與梁家第二及第三代共事，蕭榮光說：「兩代都平易近人，經營方式一樣，但手法唔同。」梁馨蘭說，「大家經驗唔同，我會搵個共同點，『快、靚、正』解決。」
不過，「太子女」的身份有時亦會造成工作上的阻礙，「我唔會用自己身份，同人講我係邊個，你要聽我講。不過，試過問意見時，同事個口話『好好好』，但其實明明唔好，都唔講出嚟。大家係同一陣線，要有團隊精神。」

---

娜姐難忘舊情：他改變了世界

1 : GS(14)@2016-04-23 18:37:41

美國搖滾巨星Prince於家中猝死的消息震驚全球，一眾巨星亦感欷歔。麥當娜（Madonna）上載與Prince的舊照，悲痛地表示：「他改變了世界，一個真正有遠見的人，這是重大的損失。」娜姐與Prince於85年曾有段短暫情緣，但娜姐結識辛潘（Sean Penn）後與Prince分手，更因而反目，後來才冰釋前嫌，並於娜姐89年的大碟《Like a Prayer》中合唱《Love Song》。另外，正在巴黎開騷的瑪麗嘉兒（Mariah Carey）與全場歌迷默哀，以歌聲悼念好友。滾石樂隊主音米積加（Mick Jagger）讚揚Prince「才情無限，是個革命性的藝術家」。艾頓莊（Elton John）更讚他是「史上最佳表演者，真正的天才，在音樂的成就遙遙領先其他人」。撰文：泉水





來源: http://hk.apple.nextmedia.com/entertainment/art/20160423/19582930

---

【舊情一覽】吳若希多熟男照顧

1 : GS(14)@2016-07-06 07:58:59

蕭立莊（左）


吳若希的緋聞男友數之不盡，不過與澳門才俊Alex拍拖後，她打算兩年後退出娛圈做少奶奶。



何哲圖

四年前加盟何哲圖的星夢唱片後，有指吳若希取代鍾嘉欣成新寵，榮升星夢一姐。



蕭立莊

2014年傳出一張吳若希與中佬啜爆的慶生相，男方被發現是莊士國際太子莊家彬表哥蕭立莊。



溫家偉

吳母去年3月踩單車炒車昏迷送院，吳若希獲溫家偉貼身陪伴，還幫她照顧細佬，溫家偉直認心痛吳若希。



林棣權（十哥）

去年6月傳吳若希獲十哥贈送跑馬地千萬豪宅及80萬靚車。




郭志燊

吳若希上年11月被發現換了車，由40萬的Benz變成200萬的波子，登記車主是昇運國際有限公司，其公司董事就是郭志燊。





來源: http://hk.apple.nextmedia.com/entertainment/art/20160705/19681169

---

伍允龍剖白嘉欣舊情

1 : GS(14)@2016-09-25 10:28:25

伍允龍日前接受商台《1圈圈星光背後》訪問，剖白14年來在電影圈際遇，因武術與謝霆鋒、安志杰及吳建豪等成為好友的經過，以及對數年前因緋聞被冠以「奀星」的憤慨。至於對感情事從來都三緘其口的他，也承認與鍾嘉欣曾有一段情，他說：「我的確同鍾嘉欣有拍過拖，而家係朋友關係。」對於傳與劉佩玥拍拖，他就否認說：「我同劉佩玥係好朋友，佢係一個很好嘅女仔。」




來源: http://hk.apple.nextmedia.com/entertainment/art/20160925/19780883

---

被追問城城舊情熊黛林苦笑回應

1 : GS(14)@2017-06-16 01:58:49

熊黛林(Lynn)同郭富城呢段7年情告終後，Lynn與郭可頌上年結婚，而郭富城同內地網紅方媛(Moka)拉埋天窗，Moka更懷有「城種」。近日Lynn參與內地真人騷《真星話大冒險》時，被問與郭富城嘅舊情，坦言唔想再同「郭富城」呢個名綁埋一齊，又話分手多年都受困擾，每一次對方有咩事嘅話，件事未見報，自己已第一時間收到電話。而當問到郭富城已婚，Lynn回應：「我也結婚，我結婚半年!」主持人再問郭富城有小孩，Lynn還未有，好似落後一步?佢苦笑：「這個不一樣，你知道嗎，有計劃的結婚，和那個是不一樣的。」似乎直指舊愛係奉子成婚。




來源: http://hk.apple.nextmedia.com/entertainment/art/20170615/20056416

---