拍前睇片段參考談善言咀胡子彤 「驚有口氣」
1 :
GS(14)@2016-09-03 23:28:56■談善言跟胡子彤在這場樓梯接吻戲中，各自獻出銀幕初吻。
【熱血點五步】在電影《點五步》中飾演情侶的談善言跟胡子彤，日前分別在尖沙嘴接受訪問，他們笑言分別向對方獻出銀幕初吻。現年26歲的談善言表示在埋位前，導演刻意安排他們盡量熟絡，還預備了一條參考片段，她說：「事前大家都準備好茶、香口膠同果汁，驚有口氣。不過避唔到，一開始就好尷尬，掂一下就縮開，導演唔收貨，最後要錫咗四、五次，呢個係我銀幕初吻，之前拍廣告我都推咗廣告公司，估唔到個初吻就咁畀咗胡子彤，不過冇蝕底，佢都係。」談善言表示《點》片是兩年前拍，現在一班演員再走在一起，很有團隊打波的感覺，最感動是片頭及片尾的雨傘運動片段，她說：「喺電影節第一次睇套戲，好感動，因為估唔到有雨傘片段包住嗰古仔。」結局一場雖然自己不在場，但亦感受到一班大男孩喜極而泣的氣氛，亦眼濕濕。
■胡子彤希望可以雙線發展，當初他由不喜歡棒球到成為代表隊員。攝影：葉君海
■林耀聲出席原聲唱片簽名會，有不少fans慕名跟他合照。攝影：仇志德
兒時在棒球場過
談善言的銀幕情人胡子彤形容四十天的拍攝工作令他非常難忘，他說：「本身係棒球運動員，未拍過戲，所以拍嗰陣所有嘢都好新鮮，亦都愛上電影工作。」目前正職是學校棒球隊教練，但希望可以雙線發展。今年24歲的胡子彤笑言兒時很討厭棒球，他說：「棒球係阿哥玩先，每個星期六全家就陪佢練波，星期日去比賽。我每個星期就要喺球場過，畀啲唔識嘅auntie、uncle玩同摸頭。」但當他12歲時認識了一名棒球教練後，令他由網球轉而愛上了棒球。另外，《點》片一眾演員前晚到九龍灣謝票，除林耀聲、談善言、胡子彤外，飾演校長的廖啟智也有到場，甫現身即摑了每人一巴掌，重現戲中場面。馬不停蹄的演員昨日又到荷里活廣場，出席電影原聲大碟簽名會，林耀聲透露由不懂打棒球到要演一名投手，經過兩個月苦練，其間試過甩骹受傷。採訪：張俊銘、何永寧
來源:
http://hk.apple.nextmedia.com/entertainment/art/20160903/19758143
談善言新片戀「巨胸翠如」
1 :
GS(14)@2016-10-17 08:09:31貌似毛舜筠的「少女毛毛」談善言最近在電影《小男人週記3之吾家有喜》中飾演一名女同性戀者，與「巨胸翠如」鄧月平有一場泳池親熱戲，她說：「劇本係要kiss，但最後錫面交代，其實真咀我都唔介意。」談善言為配合角色鏟短頭髮，笑說：「連阿媽同弟弟都以為多咗一個囝囝同阿哥。」她直言經常被人誤會是TB：「讀中學時已有師妹問我係咪鍾意女仔，但當時我有男朋友，可能體內散發住男性特質。」她大方透露現在有一位做模特兒的男朋友，提到蘇麗珊和游學修疑公司壓力致分手，談善言說：「自己冇壓力，人哋嘢唔評論，兩個人先知發生乜事。」採訪：嵐山
來源:
http://hk.apple.nextmedia.com/entertainment/art/20161017/19802887
【add】紅人主場：談善言機會來了
1 :
GS(14)@2017-03-03 00:59:56Merimekko黃色套裝Claudie Pierlot高踭鞋 Atelier Swarovski水晶耳環
影圈新人談善言（Hedwig)憑處女作《點五步》獲金像獎提名最佳新演員，25歲的她由模特兒變做演員機會不斷，入行時被稱文青女神，最近為慈善電影把頭髮剃掉，skinhead造型令女神幻滅，卻意外地發掘了自己的另一面。統籌：林妙萍 撰文、造型：顏英儀攝影：郭賢興化妝：Kinki Wong of MASH73 LTD談善言早前拍攝慈善電影《告別之前》，因飾演腦癌患者而把頭髮剃掉，為藝術犧牲，這個skinhead形象，意外地令她的形象更加突出，有型有格。
Claudie Pierlot牛仔褲、皮褸agnès b.背心Atelier Swarovski水晶耳環
Claudie Pierlot白色露肩裙、民族腰帶 Chachawax手鐲/Cocktail
冇信心攞獎
上年談善言首次踏足影壇，接拍由新晉導演陳志發執導的低成本勵志電影《點五步》，獲今屆電影金像獎8項提名，而她亦有份角逐最佳新演員，「有份提名已經好開心，坦白講我冇信心可以攞獎，有提名已經係對自己一個肯定，令更多人認識我，我希望胡子彤（點五步男主角）會贏，其他對手好似坤哥（吳業坤）同余香凝都演得好好。」娛樂圈每年新人輩出，等一個機會短則幾年，長則要等上一輩子都未必會遇上，對於一位新人來說，談善言是比較幸運的，機會接踵而來，「講真冇諗過套戲會咁受歡迎，有份參與已經好幸運，呢一行好多人都好畀心機，但未必會俾人見到，我識好多同學都做得好好，但佢哋冇我咁好彩，相對呢方面我比較好彩。」
■談善言原本在後台做dresser，後來被發掘做model拍廣告及拍電影。
燃起演員夢
談善言續說：「我最叻係幸運，之前都唔係做model，我本來係做dresser，係有模特兒公司嘅人問我有冇興趣做幕前接吓job，做model時試鏡又cast中拍港台劇，之後又有朋友問我有冇興趣去電影試鏡，嗰時都唔知《點五步》係一套會喺咁多戲院上嘅電影。屋企人都好放心我去做我想做嘅事，基本上都好少過問，知我可以自己搞掂，不過我知阿媽都有同朋友親戚講阿言拍咗邊套戲，而我阿爺就最開心，會將我雜誌嘅相一本本咁儲起。」今次獲金像獎提名，亦燃起了談善言對電影的一團火，「提名之前我冇乜目標，之前只係想喺呢行默默生存就OK，我相信今次上台嘅機會唔大，之前都冇諗做演員為終身職業，但今次提名後希望有一次真係可以好有信心咁上到台，可以同大家講聲多謝。」
文青變和尚
90後的談善言性格坦白又率性，出道時被稱做文青女神，最近因拍戲而把頭髮剪掉，即變酷爆型女，「我覺得自己擔當唔起文青呢個稱號，因為我個性格比較男仔頭同粗魯，所以我覺得自己唔配。剃完頭之後唔使成日洗頭，慳咗好多時間，呢個look都係新嘗試，不過男友就笑我似和尚，仲幫我影咗輯相留念，一個女仔一生人好少有機會剃頭，今次都係一個新嘗試，可以開拓一個新方向畀自己，改變造型對演員嚟講係好事。」
■談善言樂於在Ig公開與男友的合照。
90後愛情觀
25歲的談善言已有一位穩定男友，不過她就對婚姻沒有憧憬，「兩個人拍拖最緊要舒服，結唔結婚係額外嘅事，我或者唔太適合結婚，結婚要好穩定同一個伴侶一齊係好難嘅事，呢個moment相處到就OK，生命有幾長都唔知，簡單嚟講係不在乎天長地久，只在乎曾經擁有。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170302/19944129
《點五步》8項提名搶金像胡子彤、談善言內訌 爭最佳新演員
1 :
GS(14)@2017-04-06 07:41:38■（左起）胡子彤、談善言同陳志發因合作《點五步》而變得老友鬼鬼。
電影《點五步》喺嚟緊星期日舉行嘅香港電影金像獎共獲8項提名（見附表），談善言同胡子彤雙雙入圍最佳新演員，導演陳志發就獲提名新晉導演獎。談善言話自己所有嘢都係由呢部電影開始，好多導演、副導演都因為睇咗呢套而搵佢試鏡。
■胡子彤會同談善言拗手瓜，爭奪最佳新演員。
■本土熱血電影《點五步》有份角逐最佳電影等殊榮。
對本土另有體會
胡子彤就話同戲中演員建立咗深厚感情：「初頭謝票抱住去玩嘅心情，到經常見面大家好多嘢都會傾，感情突飛猛進，希望可以維持落去。」佢仲回想當日喺導演會春茗，先拔頭籌攞咗新人獎，陳志發引述導演莊文強話好鍾意佢角色，不過擔心冇人認得佢。提到莊文強話佢外表唔係好吸引，攞到獎係佢實力，胡子彤即時喊爆。至於陳志發，對於「本土」兩字有另一番體會，佢話：「近年好多電影強調係本土，會唔會係有病？點解拍番自己嘅嘢，就要一個標籤，話『嘩，好難得呀！』或者我哋真係要反思一下。」陳志發又話希望就算冇本土呢兩個字，香港電影應該繼續百花齊放，最想睇到入場支持嘅觀眾，同荷李活片人數差唔多。」談善言就希望本土電影係因為一種情懷去記得，咁樣對佢嚟講就係本土電影。場地提供：山旯旮
《點五步》有乜提名
最佳電影最佳男配角：廖啟智最佳新演員：胡子彤、談善言新晉導演：陳志發最佳攝影：柯星沛最佳原創電影音樂：戴偉最佳原創電影歌曲：Supper Moment《沙燕之歌》
來源:
http://hk.apple.nextmedia.com/entertainment/art/20170406/19980968
談善言單拖去旅行
1 :
GS(14)@2017-06-25 10:11:25談善言和胡子彤前晚在九展出席「美麗香港˙人情事」短片拍攝計劃2017頒獎禮，負責頒女新人獎的談善言，台上分享心得：「自己唔係讀電影出身，所以其實唔算有太多經驗可以分享。」她透露以前做模特兒，拍過不少短片，亦有興趣做導演。同時，談善言又表示會一個人到斯里蘭卡旅行：「唔怕，當地有八成人信奉佛教，而且仲係一個好友善嘅國家。」她認為做演員應該要定期放假，外出見識：「我個人比較內向，每次放完假返嚟心情都會輕鬆咗，容易啲同人接觸。」另外，被問到想不想拍女友歐鎧淳的故事？胡子彤說：「一時時啦，開心事拍低都好嘅，就算係嗌交唔開心都可以記低，用嚟提醒自己。」他透露女友之後要籌備比賽。採訪：曹家誠攝影：陳俊強
來源:
http://hk.apple.nextmedia.com/entertainment/art/20170623/20065283
Next Page