📖 ZKIZ Archives

入行14年《美少女戰士》泉里香出處女寫真集

1 : GS(14)@2017-03-03 00:59:51

真人版《美少女戰士》於2003年播出時被封膠劇，點知事隔多年，中飾演火野麗嘅北川景子已成為影視界阿姐，當年膠劇已成為絕播神劇。除咗北川景子外，其餘美少女如今仍然有睇頭，好似28歲嘅泉里香，十幾年前演真人版水野亞美已吸納唔少宅男fans，雖然多年來佢都惜肉如金，不過上年首次拍水着寫真大晒D Cup上圍，更為漫畫雜誌《週刊YOUNG JUMP》擔任封面女郎，令泉里香再受注目。泉里香決定4月11日推出入行以來首本寫真集《Rika!》，今次主題係硬銷同女朋友剛剛拍拖嘅感覺，泉里香以比堅尼上陣展示白滑肌膚，粉絲們又點可以錯過。




來源: http://hk.apple.nextmedia.com/entertainment/art/20170302/19945060
PermaLink: https://articles.zkiz.com/?id=327463

指原莉乃獲名師撐腰商量拍露毛寫真集

1 : GS(14)@2017-08-02 05:59:51

日本偶像組合AKB48嘅當今一姐指原莉乃，多年來曾推出過大膽水着寫真，最激一次更露股上陣，近日佢同著名攝影師蜷川實花及Lily Franky獲電視節目安排展開對談，指原更被兩人游說全裸拍露毛寫真集。90年代日本曾掀起一片露毛熱，當年多位女星如宮澤理惠、菅野美穗等也推出毫無底線寫真賣個滿堂紅，Lily Franky於節目興奮地叫指原效法兩位前輩宮澤理惠同埋菅野美穗。宮澤理惠推出嘅全裸寫真集《Santa Fe》曾轟動亞洲，而菅野美穗拍《NUDITY》都一脫爆紅，二人至今都係圈中阿姐，指原笑言Lily Franky將佢同兩人相提並論十分抬舉，蜷川實花就話以指原目前知名度及人氣，有機會追得上《Santa Fe》嘅成績，三人更越講越高興，提議到時隨書附送DVD及商討拍攝地點。




來源: http://hk.apple.nextmedia.com/entertainment/art/20170802/20108721
PermaLink: https://articles.zkiz.com/?id=339290

【的士明星】日本最美的士司機　推出首本寫真集

1 : GS(14)@2017-11-13 03:35:34

全新旅遊專頁，即like籽想旅行：https://fb.com/travel.appleseed搭的士最想遇到甚麼類型司機？手車夠快？有禮貌不兜路？口才好有偈傾？


相比起這一位，這些要求都變得很普通。這位25歲(12月18日26歲)的日本女的士司機生田佳那，早兩年已經被發掘，又訪問又影相，而且最近早一個星期更推出首本寫真集《いく TAbi》，同時亦都有2018年月曆推出，如果截車遇着她，應該不介意兜遠一點，坐耐一點。


第一本個人寫真，有一點點性感。

在香港有沒有遇過靚女的士司機，應該沒有吧？



其實這位女司機入行之前也曾經做過Model影相，不過因為收入不穩，所以加入了「飛鳥交通」做的士司機，就是因為做司機的時間比較自由，而且有穩定收入，可以繼續追求夢想。至於她的夢想，想信就是成名吧？上年也有替《週刊ヤングジャンプ》拍過寫真，身高150cm，今次推出個人首本寫真之後還會否開工？應該會，這是賣點嘛。圖片來源：生田佳那instagram



來源: https://hk.lifestyle.appledaily. ... e/20171107/20206411
PermaLink: https://articles.zkiz.com/?id=344084
Next Page
ZKIZ Archives @ 2019