倫敦鑽石首飾公司 Graff(編號1306)來港上市,屬於名牌之類,與
Prada等量齊觀,但聽經紀講,
P/E(市盈率)幾高吓,係2011年盈利嘅18至24倍,股價在25至37元之間,呢輪市道唔好,可能以下限價上市。碰啱我地老友公子
L係鑽石專家,朋友之中,要買鑽石,黑珍珠慰妻者,或者討好女友者,無不搵佢做盲公竹。呢個世界,有專家就要問專家,唔好聽一啲一知半解之人亂咁噏,譬如
講珍珠,我地在佢面前,邊個敢話識嘢。
公子 L話 Graff賺錢講設計,自己買石,轉手賺幾個巴仙,但經名師設計,利用碎石造一件首飾出嚟,毛利率甚高,但 P/E值唔值18倍,要搵財務工程師估值至得!以佢保守性格計,買粒石擺落保險箱,感覺上就好過買張公仔紙(股票)嘞!
買
張紙,譬如一千股,可以話自己擁有鑽石首飾股喎,買粒石,買唔起嘅啫。公子
L話目前鑽石市場,以每粒計,以二卡至五卡嘅最為市道暢旺,有買有賣,價錢呢?大約一卡要一百大蚊啦,兩卡就要兩百零,五卡要五百零,買一粒放在口袋裏,
唔會有人發覺。公子
L話:「我地去到比利時傾生意,猶太人最懂鑽石,猶太商人成日取笑我地亞洲人鍾意黃金為避難用,佢地話喎,黃金咁鬼重,二百安士黃金重到拎唔起,走難時好
唔方便,但身上戴幾粒鑽石同樣走難,就輕鬆得多喎!」
話雖如此,仍有考究,東方人走難經驗不比猶太人少,走難之時,財不可露眼;若有三四両黃金,出貨比較容易,攞番啲散紙可維持生活一段時間,但一粒鑽石價值高昂,大難臨頭之時,似乎幾難搵到買家啫。
前
些時倫敦失竊之黃鑽石因要美國 GIA鑑定而曝光,為何賊人不在黑市市場賣去,偏要搞到咁麻煩?公子
L話:「今時唔同往日,四十年前,行家牙齒當金使,大家講個信字,石到就付鈔。現在呀,冇張 GIA證書證明鑽石級數,休想拿到一分一毫,故此
GIA成為無上權威,中國亦有驗證機構,發達到唔恨!」