仁美團拜黎燕珊爆喊
1 :
GS(14)@2016-03-06 03:14:33亞視是否提早熄機仍在膠着狀態，一班昔日亞姐包括黎燕珊、呂晶晶和吳夢婷等昨晚到灣仔出席「仁美清叙」新春團拜，其間黎燕珊忽然激動落淚，不停用紙巾印乾眼淚。她說：「咁快又一年，今年心情係開心又複雜，邱先生（亞視前董事局主席邱德根）咁多年嘅基業就咁就冇咗，冇可能一個電視台會搞成咁。雖然話亞姐會成為歷史，但舊嘅唔去新嘅唔嚟。其實我覺得司先生（亞視投資者司榮彬）其實拎錢出嚟都係一番心意，想搞好佢，雖然唔夠一個月，總之成件事都係一個悲慘嘅結局。」昨晚一班亞姐聚首一堂，但身為前港姐亞軍的朱慧敏卻離奇現身，她指自己是以禮物贊助商身份出席活動。採訪、攝影：盧妹
■呂晶晶昨晚露背現身，成功搶鏡。
■「仁美清叙」昨晚舉行新春團拜，眾亞姐現身支持。
來源:
http://hk.apple.nextmedia.com/entertainment/art/20160305/19516890
賀詞代替團拜承諾快康復華仔留院 派大吉大利
1 :
GS(14)@2017-01-29 10:31:36■華仔出名錫粉絲，希望開騷時，粉絲不用買炒飛。
劉德華於本月17日在泰國拍廣告時不慎墮馬受傷，盆骨多處骨折，現於養和留醫。昨日大年初一，華仔原與粉絲在今日的團拜活動亦取消。但他前晚不忘在官網發新年賀詞：「大年初一了！愛的力量我都一一收到了，今年的團拜就在心靈上進行吧！」華仔更承諾會好好照顧身體，希望可以快些健健康康站在家人及粉絲面前。昨日又安排工作人員在醫院，派大吉大利給守候的傳媒。
■華仔相當期待年底的跨年演唱會，據知他想繼續舉行。
拍戲時間少
華仔因傷要停工一年，工作大受影響，之前計劃於年底在紅館開20場演唱會，會否取消尚屬未知之數，據知他希望12月底可復出做跨年演唱會。他受傷前兩日接受本報賀年專訪時說：「今年拍戲嘅時間比較少，我哋演唱會都會陸陸續續做巡迴。」問到華仔會否再騷肌肉，他就表示：「希望唔使啦，我已經年紀老邁。」華仔出名錫粉絲，在訪問時表示最希望是歌迷不用捱炒價飛，他說：「其實出到街能夠買到嘅唔係好多，希望啲老闆唔好攞咁多。」
想執導演筒
在訪問中，談到95年時因投資天幕電影公司失利，華仔說：「95年之後就要set好一個還錢嘅計劃，所以嗰五年就好似打工咁，可能就有啲攰有啲怨，但係去到2000年開始，又去番自己決定。」華仔還想嘗執導滋味，他說：「我諗過喜劇，因為喜劇起碼有個底。」採訪：鍾國仁、黃芷蔚攝影：郭賢興、周樂恒場地提供：好酒好蔡
■林家棟表示華仔已可坐起身，比預期快康復。攝影：盧妹
■昨日大年初一，華仔派人送上「大吉大利」。
來源:
http://hk.apple.nextmedia.com/entertainment/art/20170129/19911875
洪永城唐詩詠團拜洩蜜
1 :
GS(14)@2017-02-05 10:48:28■古天樂年初四在團拜飯局任頒獎嘉賓，與女幸運兒合照，相中見洪永城和唐詩詠坐在背後。互聯網圖片
洪永城早前被指對相識十年的「翻版徐子淇」Kanice Po念念不忘，還私下約會，因而激嬲女友唐詩詠，令唐詩詠一怒之下以WhatsApp提出分手。不過，事後洪永城強調不是事實，指二人沒有分手，還表明會給更多安全感予女友。
■香港武術運動員楊子瑩亦在Ig貼與洪永城和唐詩詠的合照。
洪永城於本周二大年初四更以行動粉碎分手謠言，他與女友唐詩詠以情侶姿態出席一間公司的團拜飯局，古天樂有份出席，古仔在飯局上為抽獎任頒獎嘉賓。其中一位女幸運兒在Ig貼了一張古仔頒獎給她的相片，相中見洪永城和唐詩詠同時被攝入鏡頭，二人並肩而坐，足證情未變，香港武術運動員楊子瑩亦在Ig貼當晚在飯局上與洪永城和唐詩詠的合照。洪永城昨日回覆傳媒說：「正常拜年。」唐詩詠則貫徹感情事低調作風說：「關於佢（洪永城）我冇任何回應，現場仲有好多人嘅。」採訪：嵐山
來源:
http://hk.apple.nextmedia.com/entertainment/art/20170204/19917169
廉署被指士氣低白韞六：團拜多人去
1 :
GS(14)@2017-02-08 22:08:47【本報訊】廉署前署理執行處首長李寶蘭去年被取消署任，觸發廉署人事大地震，連串事件令形象受損。港大民研早前公佈調查結果，市民對廉署滿意度評分是9個紀律部隊中最低。廉政專員白韞六昨在立法會上辯稱，市民對廉署支持度高企，更稱近日廉署舉行新春團拜，獲600位同事出席，是歷年最高。
引自家民調稱九成人撐
白韞六表示，去年廉署委託獨立機構進行民調，有逾九成受訪者認為廉署值得支持，反映市民對廉署支持度高企。人民力量陳志全質疑，白韞六與香港市民處於平行時空，他指早前港大民研公佈調查結果，廉署在一眾紀律部隊滿意程度中排最尾，斥對方不願面對事實，「拎自己嗰啲研究出嚟，即係港大嗰啲錯，你就啱，咁我只能講句真係恭喜你，你覺得自我感覺良好，唔使提振士氣」。白韞六回應指，不同調查有不同假設和原則，不能作比對。面對有議員質疑廉署士氣低迷，他稱年初七廉署舉行新春團拜時，獲600位同事出席，人數為歷年最多。曾任職廉署調查主任的民主黨林卓廷在會上質問白韞六，在去年執行署人事風波後，是否在一個高層會議上，被多名人員包圍要求下台，惟白無正面回答。及後在社民連梁國雄追問下，白承認其曾與執行處高層就人事問題展開會議，「大家都好斯文，唔會好似有議員講咁圍（我）」，梁國雄隨即追問：「咁有冇一群人話畀你聽，唔知乜理由，叫你不如辭職啦？」白僅稱不便透露會議內容。另外，特首選舉在即，有議員指近來社交網站出現自稱自發支持某位參選人的專頁，亦有不少網媒及網民都會製作惡搞圖片，關注相關行為會否觸犯選舉舞弊條例。廉署執行處首長丘樹春回應稱，假如這些資訊被定性為選舉廣告，涉及開支，而發佈人事前未得有關候選人同意，就有可能違法，但具體內容因廉署日後或有可能要調查，故不評論個別個案。■記者紀靜雯
來源:
http://hk.apple.nextmedia.com/news/art/20170208/19921565
【馮仁昭四圍超】翠如講團拜失控：阿Bob最盡興
1 :
GS(14)@2017-02-11 18:37:56■Bob年初四去張繼聰屋企團拜，點知又被指醉酒鬧事。互聯網圖片
林盛斌（Bob）酒後多次出事，試過啜爆梁烈唯同搗亂錢國偉婚禮。噚日有周刊爆大鑊，指Bob今年大年初四同黃宗澤、蕭正楠、黃翠如等去張繼聰屋企團拜，幾杯落肚後又失控。當晚Bob狂自隊，酒後口齒不清又爆粗，張家家規講明唔可以喺室內食煙，點知Bob邊行邊食，仲周圍強吻人，連周柏豪都中招，有人抗拒被吻，推撞之間連傢俬都推跌。團拜尾聲，Bob唔肯走，張繼聰叫佢都唔理，仲爆粗回敬，友人勸Bob離開仲被箍頸，搞到大肚婆謝安琪扯火，張繼聰差啲被開年。
Bob噚日回覆傳媒時話：「其實當晚大家玩得好開心，絕對唔係佢哋寫到咁，已經約緊出年再聚。」屋主張繼總亦話：「冇咁嘅事，嗰晚大家玩得好開心。」
■黃翠如話Bob團拜當晚被人夾實坐埋一邊。
夾實坐一邊
有份去張繼聰屋企嘅黃翠如噚日喺屯門出席活動，問到團拜當晚發生嘅事，佢笑笑口話：「阿Bob最盡興，我噚晚撞到佢，佢問我當晚發生乜事。」仲話Bob當晚被人夾實坐埋一邊，食咗三碗公仔麵又嘈喧巴閉，問Bob有冇爆粗同推跌傢俬？翠如即刻扮無知，只係話佢留到最後，張繼聰不停同佢講人生道理。撰文：馮仁昭
來源:
http://hk.apple.nextmedia.com/entertainment/art/20170210/19923372
Next Page