戒酒唔關事李珊珊：冇腦瘤！
1 :
GS(14)@2016-06-06 03:03:11■珊珊被指因病要消防救人，她昨兩次強調「冇腦瘤！」資料圖片
李珊珊早前否認有關生腦瘤的傳言，但昨日再有周刊報道指李珊珊患良性腦瘤，要食藥、戒酒及做運動來醫治，報道更指她因暈倒在家要消防破門救人。珊珊昨早接受本報電話訪問時否認有關報道，她說：「第一，私事冇乜回應，第二，唔係事實唔回應。」她更以「屋企度門冇爛過」暗示沒有消防入屋救人一事。李珊珊回應時直言小病一定有，又反問誰人會不生病，亦指「生腦瘤」傳聞會嚇親街坊及自己，對於經常傳出她患病的消息，她自言亦不明白，她只強調就：「冇腦瘤，直接啲冇腦瘤！」
■珊珊以往喜愛夜蒲及喝酒，她昨稱想改變生活模式。資料圖片
■近年珊珊低調生活，飲食變得清淡並愛上放狗（右圖）。微博圖片
改變生活模式
對於戒酒傳言，李珊珊表示以前年少輕狂，是每人必經階段：「我突然間覺得進入另一個階段，要轉變下生活模式，亦唔想畀大家嘅印象，我好似好沉迷夜生活，我特登扭轉咗，我唔做呢件事，冇刻意去戒酒，我真係冇飲，只係想改變生活模式。」她笑言不想大家一見到「蒲」這個字，就想起她。珊珊指每個人都會轉變，不可以整世人都只有一個模式，她續道：「呢四年尋求咗另一個生活模式，我又覺得幾適合，每個人一至十歲一個性格，11歲之後，經歷咗啲嘢又另一個性格，起碼現階段，我想善用我嘅時間，所以我會唔同咗，我都可以開懷去飲，不過我冇呢個想法，好享受呢個生活方式。」採訪：嵐山
來源:
http://hk.apple.nextmedia.com/entertainment/art/20160602/19636986