受馮敬恩 梁麗幗抗爭啟發社運男 選校委護港大自由
1 :
GS(14)@2016-10-02 12:07:58【本報訊】香港大學校務委員會兩名學生代表之一的研究生代表，其任期將於本年10月底完結。校方即將舉辦新一屆研究生代表選舉，兼讀制及全日制研究生均可投票。4名候選人之一的社運人士巫堃泰，望透過進入港大校委會監察校方，盡力保護港大的自主與自由，更指需保護校園港獨言論或其相關活動。記者：葉偉東
社運人士巫堃泰自2011年起擔任機場發展關注網絡發言人，致力反對機場三跑。巫堃泰本年於港大修讀全日制法律系碩士課程，表示因為看見學生會前會長馮敬恩及梁麗幗的校委會抗爭，令他思考自己「喺呢間學校有啲乜嘢可以參與、可以為呢間學校做啲乜」，因此決定參選研究生代表，「就算未必一定再有翻版陳文敏事件，睇未來校委會要處理嘅事，都值得我出嚟擋一擋，盡力去保護港大嘅自主、自由」。
爭廢除特首任校監
巫堃泰的政綱主要是監察港大深圳醫院賬目及管理，亦會監察校方落實教資會改革建議的細節，「怕校方落實細節時，會出現有啲受歡迎嘅教授，因為研究唔夠而不被續約」，校長馬斐森提出的《HKU Vision》，亦是他的關注項目，「份報告嘅厚度，明顯同之前徐立之（前港大校長）嘅有明顯差異，財政方面都要睇，好好監察校方」。提到港大的校園港獨思潮，巫認為每名學生及教職員均享有言論自由，「大學亦是一個絕對自由嘅地方，（言論自由）係一個不能抹煞嘅理由」，稱學生及教職員無論在學校談論港獨，或是宣揚港獨的行動，「只要唔影響到人，都應該受保障」。巫又望校委會主席李國章勿對學生有預設立場，「咁樣會阻礙咗佢去了解學生、同學生溝通」，稱如當選研究生代表，將聯同其他開明的校委會成員「以理服眾」，盡量表達學生的意見及聲音。不過，巫堃泰亦理解校委會內學生代表有限，諸如廢除特首任校監必然制等議題，要通過有一定難度，「但唔通難就唔做？（廢除特首必然制）我哋係有道德責任去推動及提出，唔會唔做」。據悉是次研究生代表選舉共有4名候選人，除巫之外，尚有一名修讀法律調解的學生、一名社科院學生及連任兩年、現屆研究生代表朱科。
來源:
http://hk.apple.nextmedia.com/news/art/20161002/19788411
人妻蜜月大解放《東張》梁麗翹西班牙晒「I」型胸
1 :
GS(14)@2017-06-25 11:26:5832歲嘅《東張西望》主持梁麗翹(Nicole)喺今年2月閃婚，與拍拖僅兩個月、做金融投資生意嘅圈外男友Nic喺美國拉埋天窗。婚後Nicole同老公已經去咗夏威夷蜜月，近日佢哋又再出發去西班牙、巴黎同倫敦等地旅行，喺facebook貼咗好多靚靚旅行相，但老公繼續保持低調，冇出鏡。面對美麗景色，Nicole都唔吝嗇身材，穿上吊帶連身裙，大騷4吋事業線；又穿西瓜圖案泳衣top曬太陽，非常癢眼！
Nicole又放咗一條搞笑片，見佢素顏食杯麵，點知冇筷子，情急智生下，Nicole竟然用兩隻牙刷倒轉用嚟食麵。Nicole昨日接受傳媒訪問，佢以短訊回覆話﹕「西班牙啲嘢都好好食，但日日西餐，都有啲掛住亞洲味道，行超市見到辛辣麵即刻買，但又等唔切酒店員工send攞叉，因為啲麵開始稔。」Nicole直言今次係蜜月假期，問到會否趁機造人？佢話﹕「會生，但冇壓力，順其自然啦。(點解老公唔出鏡？)佢做攝影組組長，哈哈。」
來源:
http://hk.apple.nextmedia.com/entertainment/art/20170625/20068219