📖 ZKIZ Archives

奀星爭俾入場費　新城有錢有獎

1 : GS(14)@2010-12-30 22:32:01

http://www.inv168.com/phpBB3/vie ... b47b849d67#p1487483

官恩娜與 MC Jin雖然不是大公司旗下歌手，照樣用錢議獎。

一向本住「人人有獎攞」宗旨的《新城勁爆頒獎禮》，今個星期三（十二月二十九日）舉行，今年分發的獎項多達一百二十個，除咗一班當紅歌手可以滿載而歸，三、四線「奀星」同樣有份排隊上台「分豬肉」。
據了解，早於半年前開始，新城已與各大唱片公司及歌手進行「交易」，歌手設有入場「最低消費」十萬，只要在限期前擺低「入場費」作來年廣告宣傳費用，頒獎禮當晚，就可以上台攞獎。

量多取勝

今年新人幾乎冇一個表現突出，但頒獎禮當晚亦個個有份攞獎。

○○年起，新城開始開倉派獎，其後獎項數目年年遞增，去年更一共頒發一百四十六個獎，破晒紀錄。既然玩量多取勝，各大唱片公司為旗下歌手搶得就搶，於大半年前，已開始與新城「傾數」。
「啲歌手同唱片公司，早喺大半年前已經開始搵新城啲 PR傾出年啲廣告費，佢哋嘅指引係最少十萬蚊，到數嘅頒獎禮嗰晚就會有獎攞。嗰十萬蚊主要包括播歌費、頒獎禮嗰晚本場刊，同安排啲歌手上節目訪問等等。」一名唱片公司人員透露。

有錢有獎
有錢就有獎，一眾三、四線「奀星」難得有機會上台，亦心甘情願掟錢落廣告換獎。
「今年之內有派台歌嘅歌手，唔理紅定唔紅，有冇人識，都可以同佢哋傾。好似今年班新人，鄭家維、朱紫嬈、鍾一憲、連詩雅、糖兄妹，個個都有得上台；新人獎又分跳舞新人、搖滾新人，淨係頒新人獎，都起碼要二十分鐘啦，仲有啲三、四線好似戴夢夢、狄易達、 Hotcha、官恩娜、阮民安、方珈悠……全部肯俾錢就有獎。」


戴夢夢（右二）將會連同一班師妹替新城演出音樂劇，所以即使新歌冇人識亦一樣有獎。


阮民安（ Tommy，右）自資出碟，雖然銷量麻麻，早前他亦嘗試在新城落廣告換獎，但最後傾唔掂數。


近年絕跡其餘三台頒獎禮的狄易達，年年在「新城」都有獎攞。

限期交數
「奀星」個個有份，一班當紅歌手更加坐定粒六，攞獎攞到手軟，各大唱片公司亦相當識做，爭相競投包起黃金時段播歌位，幫旗下歌手谷播放率。
「通常唱片公司都會安排旗下歌手幫新城做吓啲商業騷，包起晒黃金時段啲播歌位，新城啲 DJ一向播歌都有份名單跟住嚟播，唔係佢哋自己揀歌。仲有，佢哋仲規定廣告費要喺今年十一月之前俾晒，俾咗錢嘅先有偈傾，同賣位一樣，仲有得講價，試過有歌手由十萬講到六萬。」知情者說。


一向被批評公信力欠奉的《勁爆頒獎禮》早前舉行記者會，除了古巨基、謝安琪屬一線，其餘大部分都是三、四線歌手，場面冷清。




八月舉行的《新城國語力頒獎禮》，又開倉大派 106個獎，單是陳奕迅已獨攬六個大獎成大贏家。


新城每年都會搵當紅如阿 Sa級別的歌手演出商業性音樂會，從而得到大量廣告商贊助，帶來可觀收入。

好過無

歌手們無論有冇碼頭都好，為咗有份上台分「豬肉」，都自動獻身跟新城傾合作條件。

公信唔值錢
鍾意瘋狂分豬肉嘅《新城頒獎禮》，得獎名單皆令人質疑，歷年亦多次傳出收錢播歌、換獎等傳聞，公信力欠奉。

張學友炮轟︰影響樂壇發展！

98年，新城推出 Power Pick，即收錢播歌，由唱片公司出錢包下時段替旗下歌手谷播放率，從而影響頒獎禮結果，當時張學友炮轟：「掟錢播歌，影響樂壇健康發展！」同年，學友在新城頒獎禮僅得一個獎。

金牌杯葛

07年，金牌拒絕讓旗下歌手出席新城商業性音樂會，導致新城在頒獎禮上將原本頒給古巨基的男歌手大獎改頒給李克勤，其後金牌聲言杯葛新城。

---

拍劇變人肉廣告板金秀賢超吸金　惹奀星埋身

1 : GS(14)@2015-05-26 00:00:36

【製作人狂熱】韓國男神金秀賢紅遍亞洲，廣告工作多到應接不暇，有傳27歲的他將於今年入伍，不少人自然瞄準他的寶座，更拿男神做宣傳。當中韓國三線藝人、曾演出劇集《奔跑吧玫瑰》的男星權秀賢，早前受訪時竟誇口自己與男神撞樣，更揚言金秀賢服兵役的話，權秀賢的時代將會降臨，其自信心爆棚的言論即時遭網民炮轟。


■梳了一頭齊蔭頭的權秀賢（圖），自稱與金秀賢十分相似。


現時忙於趕拍KBS新劇《製作人們》（前譯：製作人）的亞洲男神金秀賢，大前日才現身深圳與粉絲見面，吸引逾千內地粉絲接機，即時癱瘓機場，足證魅力沒法擋，不少人都欲挑戰金秀賢的地位，取代男神位置。



當兵後時代來臨


日前韓國媒體就報道曾演出SBS劇集《奔跑吧玫瑰》的三線藝人權秀賢與金秀賢撞樣，報道指權秀賢和金秀賢給人感覺如親兄弟一樣，加上兩人的名字除了姓氏外，都一模一樣，最特別是兩人都是單眼皮男生，但炯炯有神的眼神和立體的鼻樑就似到十足。而下月27歲牛一的權秀賢早前受訪時曾信心十足地說：「有次我在片場和金秀賢碰面，感覺自己與他有很多相似點。如果他去軍隊服役，我相信屬於我的時代將會來臨。」當權秀賢的言論於網上瘋傳後，即時惹來網民圍剿，更齊心炮轟權秀賢：「你似金秀賢還早着呢」、「做演員還是謙虛些比較好」、「兩人怎能相提並論」、「權秀賢和金秀賢的名字都幾似」等，網民更寸作出報道的記者是超級迷戀權秀賢，所以才刻意借新聞來催谷權秀賢的人氣。



【第三集哭訴分手】■孔孝真在劇中向車太鉉哭訴，大爆自己和趙寅成分手。電視截圖

趙寅成

■今集有李英子和申東燁客串，金秀賢上他們的節目自爆不愛上班。電視截圖



金秀賢自然懶理這些報道，據知他下周二會擔任百想藝術大獎的最佳電影男新人獎的頒獎嘉賓。由於他在亞洲人氣高企，所以亦令《製作人們》的廣告多到接不下，但因植入廣告商多點名金秀賢一人，所以令劇組大感為難。而昨晚播出第三集，劇情講到白承燦（金秀賢飾）四處確認羅俊模（車太鉉飾）和卓藝珍（孔孝真飾）的關係，並找到兩人同居的證據，承燦亦會抱着糖餅袋去找Cindy（IU飾）。


■金鐘國前日飛抵廣州，被粉絲的紙張不小心碰到面。

金鐘國下月襲港


此外，有份演出《製作人們》的金鐘國將於下月6日來港，與韓國女團T-ara等出席《2015香港青年音樂節》。而前日金鐘國飛到廣州出席活動吸引不少粉絲接機，有粉絲因太貼近關係，令手上的紙張觸碰到金鐘國的面，但金鐘國就繼續保持友善笑容。撰文：施洛冰





來源: http://hk.apple.nextmedia.com/entertainment/art/20150523/19157000

---

【奀星抽水】陳曉被爆曾戀趙麗穎

1 : GS(14)@2016-07-06 08:11:25

■孫耀琦日前在網上直播時，稱陳曉曾戀趙麗穎。


陳妍希和陳曉昨日在合肥領證結婚，幸福滿瀉之際，突然彈出一名內地演員孫耀琦在網上直播時大爆「趙麗穎和陳曉確實在一起過」的消息。


資料圖片


陳曉曾傳跟趙麗穎拍過拖，當陳曉於微博公開與妍希的戀情時，有指妍希是「第三者」。前晚孫耀琦在微博直播時，爆料證實該消息，更自揭因轉發了陳曉和陳妍希的戀情，被趙麗穎取消關注，孫在直播中稱：「沒有人是小三，他們是正常地談戀愛。」有網民不值孫耀琦的「爆料」，留言鬧她借機炒作，及後孫耀琦在微博發文道歉，指日後會謹言慎行。





來源: http://hk.apple.nextmedia.com/entertainment/art/20160706/19682722

---

【馮仁昭四圍超】MastaMic奀星冇人幫

1 : GS(14)@2016-09-02 05:49:52

MastaMic噚日到商台宣傳新歌《Good Times》，佢話而家仲未回本所以要繼續宣傳：「真係一半都未有，惟有盡做啦。而家諗宣傳方法諗到頭爆，因為唔想俾人笑，但係太正經又唔夠吸引。再回唔到本我就裸跑，到時買一隻碟，可以摸一下……隻碟。」網上集資籌錢？MastaMic自嘲比奀星更暗嘅「瘀星」，佢話：「冇人捐錢好瘀㗎，而家連吳幸美試飲酒點擊都高過我嘅即席freestyle。」撰文：馮仁昭




來源: http://hk.apple.nextmedia.com/entertainment/art/20160902/19757162

---

「回家」即刻奸變忠陳豪奀星奸角變視帝

1 : GS(14)@2016-10-14 06:52:19

大台對啲藝人係點？除咗一系列嘅「方丈」行為之外，其實都幾好㗎！最叻就係「洗底」。陳豪
Moses喺大台咁多年，做親都係好男人，其實佢未入大台仲係拍戲嗰陣，做得嘅都係奸角，奸得嚟仲要奀，好似喺《特警新人類》嗰陣做謝霆鋒嘅奸仔上司同《算死草》入面陷害葛民輝嘅家丁何春，都係奸得嚟只係嘍囉級！講到最難忘，一定係《烈火戰車2極速傳說》入面嘅「喪偈」，戲中佢想向男主角鄭伊健（Sky）打愛滋針，不過最後自食其果，畀人打斷腳之餘，仲因為愛滋而死。陶大宇1983年大台藝訓班畢業後加入大台嘅陶大宇，雖然有「師奶殺手」稱號，不過早前出道嗰陣，都係做配角同奸角，代表作就有《大時代》入面做丁蟹（鄭少秋）二子丁益蟹，喺戲中佢除咗係黑社會話事人之外，仲強姦楊羚飾演嘅方敏，最後都係畀丁蟹掟落樓而死。而陶大宇喺《壹號皇庭》及《刑事偵緝檔案》後開始彈起。馬德鐘93年就加入大台嘅馬德鐘，主要都係飾演配角，同時佢都有喺電影方面發展，代表作喇喎！一定係《強姦2之制服誘惑》，佢飾演強姦犯同注冊牙醫Philip Wong，喺戲中佢舔女主角朱茵面珠嘅一幕，絕對係經典之一。吳鎮宇大台出身嘅鎮宇1992年起轉戰電影圈，都做過唔少奸角就好似《絕代雙驕》嘅江玉郎同《中華英雄》嘅無敵，不過最膾灸人口嘅一定係《古惑仔》系列嘅「o靚坤」，而佢喺2003年化身做Sam哥返大台拍《衝上雲霄》成為佢代表作之一。




來源: http://hk.apple.nextmedia.com/entertainment/art/20161014/19800133

---

36E新咪神陳偉琪想做律師變做大台奀星

1 : GS(14)@2016-12-11 14:12:50

擁有36E上圍、25歲嘅無綫新咪神陳偉琪，無啦啦捲入床照事件，由「幫港出聲」周融旗下《HKG報》「獨家報道」，稱疑似陳偉琪同疑似民主黨中央委員、公共專業聯盟主席吳永輝嘅床照「網上瘋傳」，但其實兩人嘅交集，只係2012年吳參選建築、測量及都市規劃界議員時，陳已擔任其形象顧問，當時《蘋果》都有報道，更以「翻版楊采妮」形容陳偉琪添。陳偉琪回覆《香港01》時已否認自己係所謂網上瘋傳嗰張床照嘅女主角(邊度有瘋傳？)仲反問「點解可以爭咁遠都當係？」至於佢同吳永輝係點識嘅呢？陳偉琪就解釋係透過姑姐識佢。家陣陳偉琪成為無綫新咪神，郁下出招胸狠，其實佢來頭好勁，包括係2011年溫哥華華裔小姐亞軍，喺卑詩省大學主修政治系，更曾為溫哥華市長助選，幫手聯繫當地嘅年輕人組織，落區開會等等：「一個人嘅坐姿、衣着，都會影響到別人對你嘅觀感。參選，令我學識點樣面對傳媒、點樣自信咁表達自己。」志願其實係做律師嘅陳偉琪，返港後認為香港嘅政治氣氛「唔同晒」：「我好鍾意政治，但由細到大，我嘅志願其實係做律師。不過，無論政治抑或法律其實都同生活息息相關。選議員，佢入到議會，代我哋監察政府；法律呢？就保障我哋嘅權利。我希望利用我嘅專業知識，幫到有需要嘅人。」




來源: http://hk.apple.nextmedia.com/entertainment/art/20161211/19861925

---