喪玩連走兩場慶功里安納度漏低小金人
1 :
GS(14)@2016-03-02 15:16:53■里安納度狄卡比奧拿着小金人獎座去刻名，更風騷撩為他刻名的女士。
【第88屆奧斯卡頒獎禮】第88屆奧斯卡頒獎禮前日已圓滿結束，里安納度狄卡比奧（Leonardo DiCaprio）眾望所歸破蛋稱帝，在台上雖表現冷靜，但其實他領獎後十分high，更連走兩場慶功派對。可能玩得太high，里安納度竟將小金人獎座漏低在餐廳內。而今屆奧斯卡收視大跌，創8年來新低！由1993年提名最佳男配角開始，里安納度狄卡比奧先後獲提名四次男主角及一次男配角，但一直與小金人無緣，他前日終於開齋，憑《復仇勇者》（The Revenant）勇奪最佳男主角。於頒獎禮完畢後，里安納度連走兩場慶功，先出席《Vanity Fair》舉行的派對，見他不停玩手機傳短訊，卻將小金人放在地上。而該派對雲集眾多紅星靚人，當中以名模Miranda Kerr最為搶鏡，她穿上極性感紅裙，大晒零脂肪弗爆身段。
■慶功派對後有人拿着支酒給里安納度，之後餐廳職員追出還小金人給他（右圖）。
■去年宣佈患上愛滋的查理辛，現身艾頓莊主辦的派對。
飲酒食電子煙
其後里安納度再轉場去位於西荷李活的Ago餐廳所辦的另一派對，他已異離的父母都各自帶另一半慶祝乖仔封帝。美國娛樂網站《TMZ》拍到里安納度於派對食電子煙又飲雞尾酒，接受眾人祝賀，不過，看似帶點醉意的他，離場時急步上車，之後有人遞給他一支酒，隨後又有人攞着小金人追出來還給他，原來里安納度玩得太忘形，連等足23年才得到的獎座亦遺留在餐廳中，認真大懵！至於憑《抖室》（Room）封影后的貝兒娜森（Brie Larson）就在派對上大叫肚餓，她更公開了豪邁食相，戙高腳進食。
■名模Miranda身穿性感紅裙現身派對，大晒弗爆身材。路透社
■出爐影后貝兒娜森公開豪邁食相，着波鞋戙高腳狂擦。
查理辛終露面
樂壇大姑媽艾頓莊（Elton John）每年趁盛會之後都舉行愛滋病基金派對，大姑媽與老公David Furnish出席之外，真人騷女星Kim Kardashian的變性繼父Caitlyn Jenner亦有出席。今次派對上亦有一名矚目來賓，就是去年驚爆患上愛滋的過氣男星查理辛（Charlie Sheen）。他去年11月在節目上承認確診感染愛滋，更被翻濫交、吸毒等舊賬，避風頭多時的他終於再度現身公開場合，更在派對上任影唔嬲。今屆鬧出染白風波，被指歧視黑人，未知是否因而影響收視，據美國傳媒指今屆奧斯卡大約有3,430萬人收看，比起上年約跌6%，更是8年來最低。撰文：泉水
來源:
http://hk.apple.nextmedia.com/entertainment/art/20160302/19512033
大台喪玩穿越時空 越睇越有驚冇喜
1 :
GS(14)@2016-10-17 08:09:24近日一對喺1985年《回到未來》（Back to the Future）中出現過嘅自動綁帶波鞋實體面世，令時空穿越呢件事，突然變成一個話題。大台其實「好潮」，屢次以穿越時空呢條橋嚟做劇集故事嘅橋段，不過同一款橋唔代表套套效果都係一樣嘅。
《尋秦記》
首播年份：2000年故事：改編自作家黃易嘅同名小說，電視劇版講警隊要員保護組警員項少龍（古天樂飾）喺一次時光機科學實驗中，被送返去2000幾年前嘅戰國時代，更要搵番秦始皇，佢就以現代人所得嘅知識，以及佢喺特種部隊所學嘅職業專長，喺戰國時代化險為夷……演員：古天樂、江華、宣萱、滕麗明、郭羨妮、鄭雪兒、李子雄等好睇度：＊＊＊＊＊（以5＊為最高）可能因為《尋秦記》係大台開創穿越時代劇種嘅先河，加上係當年嘅台慶劇，所以口碑同製作都相對地認真，而且主演嘅都係好戲之人，包括古天樂、江華、宣萱、滕麗明、郭羨妮等，睇卡士都贏幾條街。而古天樂更憑呢套劇，贏得2001年《萬千星輝頒獎典禮》最佳男主角。
《九五至尊》
首播年份：2003年故事：喺200年前嘅清朝，當呂四娘（張可頤飾）行刺雍正皇帝（江華飾）之時，遇上水龍捲，兩人穿越時空到21世紀嘅香港。雍正陰差陽錯成為李大蝦，入咗建材公司做嘢，仲利用自己嘅智慧謀略輔佐三公子岑日禮（林韋辰飾）喺家族企業中平步青雲；而呂四娘就成為同一建材公司老闆岑兆康（秦沛飾）嘅貼身保鏢。因為兩個古代人喺現代香港生活，發生咗好多唔同嘅笑料。演員：江華、張可碩、曾偉權、郭政鴻、鄧一君等好睇度：＊＊＊＊繼《尋秦記》之後，江華喺《九五至尊》中擔任，同張可碩合作，兩個唔單止夠撐場，而且真係演得好。一直都Chok住演嘅江華演活咗原本係皇帝、點知墜入現代凡間變平民，淨係講對白都已經活靈活現，氣勢贏晒。
《巴不得爸爸》
首播年份：2009年故事：楚帆（陳錦鴻飾）同楚慈（吳卓羲飾）性格相反，為免爭拗而分住嘅兩人，後來因楚帆有老人痴呆，返家同住嘅楚慈因嬲爆老竇破壞自己可以過檔鉅富程坤棉旗下，同時又打算結束老父心中雲吞麵檔，同安排對方入住老人院。點知楚慈一次意外穿越時空，返去六十年代，撞見年輕嘅楚帆、程坤棉等人。楚慈以為自己投靠程坤棉就可以攀龍附鳳飛黃騰達，後來發現對方欺上瞞下，加上記起以往嘅父訓，有所頓悟，拒絕幫棉，但棉發現楚慈來自未來，更知道自己會變成鉅富，反過嚟利用楚慈……演員： 姜大偉、陳錦鴻、胡杏兒、吳卓羲、楊思琦、胡定欣等好睇度：＊＊＊雖然卡士唔及上面兩套咁強，個故事都叫有啲meaning，不過，因為套劇嘅拍攝背景同電影版《難兄難弟》類同，甚至有人懷疑大台「參考」橋段，所以成件事個印象分大減。順帶一提，套劇係幾年之後開咗套姊妹劇《巴不得媽媽》（但兩個古仔係冇關係嘅）。
《回到三國》
首播年份：2012年故事：MK仔司馬信（馬國明飾）平日沉迷三國online game，更視諸葛亮為偶像，佢喺一次意外下商逢一個500年一遇嘅超級颱風，差錯腳而跌入時光隧道，返咗去三國時代。司馬信遇上諸葛亮（林峯飾），仲拍檔上陣殺敵，正常司馬信以為自己泊到個好碼頭時，發現諸葛亮根本唔係咁諗，二人決裂，雖然一度和好，但最後都係反枱收場，返唔到現代嘅司馬信憑住自己「先知」嘅能力喺三國大展拳腳……演員：馬國明、楊怡、林峯、羅樂林、蔣志光等好睇度：＊＊＊馬明BB擔正嘅《回到三國》，原本有佢天然呆嘅演繹，加埋有楊怡演嘅桑柔，個卡士組合係幾好嘅，可惜劇情無法之觀眾留下深刻印象，只係記得大結局係古代嘅楊怡嚟咗現代搵馬明BB團圓，但……又唔係大團圓結局，睇到個心嗱住嗱住。
《張保仔》
首播年份：2015年故事：女警黃娣妹（陳凱琳飾）喺長洲緝捕賊王Bowie（陳展鵬飾）時發生槍戰，娣妹靠喺張保仔洞執嘅古錢救命，之後佢出海追賊，遇上水龍捲被捲走，之後佢發現自己去咗清代嘉慶年間嘅海上戰場。海盜紅旗幫嘅張保仔（洪永城飾）某次出戰時發現娣妹，將佢捉返水寨；另一邊廂，娣妹被十一貝勒旻皓（陳展鵬分飾）喺平定海盜行動時生擒兼逼佢套料，可惜不果。娣妹喺返回現代前努力撮合自己嘅太爺同太嫲，避免自己灰飛煙滅；同時，佢打算借水龍捲再現時機返現代，保仔幫手，但旻皓現身同保仔打起上嚟，令娣妹返回現代大計受阻……演員：洪永城、陳凱琳、陳展鵬等好睇度：＊首先，故事太複雜，穿越完都仲要搞清楚啲一人分飾兩角，睇到頭都大；其次，故事想包圍嘅嘢太多，但要塞晒喺嗰幾十集嘅故事度，似乎太貪心。加埋啲演員……你懂的，所以……慳番啲時間做啲有益有意義嘅事更好。
來源:
http://hk.apple.nextmedia.com/entertainment/art/20161017/19803585
殺入嘉年華狂被集郵張栢芝湊仔喪玩 大豐收
1 :
GS(14)@2016-12-28 08:12:16【全神貫注】■張栢芝前日趁假期帶兩個囝囝去嘉年華玩，兩兄弟對拋呼拉圈特別有興趣。
【中環】現年36歲的張栢芝，2012年與謝霆鋒結束五年婚姻關係後，雖然不時傳出新戀情，包括去年傳與47歲內地隱形富豪孫東海擦出愛火花，惟栢芝至今仍表示單身，加上她向來有子萬事足，將大部份時間都放在一對兒子身上。繼日前甘比（陳凱韻）囡囡秀樺，獲姨媽及婆婆帶到中環歐陸嘉年華玩飛天韆鞦後，前日栢芝亦帶兩個寶貝仔謝振軒（Lucas）及謝振南（Quintus）去玩。本報讀者馮小姐報料，指前日下午5時許，見到栢芝及兩個囝囝現身嘉年華，本報記者抵達後，發現除栢芝一家三口外，同行還有一大一細親友，以及一位疑似外傭姐姐。
【馬上擊掌】■跟大仔Lucas騎馬仔時，栢芝即與他擊掌鼓勵。
【陪仔坐車】■張栢芝攬着細仔Quintus，一齊玩機動遊戲。
鍾意拋呼拉圈
栢芝與兩子全程玩得很投入，大會則安排了至少三名工作人員護航，他們一行人亦不用排隊，去到邊玩到邊，其間Lucas及Quintus對拋呼拉圈贏禮物的遊戲特別有興趣，還贏了不少戰利品。
【滿載而歸】■張栢芝三母子在嘉年華盡興外，還贏了一大袋禮物。
■張家瑩上載一張由栢芝操刀的自拍合照。互聯網圖片
栢芝除陪囝囝玩，他們贏了遊戲又互相擊掌，還要應付途人找她「集郵」及回覆WhatsApp，一心三用。栢芝逗留兩個小時其間最少有五十人找她合照，全部來者不拒，連張家瑩都在facebook上載了一張由栢芝負責影的自拍合照。採訪、攝影：徐錦池、吳耀輝、孔志豪
來源:
http://hk.apple.nextmedia.com/entertainment/art/20161228/19878639
Next Page