稱注重團隊 諷林鄭拒聽意見
1 :
GS(14)@2017-01-21 03:32:51■曾俊華昨直言未詳細看過梁剛公佈的施政報告，又稱肯聆聽別人和接受別人意見，注重團隊工作。
【本報訊】特首梁振英近日不斷公開挺林鄭月娥「暗踩」曾俊華，而曾昨趁答問環節反擊，直言未詳細看過梁剛公佈的施政報告，又稱看不到梁在施政報告提出措施有交代財政能否持續，強調任何政策最重要是能夠落實，被問到他有甚麼較林鄭月娥優勝，曾自言肯聆聽別人和接受別人意見，注重團隊工作，亦明顯針對林鄭不聽意見的批評。
暗寸梁沒先贏取社會信任
曾形容過去幾年社會存在很大矛盾和撕裂，雖原因眾多，但相信最主要是市民對政府不信任，「冇咗信任係好難團結社會」，又暗寸梁領導下的政府沒有先贏取社會信任：「呢啲我哋要做多啲，我哋唔係淨係講，要得到市民信任、社會團結之後，民生和政治都會比較順利啲去進行。」曾又直言未留意到施政報告中措施，財政是如何可持續配合：「我冇好詳細睇施政報告，亦都唔知提出意見嘅細節係點樣……政策最重要係執行得到，執行時要睇財政係咪持續到，呢啲係未睇到，呢啲係我關心嘅事情。」林鄭做學生時經常考第一，曾俊華幽默地說「我確實係未考過第一」，又指與林鄭是多年同事，覺得她是一個十分認真和努力的公務員，但覺得自己願意聽取和接受別人意見，重視團隊是優勝之處。曾又指，預算案是一整年工作，由5月開始構思新一年預算案，他在12月離開時，由陳家強接手，若然「陳司長」（剛接任的陳茂波）要由頭再做，時間會相當短。他又指中央較遲批出他的請辭，是可能在處理財政司長繼任人選的問題上，「可能有一個複雜嘅決定」。■記者姚國雄
來源:
http://hk.apple.nextmedia.com/news/art/20170120/19903224