|
||||||
|
現年六十歲，擁有多間上市公司的富商何永安，○九年四月在山頂加列山道豪宅，涉嫌毆打替他生下兩女的女友、九四年亞姐季軍曹央雲後，上月又再遭另一女友勞玉儀追債三千萬，被判敗訴外，更被對方在庭上大爆不只得一個女人，有「二、三、五個女人」。 何永安照顧的大堆女人當中，曾經跟他及曹央雲，有超過十年三角孽戀的鄺美雲，亦榜上有名，被稱為圈中富婆的她，九九年開始，一直住在何永安旗下、以海外註 冊公司持有、市值約一億多的深水灣文禮苑獨立屋，直至近月何永安經濟出現問題，要沒收豪宅，她亦即時以四千萬購入位於九肚山的寶松苑獨立屋。 至於曾遭何永安打，甚至終止提供母女生活費的曹央雲，只無奈回應：「如果佢對啲女朋友好過自己個女，真係天地不容。」一住十年 在平安夜生日，每年必然大搞的鄺美雲，在剛過去的十二月二十四號晚，在沙田馬場會所筵開二十二席慶祝四十八歲生日，當晚戴上價值過億珠寶首飾的她，除有四 名貼身保鏢護駕外，馬會亦出動多名護衞在現場把守，一班朋友玩到凌晨二點左右才陸續離開，壽星女也由保鏢護送返回文禮苑獨立屋。 跟呂良偉離婚後，鄺美雲九九年開始入住當時價值二千七百五十萬的文禮苑獨立屋，被指投資有道，是圈中富婆的她，當時更承認自己在投資物業方面眼光準，大多 有賺無蝕。不過，鄺美雲這個一住超過十年的三千呎獨立屋，其實並非她名下物業，而是當年跟何永安拍拖，男方給她入住的安樂窩。 公司簽名相同 就田土廳資料顯示，鄺美雲位於深水灣道四十號的文禮苑獨立屋，由何永安其中一間英屬處女島登記的公司持有，登記人簽名，跟何永安早年安置曹央雲母女並於較 早前以四億五千多萬售出，大賺二億的山頂加列山道獨立屋的買賣合約簽紙人，同屬Crosthwaite Chan Anne Eleanor一人。 磚頭致富 82年選美得亞軍，鄺美雲入行做歌星搵到第一桶金後，開始買磚頭投資。自命炒樓有心得的她，高峰時期手持物業逾10個，被稱為圈中富婆。隨住香港地產起 飛，鄺美雲身家亦水漲船高。由88年至03年，鄺美雲買賣過多個不同類型的物業，包括禮頓山、陽明山莊等豪宅及遠東金融中心商用單位，雖然當中有賺有蝕， 埋單計仍勁賺近1,500萬。 三十萬生活費 據了解，早年已婚並跟正室育有一女的何永安，過往對女朋友十分豪爽，鑽石名牌手袋不缺，又提供豪宅任住，雖然得個住字，但跟鄺美雲疏遠後，多年來亦未有收回。 「何永安係向華強太太陳嵐介紹俾Cally（鄺美雲）認識，當年何永安好濶佬，除咗俾間屋佢住，仲每月有成三十萬生活費，之後何永安識到曹央雲，佢就疏遠 Cally，不過佢一直冇叫Cally搬，又繼續照顧佢嘅生活，直至近排經濟出現問題，頻頻俾人追債，先要收番間屋。Cally上個月就買咗寶松苑，而家 裝修緊，大概月尾搬過去。」知情者說。 失蹤兩次 鄺美雲多年來一直獲厚待，反而替他生了兩個女的曹央雲，卻在○九年被毆打而報後，即被何永安以斷供一招，迫令母女三人搬走，他更連隨將獨立屋售出，套現四億多。曾經試過丟低屋企兩年，無故失蹤的他，又再次唔見人，且變本加厲，連三母女的生活費亦終止。 「佢（何永安）成日同人講，央雲係佢唯一真正承認嘅太太，又叫自己阿媽家姐出手勸央雲同佢生BB，所以央雲根本就唔知佢出邊有其他女人。到個女四歲，佢就突然失蹤兩年，但之後又返屋企認錯寫悔過書，所以央雲先肯再生第二個。 名氣生活 鄺美雲（Cally）自從投身珠寶界，亦開展她的名氣生活，除了經常戴住貴價珠寶現身外，連愛犬Cash亦過得比人富貴。 鑽不離手 00年開設CALLY JEWELLERY LTD，開幕當日，她戴住鎮店之寶36卡的鑽戒示人，又曾以二千萬翡翠鑽飾贊助肥姐出席台慶，平日出席活動，等閒一隻梨形鑽戒亦過十卡，鑽飾翡翠，收藏不少。 名牌家居 家住深水灣過億獨立屋的Cally，家中用品亦十分講究，宮廷式水晶吊燈和家具，用Hermes餐具，連愛犬坐的也是Gucci皮製狗籃。 愛狗如命 視如親子的法國比熊犬Cash，不單只有傭人服侍，出街有保鏢抱實，平日做狗仔spa和食鵝肝，更有鑽石裝身。Cally曾為愛犬花二萬元開生日會，甚至 在書展為Cash出書出精品，生活矜貴。除了養狗，本身是香港賽馬會馬主會員的Cally，名下有三匹愛駒甜蜜福星、祿寶和團隊福星。 為善最樂 Cally是虔誠佛教徒，每有佛教慈善和探訪活動，她例必出席和捐錢，還帶埋愛犬Cash拜佛，近年沾手內地投資的她，在江西省開辦了十三間「鄺美雲佛教小學」，並在06年擔任江西省政協。 細女冇出世紙 「點知生第二個又係女，佢就開始對佢哋呼呼喝喝，對個大女態度尤其差。成日話公司生意唔好，攞咗央雲成千萬周轉，佢後來再要錢，央雲話啲錢要留俾兩個女做 生活費，佢就郁手郁腳。嗰次佢哋嘈得咁犀利，係央雲想幫個細女攞出世紙，因為何永安一直唔肯簽名，個女兩歲都冇出世紙。嗰次嘈完之後，佢就冇返過屋企，唔 供樓唔俾家用，央雲仲蝕賣咗西摩道層樓用嚟供山頂間屋，後來真係供唔掂，先搵屋租，總之佢哋三母女好慘。」曹央雲閨中密友透露。 據了解，到處留種的何永安，跟一位姓譚的公司女職員亦育有一對兩歲多孖仔，目前女方正懷有第二胎，現以三十多萬租住港威公寓式住所兩個相連單位，而孖仔更有四名護士貼身照顧，反而曹央雲所生的兩個女兒他一直冇理，一切要由律師互傳消息。 天地不容 記者致電曹央雲，對於鄺美雲十一年來一直住在何永安名下的獨立屋，她說：「我唔清楚，如果係事實，佢對啲女朋友好過兩個女，真係天地不容。其實（暴力）件 事發生咗，我都冇辦法直接搵到何生解決問題。（你知道佢同鄺美雲拍過拖？）佢同我一齊嘅時候，已經交代過佢嘅過去，講明同鄺小姐分開咗。 「（你知唔知佢而家嘅財政狀況？）佢從來都唔俾我過問公司嘅嘢，叫我淨係做好何太，咁多年來我只係全心全意為個家，不過無論點，佢應該有能力養兩個女。（傳聞有公司女職員同佢生咗對孖仔？）我唔敢相信，佢連個細女出世無耐，都丟低冇理。」 情債錢債 高峰時期身家達三億美元的富豪何永安，90年與賭王何鴻燊共同創立嘉域集團。08年他捲入本港歷來最大宗的前雅佳清盤案，涉及資產約12億美元，09年2 月，他更一度遭凍結二億美元資產，直至同年十月，終以逾一億美元和解。一波未平，又遭前女友之一勞玉儀入稟索償3,000萬。 在商場上負債纍纍，搞到身家大縮水，感情方面亦一片混亂。01年何永安結識了亞姐出身的曹央雲，女方03年為他誕下長女Audrey，08年再誕下幼女。 但男方跟女友之一鄺美雲並未完全斬纜，仍供住文禮苑。09年四月，何永安涉嫌在加列山道寓所內向曹央雲動粗，令二人關係破裂。同時亦有傳他與公司一名譚姓 職員同居，誕下孖仔，組織另一個新家庭。 |
||||||
|
||||||
|
嘉域集團主席何永安爆煲被追巨債 後，竟向94年亞姐女友曹央雲三母女開刀，斷供她們入住的山頂加列山道豪宅，更以賤招逼遷。日前曹央雲到警署備案，指兩年前因患重病，將一袋有紀念價值物 品交予何永安保管，近日獲發還時，發現其中一隻由何永安贈送的七卡半全美、價值過千萬鑽戒不翼而飛。 據了解，在朋友面前叫曹央雲「老婆」的何永安，○三年於禮頓山會所擺「婚宴」，更寫下婚姻承諾書。直至三年前，公司女下屬為他生下孖仔，老來得子的他即拋 妻棄女，更使出蠱惑招，令曹央雲孭債八百萬。「前夫」無情無義，當見到多張何永安抱住孖仔跟女下屬行街的家庭照，睇完又睇的曹央雲說：「禽獸不如。」禮頓 山擺酒 本週一（九月十二日）下午三點半，曹央雲一個人到北角，接今年入讀幼稚園的細女放學，記者截停她，並遞上多張有關何永安跟女下屬譚翠儀，帶同一對孖仔加四 名看護、三名保鏢遊海港城的家庭照，曹央雲睇完又睇，仲流住眼淚口震震說：「何生好對唔住我哋三母女。」之後攞住相片急步走向幼稚園，未有再理會記者。 據了解，身邊女人多到氹氹轉的何永安，除明媒正娶的妻子余露絲，跟曹央雲一起後，人前人後都會稱她做「老婆」，其實兩人一直沒有正式註冊結婚。 「佢（何永安）一直講余露絲貪錢又長期喺美國，雖然兩個當時未離婚，但就承諾會離婚，跟央雲組織家庭，於是簽咗封結婚承諾書俾央雲，仲喺禮頓山club house擺咗幾圍，當晚向（華強）生向太都有出席。先排央雲唔見咗嗰隻戒指，就係何生當時送俾佢嘅結婚禮物，梨形七卡半，值過千萬。之前央雲病得好緊 要，佢驚自己有事，所以將啲定情物件交俾個男人保管，後來央雲好番，何永安拖咗兩年先俾番啲嘢佢，偏偏就冇咗隻戒指。」曹央雲好友說。 老來得三子 何永安跟女下屬所生的孖仔，比曹央雲細女還大半歲。今年初，女下屬再為他誕下一子，令何永安更加大條道理棄養曹央雲三母女，細女至今更加未見過爹哋。老來 得三子，何永安樂在其中，即使外傳他欠債十二億，就連嘉域今年六月被申請清盤，他亦將大部分時間放在兒子身上，每星期大概只返兩日工。據了解，何永安棄養 三母女前，曾以生意周轉為由，向曹央雲借下過千萬，到今年，曹央雲更加無端端孭多八百萬債上身。「央雲覺得兩公婆錢銀問題，就算係講緊成千萬，都冇理由要 對方寫借據，最慘係之前何永安送俾央雲啲公司，中間唔知做過咩手腳，上個月因為公司欠債，搞到央雲要還八百萬債，加埋幫個男人前後接近二千萬，就算央雲有 幾個物業收租，但呢兩年幾來，個男人冇俾生活費，佢都要為兩個女日後生活打算o架，好彩佢仲識得搵班姊妹傾吓，如果唔係真係鬱死。」曹央雲身邊人透露。 出律師信 何永安另組新家庭，記者致電曹央雲，她說：「我問過佢係咪同另外啲女人生仔，何生搵人同我講，佢一生人只得三個女，更出埋律師信告我誹謗，我覺得佢係禽獸 不如嘅愛情騙子，犧牲我哋三母女嘅幸褔，就算重男輕女，都唔應該咁喪心病狂。（你係咪幫佢還咗八百萬債？）我都唔明發生咩事，本來唔係我嘅公司又變咗我個 名，因為海外公司架構比較複雜，總之我就要不停咁還債，無得唔還。」 未有三子前，何永安在山頂買地起大屋，更不時招呼朋友，而當日幸福的曹央雲，亦將幸福照以及新裝修後的豪宅照放上facebook，跟好友分享。 情債纍纍 嘉域集團（186）主席何永安，高峰時期身家數以十億元計。財多自然情多，身邊女伴如車輪轉，以為枕邊男人可以令自己衣食無憂，可惜換來一場空，甚至要貼 錢打官司，反目收場。 打曹央雲 09年4月，曹央雲在加列山道豪宅遭人襲擊報警，面頰、口角及手部受傷紅腫，在女傭陪同下送院，當時她仍身穿睡衣，何永安則已離開現場，翌日才到警署協助 調查。警方以傷人罪將他拘捕，但最終沒有起訴。事後何永安以斷供賤招，逼曹央雲母女搬走，又丟低兩女不理，無故失蹤兩年，近日更變本加厲，拒付曹央雲三母 女生活費。 被追 3000 萬 何永安另一舊愛，同是商界強人的勞玉儀，去年底入稟控告何永安先後開出3400萬元的期票及支票，皆未能兌現。勞指何永安是其女兒的生父，更在庭上大爆對 方唔只得一個女人，有「二、三、五個女人」。何則辯稱雙方曾協議，要有孩子的DNA測試報告，期票方會兌現，同時向勞玉儀提出反索償。法庭最後判何永安敗 訴，須償還3000萬。 |
||||||
| ||||||
每逢暑假，曹央雲也會帶兩個女兒去旅行，並由自己安排一切細節，機票、酒店、行程一腳踢。她更寓教育於娛樂，叫女兒旅行之前上網做定「功課」，「佢哋地理課教到的地方，都會帶佢哋去，仲會叫佢哋搵定當地資料，咁印象會更深。」訓練膽量 曹央雲喜歡寓教育於日常生活，即使去旅行，也要兩個女兒學到嘢，而非齋玩樂。剛過去的暑假，她們三母女便去了布吉度假半個月，她將照片放在facebook上與朋友分享，致電曹央雲，她說：「孩子鍾意旅行，我會將旅遊作為勤奮向學嘅鼓勵。」 出發前，她會讓十歲大女Audrey搜集當地資料，安排行程，旅途中的交通、娛樂活動等聯絡事宜，也由Audrey負責，「我會俾佢同當地職員溝通，例如call club car、house keeping、問資料，藉此訓練佢嘅膽量、語言和溝通能力。」 三母女在布吉天天陽光海灘，著住三點式、身材依然索爆的曹央雲，在沙灘影「漂浮」，曹央雲開心話：「大女最近好鍾意影相，佢喺布吉幫我影咗好多靚相，再留耐啲，我諗空中一字馬我都做到。」只有四歲的細女Promise亦好貪靚，帶了廿多套三點式泳衣去布吉，天天新款，「出發前，佢仲要搽指甲油，十隻手指都唔同色。」 單親家庭 提起親子旅行，曹央雲亦有點感慨，因當她與嘉域集團主席何永安仍在一起時，一家人都會周圍去旅行。○九年與何永安分手，成為單親媽咪的她，逼住要去改變，「以前去旅行，乜都佢（何永安）搞，我連機票都唔識訂；我希望做個好榜樣，由原本內向沉默的性格，盡量變得開朗，等孩子明白人生不如意事十常八九。」但細女Promise與父親甚少接觸，自小缺乏父愛，「佢喺學校見到其他同學嘅家庭，就會問我爸爸在哪裡？我會拎住以前嘅家庭照，簡單話佢知爸爸工作忙，所以冇返屋企，但最近佢話媽媽講大話，因為同學的爸爸也工作，但是會回家。」這個單親媽媽，惟有加倍去愛她作補償。 | ||||||
| ||||||
借柴九黎耀祥經典金句一用：人生有幾多個十年！呢句對白，對跟咗富商何永安接近十年嘅曹央雲應該特別有感覺。十年關係，原本住緊山頂大屋嘅曹央雲因為男方斷供，搞到佢同兩個女俾人逼遷，就連當日收到嘅7.5卡婚戒，亦要被沒收。 四張曹央雲由住大屋有司機接送嘅闊太變單身媽咪，但舊年地產界傳出有個山頂賓士道紅茵閣雙號屋盤議價億六放售，單位係曹央雲○六年以五千七百萬購入。原來冇咗條水喉，但仲hold住大嚿磚頭。早排《壹》仔中環遊街，喺石板街附近見到有億元物業揸手嘅曹央雲，同大女Audrey喺間做緊減價，幾百蚊有交易嘅鋪頭買衫。聽二五講，曹央雲始終冇放到佢間億六大屋；又係嘅，揸磚頭始終比揸cash穩陣，更何況有兩個女要養，大嘅仲先得十歲，有排捱！曹央雲吼平衫，唔亂fing，都啱數！ | ||||||