| ||||||
波叔兩個專訪: http://realblog.zkiz.com/greatsoup38/6164 | ||||||
昨 日若干公司股份復牌,其中毅力工業(332)停牌超過兩星期後宣佈債務重組計劃及易主,以每股1.1仙向4名投資者配售新股,佔擴大後股本90%,作價較 停牌前0.127元大幅折讓91.3%,集資7851萬元,其中7000萬元用作還債。毅力昨復牌後先升後急跌,收市跌34%。毅力通告稱,截至1月底公 司總債務3.9億元,已於去年10月到期但未償還的債務有1.65億元,今次以大折讓配股,是考慮到急需還債,及截至去年9月底止中期業績錄得大額虧損等 因素。4名投資者其中一個是「舖王」鄧成波的友好兼生意夥伴、鐳射影音創辦人譚學昌,間接持有約兩成股權,而原大股東兼主席林文燦,股權將大幅攤薄至僅 3.52%。 純炒憧憬風險高 為引入7800萬元還債而幾乎將整盤生意拱手相讓,可見集團財務狀況已相當惡劣,1月傳出公司財 困後不久,即發出公告表示遭銀行、汽車業務供應商及其他業務供應商共追討1.4億元,又被其中一家貸款銀行從存款中提款,以償還結欠的約2000萬元貸 款,若無白武士拯救,料結果只餘關門大吉一途,現在這單交易原大股東除了成功甩身之外,其實無錢落袋。該公司現正與往來銀行商討,寬限及暫緩追討到期未付 之銀行信貸,再經過出售業務重整賬目後,相信才會有下一步動作。新股東暫知背景是物業投資者,入主此殼股有何目的很難估計,但以其成本價,現股價8.3仙 是相當高,純炒憧憬的話,未必值得,毅力昨日股價高開並不合理。歐陽風 |
| ||||||
自 從金融海嘯,大家好多時都以為,有錢佬咪一樣俾人呃,仲要俾人呃得更多更狠。不過細心睇,私人銀行客戶同魚缸散戶,真係有分別。任職私人銀行嘅莎拉,噚日 一早就打畀世民︰「幫啲客買咗GSK(英國製藥巨擘葛蘭素史克GlaxoSmithKline)啦!升咗6%吖,仲勁過出Tamiflu嘅Roche!」 逆世奇葩果然名不虛傳,出手快而準,難怪啲客對佢忠心耿耿。 流感藥股當頭起 藥劑業朋友話,過去幾年特敏福被嚴重濫用,結果出 現抗藥性,搞到家陣全世界啲醫院都要考慮,增加儲備另一隻GSK出品嘅流感藥Relenza。據聞,Relenza比Tamiflu貴一倍,噚日譚紹興兄 亦快人一步,響隔籬嘅「投資學堂」專欄,引述彭博消息,指今年第一季,各地政府採購Relenza嘅數量,首次超逾特敏福,GSK股價升得勁過 Roche,絕非符碌。唔講大家可能唔知,呢隻Relenza原來有段故事。根據維基百科,話說呢隻藥原本由一間叫做Biota嘅細公司開發。不過,藥業 世界入面,單打獨鬥嘅細公司,無可能承擔起將一隻藥推出市場嘅成本,所以89年Biota將隻藥「判」畀當時嘅Glaxo。之後十年,美國FDA不斷折磨 蹂躪,終於響99年,隻藥先至以13票對4票嘅些微票數,獲准推出市場。好在呢十年間冇乜大型流感爆發,如果唔係就死得人多。世民講Relenza呢段小 插曲,無非都係想說明一個簡單嘅事實──藥業世界入面,細公司做唔到大事。偏偏呢幾日,香港上市嘅A貨藥業股,又學人炒埋一份,箇中理據確實令人費解。個 別號碼恕世民唔篤出來,免招血光,我亦唔會同賺緊錢嘅人拗,只衷心希望佢哋見好就收。 |