📖 ZKIZ Archives

面腫泫雅谷胸造勢

1 : GS(14)@2016-02-02 15:58:12

韓國女團4MINUTE事隔一年再出碟，於昨日推出新專輯《ACT.7》，五名成員昨午在首爾江南區論峴洞舉行Showcase，為新碟造勢。


■4MINUTE事隔一年再出碟，新歌大走Hip Hop風格。


由於泫雅於早前公開的新歌《HATE》預告中包到冚，令大家以為她有意封胸，不過泫雅昨日現身時就穿上黑色低胸小背心，大方騷久違的事業線，又配上低腰熱褲露內褲邊，再加上趷籮、自摸、擘腿等舞步，場面非常惹火，繼續其性感女王的作風。而早前泫雅演出節目時由於面腫腫而被懷疑整容後未消腫，但昨日所見其面腫情況未有改善，似乎要重現V下巴仍需一段時間。撰文：梁雯迪





來源: http://hk.apple.nextmedia.com/entertainment/art/20160202/19475310
PermaLink: https://articles.zkiz.com/?id=295081

泫雅V面再現　自然瘦定後期PS？

1 : GS(14)@2016-02-09 03:35:13

行開性感路線嘅韓國女團4MINUTE成員泫雅，早前接受節目訪問時面腫腫，被網民猜疑整完容未消腫。就算上星期為新專輯《ACT.7》舉行Showcase時，面腫情況仍然未有改善。不過喺大前日，網上公佈咗幾張泫雅為品牌Clride.n拍攝嘅廣告照，雖然泫雅嘅S型身材好吸引目光，但相中泫雅完全冇面腫，重現V下巴，唔知後期製作執咗幾耐呢？





來源: http://hk.apple.nextmedia.com/entertainment/art/20160208/19484120
PermaLink: https://articles.zkiz.com/?id=295591

胸太大之過？泫雅逼爆上圍包唔晒

1 : GS(14)@2016-08-20 11:41:50

韓國性感女神「馬舞女」泫雅一向被公認擁有魔鬼身材，有前有後，係唔少男仔嘅夢中女神。不過女神狀態好唔穩定，一時受水腫影響，成個人暴脹不少，有時影自拍又搞到身材勁縮水，令粉絲要高呼「胸在哪？」而近日單飛回歸嘅泫雅自然狀態大勇，佢昨早現身KBS電視台進行音樂節目綵排，泫雅雖然唔係着得好性感，但係着住白色短Tee嘅泫雅，外面就着多件吊帶背心裙，好似內衣外穿咁。泫雅見到粉絲都好友善係咁揮手，不過唔知係唔係動作太大，佢件吊帶明顯包唔晒。




來源: http://hk.apple.nextmedia.com/entertainment/art/20160820/19743783
PermaLink: https://articles.zkiz.com/?id=306649

泫雅性感熱舞冧港迷

1 : GS(14)@2016-09-27 07:14:47

■泫雅來港首次開個人簽唱會，落力跳性感舞步回饋港迷。



韓國「馬舞女」泫雅前晚襲港，昨日現身銅鑼灣皇室堡舉辦首個個人香港簽唱會見港迷，吸引500粉絲到場支持。泫雅身穿熱褲現身，大騷美腿。她先用廣東話向粉絲打招呼。提到今次訪港心情，泫雅說：「第一次以個人身份舉行簽唱會，而且見到這麼多粉絲，覺得很開心。我個人亦都很喜歡來香港，所以之後都好想再來見港迷。」泫雅亦指自己鍾意食點心，昨日食了雲吞麵。她說由於太鍾意美食所以不會節食，靠做有氧運動維持身形。泫雅與三位幸運粉絲上台玩遊戲時親手幫她們搽唇膏，當中勝出的粉絲更得到泫雅的唇印。之後泫雅表演《How's This》同《Red》兩首歌曲，扭腰扭屁股大晒S形身材。採訪：文凱靈攝影：沈健程



■泫雅（左一）與粉絲玩遊戲，為她們搽唇膏。





來源: http://hk.apple.nextmedia.com/entertainment/art/20160926/19781554
PermaLink: https://articles.zkiz.com/?id=310138

泫雅倒奶演出益粉絲

1 : GS(14)@2017-04-04 08:56:09

韓國「馬舞女」泫雅上月去北美舉行巡迴演唱會，減肥成功的她繼續大賣性感，穿上黑色小背心及短褲，谷胸晒美腿冧粉絲。於粉絲公開的短片中，見到泫雅坐在台前唱歌，更烏低身於粉絲面前倒奶表演，非常性感。不過未知是否泫雅的小背心太貼身，已經瘦了的她坐下時腰側出現一團鬼祟肉。另外，有傳泫雅將與新拍檔以Trouble Maker的組合之名出新碟。




來源: http://hk.apple.nextmedia.com/entertainment/art/20170404/19979040
PermaLink: https://articles.zkiz.com/?id=329081

E Cup水著女撞樣金裕貞定泫雅？

1 : GS(14)@2017-04-04 08:59:25

所謂人有相似，唔少藝人都成日撞樣，有時藝人撞樣撞返藝人，好似21歲嘅日本水著女星馬場富美加咁，近日佢就被網民發現佢撞樣年僅17歲嘅韓劇《雲畫的月光》女星金裕貞同埋24歲嘅韓國「馬舞女」泫雅，當中馬場富美加有某些角度同金裕貞好相似，不過馬場富美加擁有E Cup身材，金裕貞就點都比唔上。而另一方面，亦都有網民發現馬場富美加同「馬舞女」泫雅好似樣，當中因為兩人嘅左眼下面都有一粒痣，側面亦都好神似。




來源: http://hk.apple.nextmedia.com/entertainment/art/20170403/19978784
PermaLink: https://articles.zkiz.com/?id=329158
Next Page
ZKIZ Archives @ 2019