| ||||||
美 聯集團(1200)呢排新聞多多,傳聞主席黃建業搵番Victor張錦成返嚟,係要重整權力架構。Victor回歸冇耐,集團高層即出現人事變動,子公司 香港置業噚日突然宣佈,行政總裁胡日發因私人理由即日辭任,佢個位就由執行董事李志成補上。胡日發突然離開港置,市場議論紛紛,華華唔敢揣測佢今次離職, 係咪同公司近期管理層變動有關。不過有消息話,成個美聯咁大,胡日發好大機會會調去其中一個部門,但邊個部門就未知。對於胡日發辭去港置行政總裁,張錦成 代表公司好感激佢過去6年多嘅貢獻,話喺佢領導下,令港置品牌不斷提升,實在功不可沒,公司都好尊重佢今次決定,相信唔會影響成間公司運作咁話。 |
| ||||||
大王郭鶴年位掌珠惠光坐鎮《南華 早報》六年,現今更係成間公司之唯一執行董事。不過從種種迹象睇嚟,佢可能係時候唱其離別歌矣。 乜嘢迹象?《南早》業績了無起色也。○九年 集團純利得番一億三千八百萬港元,比前年下挫兩成。與此同時更又裁減人手近一成五。此又豈為大展拳腳之象?既非發大嚟做,咁又何須太子女坐鎮呢? 再 者,早前佢哋已經由《華爾街日報》撬咗祖籍星洲之蔡祈翔嚟做老總,跟手再又有位星馬《星報》猛人進駐,人才濟濟,勞煩太子女嚟做乜? 仲有, 佢哋剛啱搵咗高盛之大中華主席胡祖六做獨立非執董。胡博士係哈佛經濟專家,做開併購等大買賣,一向同出版業無涉。搵佢入局,有乜微言大義?大家腰攬腰啦! 上 個禮拜,雪茄鄧喺佢《信報》嘅地盤議論各大傳媒老闆;咁又豈少得糖王?佢話以糖王之身家,幾多私人飛機都買得起,但佢老哥則周不時喺往返北京之班機上見到 糖王,足見佢為人謙厚云云。《南早》唔多醒神,同糖王謙厚過頭是否有關呢?考起。 郭氏兄弟百無禁忌 哨牙通為債所困,賣屋、賣 飛機、賣遊艇,早已唔係新聞。但空出嚟嘅遊艇泊位又點呢? 最新資料顯示,填補其空檔者,並非別人,正是新地郭氏兄弟隻新遊艇也。哨牙通運 滯,而新地郭氏兄弟有上主照住,填補其空檔亦百無禁忌也! 金牙大狀講嘢林主席未有料到 新科平機會主席林煥光聲大大咁話吃奶罵 娘先至叫文明,而佢嘅責任就係唔俾面大商家同政府。 呢番說話擲地有聲,但就唔等於有料到噃。煲呔表態話516唔投票,明顯係俾壓力班下屬, 叫佢哋識do,何以又唔見林主席唔俾面政府,禁制煲呔呢啲不負責任嘅言論?仲有,有高官話唔投票至係履行公民義務,此又豈非陶傑所講,剝奪候選人之被選舉 權利?林主席真係咁有種,又唔見佢做嘢? 當然較諸功能組別之設,呢啲都係濕碎料而已。喺六十名立法會議員當中,直選議員係幾十萬人選出嚟 者,但有啲功能組別代表則一兩百名選民就搞掂矣,有乜唔不公平得過呢樣嘢呢?仲有,功能組別之設,有啲選民有兩張甚至三張選票在手,足見佢哋的而且確平等 過人。林主席咁口響,做嘢啦,OK? 英文差陀累新地 新地旗下有間叫Goodfaith嘅公司。個零月前官家通知佢哋,話佢哋 用呢間公司名義買咗塊骨灰龕用地。咁大鋪頭都做呢啲生意? 骨灰龕亦係土地用途之一,新地做開地產,做埋呢一瓣亦屬平常,係咪?弊係弊在佢哋 冇買過塊咁嘅土地,亦冇打算做呢瓣生意,咁何以無端端有人送塊地上門呢?佢哋搵經手賣地之律師行,問佢哋搞邊一科? 卻原來買咗骨灰龕用地之 公司名為Good Faith,雖則都係九個字母,而串法亦如一,只不過新地之公司名稱係兩隻字放埋一齊,中間並無空位者;而骨灰龕公司則係兩個獨立單字。 搞 出單咁嘅雙胞胎,皆因土地轉名之際填表位仁兄仁姐大細草不分,亦唔知一隻字同兩隻字之分別,以致誤中副車。過渡後英文水平下降,有眼見o架!長此下去,後 果當又唔止送錯塊地俾新地咁簡單,更大單之交易分分鐘同樣搞錯。唔搞好教育,提高英文水平,又何以繁榮香港? 人民幣悶聲升值 花 旗財長蓋特納喺北京機場同財金沙皇王岐山作旋風式會面後成個馴晒,再唔似得舊時咁指控大陸操控匯率,亦冇說三道四,要人民幣升值。靜雞雞,完全冇件事咁嘅 款。中環資深觀察家咬完一輪煙斗,覺得事態發展並不尋常,絕非大家肉眼見到咁多嘢也。 江澤民主席教落,悶聲發大財。花旗佬粒聲唔出,仲唔係 蓋特納同王岐山傾掂數,俾人民幣升值乎?果如此,資深觀察家認為有義務提醒大家,獅子、揸兜及寶哥哥間鋪頭喺內地各自有過千億人民幣資產。唔好講多,只要 人民幣升值兩三個巴仙,已經係講緊多幾十億元資產矣! 果如此,買股票又豈不好過走去銀行存人仔?人民幣升水當又唔止惠及呢三間銀行而已,無 論國企、民企皆有着數也。如何揀法,傷神也。 |
| ||||||
我有一個在會計師事務任高層的朋 友,其公司每年頒發獎項予出色企業家。據他說,遴選過程嚴謹,幾年前頒了一個重要獎項予味千拉麵創辦人潘慰,他叫我留意這個人;一提起潘慰,他不停說: 「奇女子,很厲害」。 作為投資者多於食客,我開始留意味千,一隻股票可以長時間維持高增長,兼滿足到要求甚高的機構投資者,的確厲害。這 種高增長故事我見過不少,高增長始終有放緩或停下來的時候,是遲早的問題,之後,公司是一沉不起,抑或重整後起身,我的經驗十居其九是前者。 過 去兩個月應該是潘慰十五年前創立味千以來最難忘的日子,由產品質素和誇大宣傳的風波開始,再牽連到公司的誠信,味千經歷了一場突如其來的風暴。管理層明顯 欠缺危機管理經驗,進退失據,公眾和傳媒一沉百踩,味千股價過去兩個月跌了四成。味千風暴中港傳媒緊貼報導,我不多說,我較有興趣分析味千未來的路。 翻 查關於味千的資料,得到一個強烈的感覺,味千是潘慰、味千未來的路也是潘慰未來的路。潘慰五十五歲,八八年從山西來香港,最初從事內地食品貿易,九六年創 立味千並以內地為主要市場,○三年大幅加快增長步伐,○七在香港上市。 潘慰來香港的時候已不是年輕人,要適應語言、生活細節、文化等差異, 不是易事。在香港人眼中,潘慰是新移民,新移民的特徵是不容易進入香港社會主流,因此要加倍辛勤工作。由新移民到內地餐飲首富,潘慰走過一條不平坦的路, 奇女子的硬撐程度不容低估。開第一間鋪之前,潘慰想試探內地人對日本拉麵接受程度,她租了兩輛開篷車,在深圳世界之窗擺路邊檔。味千第一間鋪開在深圳華強 北路,這地方我熟悉,這可不是遊客區,這是堅信弱肉強食的森林。 味千擁有近六百間分店,全部自己經營,沒有採用加盟店模式。明顯地,她是注 重控制的人,寧願接受較慢的增長速度,也要全面控制店鋪每一細節。控制六百間拉麵連鎖店,唯一方法是標準化和系統化,由零到六百,味千最成功的地方,就是 標準化和系統化。閣下是否喜歡味千的味道不是最重要,重點是能否依賴系統,在六百間鋪,一年三百六十五日,每一碗麵做到統一的標準。 十五年 內味千由零發展變身到有六百間分店的連鎖飲食集團,營業額二十七億元,員工一萬五千人。潘慰做對了很多事情,這些對的事情可以是重整後起身的基礎。味千最 近發生的風波是一件大事,不會無聲中消失,風波的性質是誇大宣傳,是關於公司誠信,不涉及食物安全。可能香港人習慣了地產商「法國南部風情」式的廣告,對 誇大失實宣傳的容忍度較高,直覺上這是消費者假以時日會原諒的錯失。關鍵是「假以時日」,味千要以務實和謙卑的態度讓消費者重建信心,我認為這是困難,但 有很大可能是可以克服的挑戰。味千團隊過去十五年打了一場又一場勝仗,近幾年簡直未輸過,這時卻遇上重大挫折,正好是考驗這團隊真本領的時候。 被 傳媒圍攻的時候,味千團隊心裡一定難受,除了怪責自己,也會感到外間的報導不夠中肯,容易產生同仇敵愾的感覺,這時候團隊一是痛定思痛再起身,一是沉於委 屈的受害心魔。我喜歡作出這類預測,我不認識一個跟味千有直接關係的人,但我對潘慰和她的團隊有特別的好感,可能是我會計師朋友的一句話,可能是我被新移 民奇女子的故事吸引着,無論如何,我認為味千跌低後能夠起身,而且起身過程不會太長。什麼事情在內地發生都會加快,跌低快,起身也快,最緊要能夠起身。
最後,我的判斷也不是完全感性,最近味千發了二千三百萬股option予員工,這是重要訊號。由○七年上市至今,味千總共發出約三百萬股 option予員工,潘慰財政上過往並不手鬆。我可以想像到她這次這麼慷慨的動機,她心裡想:「好,我就用這機會,激勵我的團隊,鼓勵團隊在逆境中加多一 把勁,同時讓同事日後賺些街外錢,我們今日的努力不會白費。」 蔡東豪 Tony Tsoi 現任上市公司精電國際行政總裁,他 曾任職投資銀行,在《信報》以筆名原復生撰寫財經專欄,對投資及求知有無限渴求,習慣早上四時起床寫作找樂趣。 |
3樓提及
毒果遺禍,影響深遠
5樓提及
有咩唔同?
6樓提及
他把一件好平凡的事加重左味道
10樓提及6樓提及
他把一件好平凡的事加重左味道
其實這篇以蘋果的作風已經是簡單, 不太過份, 平時見個D , 簡直不能叫做新聞, 只可以說是黎智英的私人政治廣告
8樓提及
在場人士都係幫股東打工,趕股東出去有點那個。