| ||||||
泰 國政局立立亂,o依家特區問責高官聞泰色變,不過咁都仲未有嚇怕本港上市公司到當地掘金,最新一單係成立咗40年嘅老牌建築公司俊和發展(711),旗下 泰國合資企業啱啱攞到曼谷鐵路紅線其中一段鐵路嘅建築合約,全長15.26公里,埋單盛惠兩億五美金(約19.5億港銀)。 合和97年撇賬54億 講 起到泰國投資,確係為唔少上市公司帶來永不磨滅嘅傷痕,若果要數到十級創傷,最經典嘅例子,莫過於合和實業(054)97年為曼谷高架鐵路連公路工程撇賬 54億港紙。話說合和喺90年代初,攞咗呢個價值40億美金嘅大project,點知當地政府遲遲都收唔到地,搞到工程延誤,咁啱又撞正亞洲金融風暴,令 泰銖大幅貶值,項目爛尾收場,滿腔熱血嘅合和就壯士斷臂,之後主席胡應湘開始韜光養晦,逐漸退居幕後。講番今次俊和有份參與嘅曼谷紅線項目,係屬於泰國鐵 路擴展計劃嘅一部份,亦係泰國政府大型國家公共建設計劃案嘅5項鐵路工程當中,最大型嘅基建項目。俊和勇者無懼,拉埋泰國一家上市公司齊齊合作,前前後後 為項目合約同埋技術計劃籌備咗兩年,仲搵埋日本銀行呢條水喉射住,預計工程明年初開始,估計工期長達36個月。 新總理上台政局變 俊和本身準備工夫做到十足,之但係泰國噚日啱啱選咗新總理,政局變幻莫測,特區政府亦唔敢「包」,華華只好祝佢出師成功啦! 李華華 |
2009-05-04 AppleDaily
| ||||||
1919 年今日,北京數以千計愛國學生以科學、民主精神拯救中華,賽先生同德先生嘅五四精神長存至今。1999年今日,已經畀番北京管嘅香港,有位李先生同袁先 生,以cyber高科技為口號展開另一場五四運動。李先生嘅盈科數碼動力(當年股票編號1186)落實入股香港電訊(即係今日8號仔),「1186」喺 99年5月4日復牌,狂升23倍,全日低位同高位分別係1.15元同3.25元,創單日波幅紀錄,收市雖然落番1.83元,但「得信佳」變「得信楷」,點 石成金嘅李先生成為香港神話,亦為後來2000年8號仔小股民十載漫長抗爭埋下伏線。 「得信佳」變「得信楷」 經科網股泡沫爆 破、股份五合一、沙士、金融海嘯洗禮,當年「信佢老竇」而唔揀cash、唔揀半現金半股份,投李先生信心一票嘅老電老股民,加埋2000年都係因「信佢老 竇」而上船嘅散戶,為咗反對李先生提出私有化,搵證監會出頭,代佢哋同李先生對簿公堂,上訴庭更峯迴路轉將私有化推翻。2009年今日,完全唔知點解李先 生要私有化嘅上訴庭法官,仲未寫完份判詞,李先生袋咗25億特別股息但仲未知上唔上訴,「財技高手」袁先生到底係咪「真正高手」、仲使唔使俾人查仍係疑 問。小股東留到李先生個人,但留唔到李先生個心,拎完1.3元仲有乜揸拿?8號仔,繼續係李先生撇極都撇唔到嘅「舊愛」。 小股東終曉理智勝感情 2019年今日,大股東可能已經唔係李先生;小股東可能終於理智戰勝感情,放棄同大股東鬥長命;「高手」可能已經隱世;8號仔可能已經完完全全畀番阿爺唔再「仍fall」。十年一覺盈科夢,回頭已是百年身! |
2009-06-04 AppleDaily
| ||||||
列 斯特城(有人稱作李斯特城)位於英國中部偏東地區,距離高雲地利城、諾定咸、伯明翰分別20、30及45分鐘車程,經M1高速公路落倫敦亦只需個半鐘頭, 約97英里。當年列斯特城隊足球隊名不經傳,頻頻被降落乙組,唔同今日可以踢英甲聯賽及英冠聯賽,近年最出名嘅球星係希斯基,最出名嘅特產係Walker 薯片。當年唔係好多香港人知道有呢撻地方,每次介紹自己所在都會反覆用幾個較具知名度球隊嘅地方去定坐標,大學在全國大學中排名38,雖非一流大學,甚至 刻薄成性者會認定係二流,講嘅人又通常唔係出自牛津、劍橋、帝國甚至LSE等英國名牌大學,怕且更加多人連二流大學亦苦無機會進入,證明好多香港人患咗眼 紅症又唔去睇醫生。當年揸着一張阿媽死慳死抵加埋自己做咗兩年銀行小職員嘅微薄積蓄,袋住一張足夠畀3年大學學費嘅本票就上咗飛機,落咗機就即刻走入去郵 政局一炮過開咗個定期戶口(National Savings),年息10.8厘,每次攞錢要一個月前通知,反正用來交學費,零用錢靠做餐館外賣店暑期工,後來連平時周末都去捧餐賺番廿鎊零用錢。 歌舞昇平人人向錢看 好 多留學生當年仲唔捨得買嘅電視機,我都用咗65鎊整咗部二手嘅,當年中國北京發生中國人殺中國人事件,就係咁樣從BBC睇到,有人可以唔去正視唔去認錯, 但係唔可以逼人忘記當日畫面上所見慘事,特別係睇到畫面上有學生以身擋坦克嘅一幕。我哋成班香港留學生當年更即時在市內發起遊行集會,通宵寫 Banner,當日遊行人數超過200人,並成功募捐咗3000鎊捐去紅十字會。假如有人要幫當年嘅旁觀者洗腦,甚至要在當年仍未出世嘅新一代面前,刻意 扭曲或隱瞞事件真相,試問呢班人如何能夠通過「良知」嘅審判?如此罪行等同於日本竄改侵華歷史。今天街頭巷尾、茶餘飯後人人只談股票,風花雪月向錢看,滿 腦袋都是股票冧巴,淨係想知恒生指數幾時見、又或者見唔見二萬,時既窮節卻未現,歌舞昇平的背後,也不知是否另一樁全民自願洗腦的裝置。胡孟青 |
| ||||||
銀河娛樂(027)旗下澳門銀河喺剛過咗嘅周日開張,華華唔少老友上周五傍晚已過大海,展開兩日三夜銀河考察之旅。其中一班承建商老友話,諗番08年起呢間酒店嗰陣,相信銀娛主席呂志和、呂耀東兩父子,同佢哋都一樣,百般滋味在心頭! 話 說當年金融海嘯,企業水緊,澳門金沙要叫停路氹項目,銀娛當年亦要延遲澳門銀河(前稱銀河度假村)開業日期。不過,酒店繼續起緊,點都要找數畀班承建商, 於是呂氏父子就同佢哋提出,想用銀娛股票找數,希望大家一齊共度時艱。但係當時銀娛股價得八毫幾,仲成日俾大行唱淡,所以大大小小嘅承建商都唔肯接受呂氏 父子一番美意,寧願叫佢哋分期找數。 股價3年升十幾倍 噚日濠賭股普遍下跌,銀娛都唔例外,跌咗1%,收報13.78蚊。當年班承建商如果收股票嘅話,家陣升值十幾倍。華華老友間公司屬大型承建商,條數講緊幾千萬,如果當年接受呂生美意,家陣條數真襟計。 李華華 |
1973年3月9日,香港天線宣佈此消息,並宣佈天線產品面世,稱這是首創以天線專利權發行股票,始作俑者為九龍交易所創辦人陳普芬先生。詳細可以看看以下新聞。
當時香港天線的股價已由高峰超過30元下降至16元,照現時眼光看來,應是散貨手段。當年原來招股書以中文印行原來是創先河,誰不知現在看來,原來是想騙中國人才想出這把戲。