📖 ZKIZ Archives

膠登仔畫展

1 : GS(14)@2012-09-25 00:12:49

你去唔去?

http://hk.apple.nextmedia.com/news/art/20120924/18023739

「火腩飯」潮文，Andy看後大有共鳴。陳奕釗攝
講就兇狠　做就齋諗
25歲的Andy叫梁家俊，三年多前在理工大學廣告設計系畢業，現於一間廣告公司當平面設計師，外表如其名一樣平實，「你睇我個款就知係毒男啦，UNIQLO Tee呀，高登毒男係咁著㗎」。
Andy三年前開始上高登，看到「巴打」（男會員專稱）貼出火腩飯潮文，頓時有莫大共鳴，「中曬我啲心聲，我為咗呢篇文仲專登飛去青島旅行，去參觀酒廠同飲新鮮青島啤，好正！今日接受訪問，為咗隆重其事，朝早仲專登食完火腩米先嚟」。但他說，高登友未必全是毒男，「嗰度有好多猛人，例如有人講波斯尼亞內戰時，啲人點樣喺冇水冇電下生活一年，學到好多嘢㗎」。
學到嘢，包括潮語及毒男的生活態度，即是在鍵盤上講就兇狠，做就齋諗，「之前見到高登將個『了』字改做『鳥』，例如『叔叔不行鳥』，我諗不如畫『鳥』系列畫，但未夠快又太輕口味，有個巴打快手整啲重口味嘅神獸卡，人哋就爆紅，證實我啲輕口味構思唔work，又太慢，揼心！」
Andy畫風粗中帶幼，男主角跟日本漫畫《行運超人》未變身前的「黑仔」相似，那是史上最倒霉的學生，「佢同我係有幾分似，一樣冇運行」。每個高登毒男心中都有一個女神，感情一直空白的Andy說：「都試過追女仔，但未得囉，女神係有……詳情唔講得㗎，總之我愛闊面嘅女仔，唔鍾意啲V煞面。」
「膊頭濕曬就最man」
情感的禁區觸碰不得，等愛的Andy只好憑畫寄意，他的參展作品是在陽光普照下，男主角為闊面少女撐傘，卻夾硬加樽水製造下雨效果，男的膊頭盡濕，「90年代嘅電視劇，見到男人為女人擔遮，膊頭濕曬就最man。其實好多時男人會做啲好麻甩嘅事，冇乜目的，只係希望個女仔靜靜?睇住男人發展就夠啦」。
毒男貌似享受，其實個個都想脫離毒海，「我都好想㗎，例如多啲參加社交活動，但我又鍾意畫畫、踩單車同幫歌曲填詞，全部係一個人都做得到，所以始終仲係毒。參加今次呢個畫展係想話畀人知男人諗緊乜，試?脫毒」。
畫展有10個男人參加，Andy強調並非毒男畫展，「乜嘢類型男人都有，有啲結咗婚，有啲有女朋友，大家講?男人心聲，英文名叫Women Just Don't Get It，女人睇咗個畫展，多少會明白男人諗緊乜」。
拆解港女不愛火腩飯之謎
高登的「火腩飯」潮文指難以忍受港女把「生勾勾」的魚生放入口，卻不瞭解豆腐火腩飯的深度。記者為此訪問了10多位妙齡港女，除了一位表示偶然會吃，其餘女子都斬釘截鐵說：「我從來都唔食豆腐火腩飯！」感嘆號背後沒有商量餘地，大概就是港女與毒男的鴻溝。
追問下去，有港女拆解了抗拒火腩飯之謎：「唓，火腩咪即係隔夜燒肉囉，靚嗰啲部份趁新鮮賣曬啦，剩低嗰啲梗係肥多瘦少，想咬都咬唔開，皮又韌又唔脆，衰過隔夜油炸鬼。諗起凍咗燒肉啲肥豬油，食落肚會變肥膏，翻煮都係好肥，加埋啲唔新鮮嘅豆腐，撈埋傑撻撻嘅茨汁，真係唔明點解男人鍾意食囉。」

---

2 : mr_dlm(19486)@2012-09-25 09:43:26

"「嗰度有好多猛人，例如有人講波斯尼亞內戰時，啲人點樣喺冇水冇電下生活一年，學到好多嘢㗎」。"

果篇好似唔係高登仔作的, 係轉貼的, 不過真係值得一睇, 睇下戰爭的恐怖, 戰爭時人人好似變晒喪屍咁

[怎樣活下去]波斯尼亞內戰一年生存報告
http://forum1.hkgolden.com/view.aspx?message=3961583

---

3 : SYSTEM(-101)@2012-09-25 16:24:58

ilovemyphone(zid:33278)所發的貼子已被greatsoup(管理組:8) 刪除了。(原因:廣告)

---