|
||||||
|
僑威集團（1201）向來對外推介業務，重點都係講香煙包裝印刷一瓣。不過，最近僑威向港交所（388）申請分拆集成電路業務上市，主席許經振（圖）話，新業務主要係潮流電子產品設計分銷集成電路晶片（IC），產品包括石英燈、LED燈，仲有電子煙。 所謂電子煙，就係幫人戒煙嘅產品，大概去年開始喺市場發售。唔好以為電子煙好似拜神嗰啲電子香咁得個樣，僑威研發嘅電子煙晶片，除咗好似真煙咁識得噴煙，令煙民有吞雲吐霧嘅感覺，仲可以控制支煙發出菠蘿味、香蕉味同朱古力味。 不過，對於煙民嚟講，要生果味，不如o趙香口膠，所以係咪可以成功為煙民戒煙，主席冇講。 |
||||||